O Kandɔɔ 32:7 - BII BILA

⁷ Mɛɛ kiilaa muungu o Yakɔb lo, má kɔ dimul ndu aa: «N kɔɛ mí n komal Esau bɛ nɔm. O co hunɔ̀ɔ́ nɔm diomɔ̀ɔ́ a vannda kɛmɛ lehiɔɔlu.»

O Kandɔɔ 32:7 Referans Kwoze

O Kandɔɔ 35:3

N co faŋan nanu mì n kɔɛ Betɛl. N tiiya pɛ lon, i cɔw fonda-loamaa-lasálàá le Hala mulul-la piɛilen lɔ́ɔ́ ya va o dɛnɛ palaa nin-ndo-o, ó lo ya ikɛi o kela nuu nin-ndo pɛɛn.»

2Timote 3:12

Síná pɛɛngu maa vanaa-vanaa yeema le lou o diomnden coo a yiinannda a Krista, ó co Yeesu-o, vanaa kan a sɔlanin yɛle tolaalen.

2Korɛntea 1:4

O co naa ɲɔɔloo o sangala naalan kpow nin, haliko mi naa bɛɛ n tiwba vanaa co o sangala súú-súù ka nin-nda ɲɔɔloo a ɲɔɔlu naa pila n sɔla ndu o ba-o.

Dɛnnda kiilaa 14:22

A va kaandennda yoomuan lueiyo, má va nda silaa le lou o laalan ndaa coo aa: «Mɛɛ mì n ce sangalan taw le luɛyɔɔ o Masale Hala len nin.»

Nsaŋ 16:33

Hee kpede niaa dimullo, haliko mi la sɔla kɔlɲuloo o ya nin. La sɔlanin sangaa o ceendo coo, kɛ la vu n'dial te, ya, i nɔla ceendo.»

Matie 10:16

«I co niaa vomɔɔ maa n'saa tunaa yondoa tɛɛn. Lelan, la kiondu kɔltan maa n'kɛw, mì la vi kɔltan maa n'piin.

Matie 8:26

Mó dimul nda aa: «Le yɛɛ niaa co yɛ a siòònde? Laalan niaa dɔɔnan dɛ!» O kon, mó can, mó kpaa hoeiye a mɛnndan, mí ɲɔɔ mei o lepilɔɔ doŋ.

Esai 28:26

Hala ndɔɔ pɛɛku ndu nɛi o bɛnda le kɔlan coo-o, o yɔngu ndu silalan le kelaa lecoo.

Talelan 2:11

yiyan kɛndɔɔ kandanin nɔm yɔŋii n pɔw, mì sinapɛngoo manda nɔm

Condii lisai 142:4

Te sangaa komal-la pɛ, nɔm Mɛlɛka sina nɛila ya kela coo lan. Vannda cii ya yaŋɔɔ o nɛila ya co kelaa lan coo.

Condii lisai 107:6

O kon, má koŋul Mɛlɛka o lani o sanga kon nin, mó soli nda lenin.

Condii lisai 61:2

Éé Hala, tuei cɛɛŋɔnnda nilan, yaŋnun piɛile nilen.

Condii lisai 31:13

A pɔɛɛnun ya o yiyannda ndalan nin mɛɛ vana pɔɛɛnun sɔɛi vana vílɛ́iyo yɛ, i siŋnun ɲɛ vana nɔ lɛ mako loo.

Fulaa 14:10

Faraɔnnɔɔ va hunɔɔ a sɔɔnguuo nda macɛlu tuŋ. Mɛɛ Israɛlla muli hɔlla, má ca Esiptea nda hinullo. Mí siòòŋii bɛndu-bɛnduei bii nda, má koŋul o Mɛlɛka lo kpélén.

O Kandɔɔ 32:11

Cɔ n ce ya ɲia-o a kɛndɛi n tosal-la vana nɔm baalaa-e co ibɔɔ, yáà bɛnda bɛɛ mì yáà sɔla dɛnɛ kɛndɛ vaa lende nɔm o ba le. Kani telen ya taŋ pee bɛndoo ho-o, Yurdɛn pɛɛn, tinda nuu kínɛí va ya o ba ni. Kɛ nihau, vanndacieea a cɔlua co ya o ba kundalan tan tiɔn.

Condii lisai 112:5

Vana sɔvɛɔ nɔ ɲííye, a kɔlkɛndɔɔ o dɔnda vana ɲɔɔ ni, mò bii tɔŋndan o dɛnnda ndɔlan nin.

O Kandɔɔ 32:3

Mɛɛ o ce nda, mó yonda aa: «Nanu dɔ́ɔ́ngɔ́ Hala-o co ni.» Mó ke fonda kon diolan aa: Mahanaim (kon co dimio ni aa «Dɔ́ɔ́ngɔ́la tiɔnndan»).

O Kandɔɔ 32:8

Mí siòònde bii Yakɔb taw, mó buulan. Mó piɔw vanaa va ndu o ba-a kundalan latiɔn, mó piɔw vɛlɛ cɔlua pɔmbɔa a á bɛndua va ndu o ba-a a ɲɔɔmɛɛa kpow.

O Kandɔɔ 33:1

Mɛɛ Yakɔb heelu hɔlla, mó ca Esau bɛ ndɔ hunɔɔ a vanpiaandua kɛmɛ lehiɔɔlu. O kon, mí Yakɔb piɔw cuavaa ndɔa Lea, Rasɛl a buɛyaa ndaa laandua ŋiɔnda tɛɛn.