O Kandɔɔ 32:4 - BII BILA

⁴ O kon kɔɔli, mó vim Esau bɛ ndɔ kiilaa o lɛŋnde Seir len nin, o dɛɛla balu Edɔm-ndo nin.

O Kandɔɔ 32:4 Referans Kwoze

1Piɛr 3:6

maa mɛɛ Sara ndóò bii sɔɛi Abraham-nde mó va ndu veeloo aa vana ni bɛndoo yɛ. Cuavaa ndaa imamaa niaa co ni, le tùú niaa co dɛnnda kɛndɛlan tosaa-o, te la tosa pɛ dɛnɛ kɛndɔɔ, mì siòòŋii bii niaa a ɲɛ-ɲɛ le.

Luke 14:11

Kani vana-vana heelun pɛ, ndu sɔlanin tuisio tootoo. Kɛ vana-vana tuisin pɛ, ndu sɔlanin heeloo.»

Vana Kɔlkaloo 10:4

Te vana nɔm bɛndoo tambu pɛ kɔl a nɔm, faŋan o fonda nɔm baalaa le. Kani meiyo mala vana le biondɔnnda bɔɔ-bɔɔ kpakpalaa.

Talelan 15:1

Muli kɛndɔɔ ɲulul vana kɔllo ni, kɛ sɔɛi dimi vɔɔndo yɔngu vana kɔllo tuwvo ni.

Talelan 6:3

po nuu, ɲɛ n bɛnda ma tosa-o co hoo ni: a bɛnda ma toosiaa sɔɛi ken. Kani nɔm pila malnun vana isɔɔ kon o ba ni. Lelan kɔ ma kɔ tɛɛlun ndu, ma lamban ndu kɔɔli lafi-lafi.

1Masaa 20:32

Má yiwnun bɔlɔla yuululan o caŋ, má bayian yoei o labolo, má kɔa o masa Israɛlla lo. Má tɛɛlun ndu aa: «Bɛn-Hadad buɛi nɔm dimi aa nɔm tuinun ndu iɲíí mà mɛi ndu yoomu, yandi!» Mí Akab ɲuna nda aa: «Vɛ̀ɛ̀ o co vɔ yoomu? Puapilɛ nuu o co ni.»

1Samiɛl 26:17

O kon mí Saul sina David diomndo, mó ɲuna aa: «Vɛ̀ɛ̀ nɔm David po ni co sɔɛi nuaa ni nɛ?» Mí David muli aa: «Oi, ya ni masaa, vana ni bɛndoo.»

Fulaa 32:22

Mí Aarɔn mulul ndu aa: «Tuulu kɔl te vana ni bɛndoo. Nɔm pila sina maa yiyan tosaa dɛnɛ vɔɔndo tuŋ co vannda ha nin ni.

O Kandɔɔ 33:8

Mí Esau ɲuna ndu aa: «Yɛɛ n yeema yɛ le tosaa a cɔlua ya bɔŋan haa-a kpow?» Mí Yakɔb muli aa: «Ɲɛ ya cuu nɔm vana ni bɛndoo-o co kon ni, haliko ma ce ya ɲia.»

O Kandɔɔ 32:18

O kon kɔɔli, mó sila buɛi ndɔ tasoo aa: «Te la bɔŋan pɛ niaa Esau bɛ ni mò ɲuna nɔm aa: ‹Nɛ̀ɛ́-nɛ̀ co yɛ vana nɔm bɛndoo? Kuɛɛ n co yɛ kɔlan? Nɛ̀ɛ́ nɔ yɛ cɔlua co nɔm haa laci-a?›.

O Kandɔɔ 32:5

Mo congun nda aa: «La kɔɛ pɛ, la kɔ dimul vana ni bɛndoo Esau aa Yakɔb vana nɔm baalaa dimi aa o Laban-ndo ndóò kɔɛ ni, ndu o lo o bɛngu coo ni háá telenndo ho.

