O Kandɔɔ 32:6 - BII BILA

⁶ O sɔla nawva, sofɛlɛa, saa, cuinnda, buɛyaa piaandua a à laandua. Lelan o vem naa o nɔm ndo ni haliko ma cɛl ndu.»

O Kandɔɔ 32:6 Referans Kwoze

O Kandɔɔ 33:1

Mɛɛ Yakɔb heelu hɔlla, mó ca Esau bɛ ndɔ hunɔɔ a vanpiaandua kɛmɛ lehiɔɔlu. O kon, mí Yakɔb piɔw cuavaa ndɔa Lea, Rasɛl a buɛyaa ndaa laandua ŋiɔnda tɛɛn.

Amɔs 5:19

La vanin paale len mɛɛ vanndo ɲaanun yàlàá, mò kɔ bɔŋan vɛlɛ a kɔ́lɔ́vúloo nuaa yɛ, te kon te, o ɲaanun pɛ mò kɔ luɛi o ndu lo cɛinin, mò handu baa o cìì cɛiyo, kɛwvo lɔva ndu.

O Kandɔɔ 32:11

Cɔ n ce ya ɲia-o a kɛndɛi n tosal-la vana nɔm baalaa-e co ibɔɔ, yáà bɛnda bɛɛ mì yáà sɔla dɛnɛ kɛndɛ vaa lende nɔm o ba le. Kani telen ya taŋ pee bɛndoo ho-o, Yurdɛn pɛɛn, tinda nuu kínɛí va ya o ba ni. Kɛ nihau, vanndacieea a cɔlua co ya o ba kundalan tan tiɔn.

O Kandɔɔ 32:8

Mí siòònde bii Yakɔb taw, mó buulan. Mó piɔw vanaa va ndu o ba-a kundalan latiɔn, mó piɔw vɛlɛ cɔlua pɔmbɔa a á bɛndua va ndu o ba-a a ɲɔɔmɛɛa kpow.

O Kandɔɔ 32:7

Mɛɛ kiilaa muungu o Yakɔb lo, má kɔ dimul ndu aa: «N kɔɛ mí n komal Esau bɛ nɔm. O co hunɔ̀ɔ́ nɔm diomɔ̀ɔ́ a vannda kɛmɛ lehiɔɔlu.»

O Kandɔɔ 31:18

Mó kɔandu cɔlua ndɔa kpow a ɲɛm ndóò sɔla-on kpede, kɛ taama-taama cɔlua ndóò kɛsi le ndu pila telen o va Padan-Aram-ndo-a. Mó bii nɛiyo le muungoo Isaak fuɲa ndɔ o ibuŋ o lɛŋnde Kanaan-nden nin.

O Kandɔɔ 33:8

Mí Esau ɲuna ndu aa: «Yɛɛ n yeema yɛ le tosaa a cɔlua ya bɔŋan haa-a kpow?» Mí Yakɔb muli aa: «Ɲɛ ya cuu nɔm vana ni bɛndoo-o co kon ni, haliko ma ce ya ɲia.»

O Kandɔɔ 33:15

Mí Esau tuu aa: «Te lende ni, mɛɛ i co nɔm vanaa ya hin-nda mel a tiŋ.» Mí Yakɔb muli aa: «Hali ma mɛi vana le, o ya haw ba-o tuŋ co ni mì vana nɔm ni bɛndoo naŋ kɔl a ya.»

O Kandɔɔ 34:11

O kon kɔɔli, mí Sikɛm soaa o fuɲaa cuaambɔɔ a o yemaa ndɔa lo, mó dimul nda aa: «La cɛl sɔɛi he yandi. Ɲɛ-ɲɛ niaa piɛi ya pɛ, i yɔngu niaa.

O Kandɔɔ 47:25

Má dimul ndu aa: «A mingi naa yoomoo o milin. Kani a tosal naa dɛnɛ kɛndɔɔ. N cɛl le siŋnɔnndo cɛa Faraɔnnɔɔ.»

Ruti 2:2

Paale pilɛ, mí Ruti Moabunɔ dimul Noemi aa: «I yeema mì kɔɛ kela yasalan o ciɛɔn nin vanaa koavaa kɔɔli. Nɛɛ nda cɛl-la pɛ, i cɔwviaa lon.» Mì Noemi mulul ndu aa: «O naŋ, kɔ cuanndo.»

Ruti 2:13

Mí Ruti dimi aa: «Nuvali vana ni bɛndoo, a ce ya bɔɔ ɲia, a ɲɔɔlu ya kɔllo nin, nduyɛ i sulan bɛɛ a buɛyaa nɔmaa laandua ha o pilɛ le.»

1Samiɛl 1:18

Mí Anɛɛ dimi aa: «Màá buɛi nɔm laandoo sɔla dɛnɛ kɛndɛ nɔm o ba!» Mí Anɛɛ kɔannun, mó cɛl le ɲɛdiaa dioo. Mó pɛngi suumaa.