O Kandɔɔ 27:37

Mí Isaak mulul ndu aa: «I cii ndu siinguu vana nɔm bɛndoo, mí siinguu vɛlɛ puapilɛa ndɔa kpow buɛyaa ndɔa. I dɔw ndu duaa le baloo a mɔiyan sɔlaa taw. Yɛɛ nɛ ya nɔla yɛ vɛlɛ mì tosa le nɔm Esau?»

O Kandɔɔ 27:29

Màá vanaa-mangalaa-isɔɔa tosal nɔm baalaa, mì vannda tundun nɔm o labɛngunin! Màá piɔlnun ladio puapilɛa nɔmnda coo, mì ndepilɛa nɔmnda baŋ vulan nɔm o labɛngunin! Vana-vana dɔw nɔm pɛ danga, dangaa co le ndu. Vana-vana dɔw nɔm pɛ duaa, duaa co le ndu.›»

O Kandɔɔ 23:6

«Yaŋ-ndɔ nilan, vana bɛndoo. Naa naa n co nɔm cɔu naa tɛɛn maa cua lemasa Hala-o. Lelan, o sɛila naalan nin, sɛi oo sɛi n ce pɛ mò hɛnan nɔm, a kumbu laa nɔm lenin. Vana-vana kuunanin nɔm laa nɔm kumbɔɔ o sɛi ndɔɔ nin te.»

O Kandɔɔ 4:7

Taa caa pɛ kelaa, a cuanin bollen, kɛ taa cee kelaa le, hakio co nɔm o dio maa ɲɛ-vueinan, o yeema mò tiw nɔm ba, kɛ nɔm, a bɛnda ma nɔla haki kalaa.»

O Kandɔɔ 31:41

Lende ya cii nɔm vɔsila bidiinndan o bɛngu coo ni, i tosal nɔm vallo vɔsilan tɔ́ a lahiɔɔlu le cuavaa nɔmaa ŋiɔnda, mí manda vɛlɛ cɔlua nɔmnda vɔsilan laŋɔmpum. Ma yɛlɛmiaa sala nuu bɛmbɔɔ tɔ́.

Talelan 25:15

Vana biwnun pɛ taw, a nɔla mà sɔla simlacinɔɔ kɔllo. Vana caa pɛ sɔɛi dimi, a nɔla ma cii kpɔkɔsila bɔɔ-bɔɔ.

O Kandɔɔ 25:30

Mó dimul Yakɔb aa: «Poo ke ya kpɔɔndɔ nɔm siaŋaa ho mì de, kani i sanga nihau bɔɔ a yiaan.» Lelan nda ke Esau diolan ni aa Edɔm (kon co dimio ni aa «Kpɔɔndɔ siaŋaa»).

O Kandɔɔ 33:14

Lelan vana ni bɛndoo, hiow ya pɔɔ laci yandi, i co va kɔlan nɔm kɔɔli o pɔm-pɔmbɔ a cɔlua mɛɛ nda nɔla kɔlan yɛ a mɛɛ cuaambɔa nɔla kɔlan yɛ, mì kɔ komal nɔm Seir.»

O Kandɔɔ 36:8

Le hee, mí Esau ndu kɔannun, mó kɔ cal o pembei Seir coo. Esau kon co Edɔm ni.

O Kandɔɔ 36:9

Dɛnɛ yungu Esau-vo yɔŋnun hoo ni, fuɲa-mama Edɔmnda pɛɛn, ó va icali o pembei Seir coo-o.

Masaa kialaa n'yamaa 5:4

Àá Mɛlɛka! Telen n va cɔnɔnndo Seir-o, lɔ́ɔ́ n va faŋanndo o lɛŋnde Edɔm-nden nin-ndo, mí lɛŋnden le ɲiiya, mí halataala pɔya, mí yumbuyumboo tenga mó tuisi mɛnndan.

Esai 21:11

Sɔɛi dimin o tàndá Duma-o coo-e. A co ya yondallo coocoo Seir aa: «Vana mɛngɛlaa, yɛɛ nɛ n sina yɛ a ɲumndan o kɔɔ? Vana mɛngɛlaa sei, yɛɛ nɛ n sina yɛ a ɲumndan o kɔɔ kpeekpei?»