O Kandɔɔ 32:3 - BII BILA

³ Mɛɛ o ce nda, mó yonda aa: «Nanu dɔ́ɔ́ngɔ́ Hala-o co ni.» Mó ke fonda kon diolan aa: Mahanaim (kon co dimio ni aa «Dɔ́ɔ́ngɔ́la tiɔnndan»).

O Kandɔɔ 32:3 Referans Kwoze

Yosue 24:4

Mí yɔngu Isaak poaa nda ŋiɔn: Yakɔb nda Esau, mí yɔngu Esau fonda calaa o tàndá n'pemboo Seir nin, kɛ mí Yakɔb nda poaa ndɔa nda tuusun Esipte.

O Kandɔɔ 25:30

Mó dimul Yakɔb aa: «Poo ke ya kpɔɔndɔ nɔm siaŋaa ho mì de, kani i sanga nihau bɔɔ a yiaan.» Lelan nda ke Esau diolan ni aa Edɔm (kon co dimio ni aa «Kpɔɔndɔ siaŋaa»).

Tɔŋ miingua 2:5

La del nda coo a cɔw le, kani i yɔngunin niaa ɲɛ-ɲɛ o lɛŋnde ndalen nin te, hali nɛɛ kɛsiaa ipelua la sɔlanin ndon te. Kani Esau ya yɔngu tàndá n'pemboo Seir ni. Kɛ ndɔɔ co kon ni.

O Kandɔɔ 33:14

Lelan vana ni bɛndoo, hiow ya pɔɔ laci yandi, i co va kɔlan nɔm kɔɔli o pɔm-pɔmbɔ a cɔlua mɛɛ nda nɔla kɔlan yɛ a mɛɛ cuaambɔa nɔla kɔlan yɛ, mì kɔ komal nɔm Seir.»

O Kandɔɔ 14:6

Mɛɛ nda cɛn ndon, má kɔ tisa Horiia coo o pembei Seir coo. Má lo nda tovɔɔ háá má tiiya Paran, o lɛŋnde veselɛilen ikɛi.

Luke 9:52

Mó hivin kiilaa laci, má kɔa o cieo pum o lɛŋnde Samari len nin le sɔɔn toosiaa.

Malasi 3:1

«Má cè ya kiila nuu vomɔɔ! Ndu co ya pemalen bulio laci ni. Maalii niaa co nuwviaa-o co cɔnɔn o lepilɔɔ, mò kɔ luɛi o cɛi ndɔ biilaa nin, kiila niaa co cumndo-o co hunɔɔ kpema nuu yii a niaa. La nua vɔ ndu hunɔɔ! Mɛlɛka-Nɔ-Kpaayaa-Kpow-vo co sɔɛi nuaa ni.

Tɔŋ miingua 2:22

Lende koni ndu Mɛlɛka tosa a cuavaa-imamaa Esau-va ni, á co icali o lɛŋnde Seir len nin-nda. Le nda o diw Horiia ni, mó ke nda fonda ndaa, má loo lɛŋnde ndalen, má va icali lon háá paalen nden.

O Kandɔɔ 33:16

Paale len, mí Esau bii nɛiyo le muungoo Seir,

O Kandɔɔ 32:7

Mɛɛ kiilaa muungu o Yakɔb lo, má kɔ dimul ndu aa: «N kɔɛ mí n komal Esau bɛ nɔm. O co hunɔ̀ɔ́ nɔm diomɔ̀ɔ́ a vannda kɛmɛ lehiɔɔlu.»

O Kandɔɔ 32:11

Cɔ n ce ya ɲia-o a kɛndɛi n tosal-la vana nɔm baalaa-e co ibɔɔ, yáà bɛnda bɛɛ mì yáà sɔla dɛnɛ kɛndɛ vaa lende nɔm o ba le. Kani telen ya taŋ pee bɛndoo ho-o, Yurdɛn pɛɛn, tinda nuu kínɛí va ya o ba ni. Kɛ nihau, vanndacieea a cɔlua co ya o ba kundalan tan tiɔn.

Kundalan 24:18

O co lɛŋnde Edɔm-nden biyɔ̀ɔ̀. O co yaamɔaa ndɔa Seir biyɔ̀ɔ̀ ma va ndu o ba bɛngu. Israɛlla co bɔɔ bɛmɛi cɔmndo.

Tɔŋ miingua 1:2

Cɔnɔnndo o pembei Horɛb, keiyo a nɛi kei a pembei Seir-o, kɔ tiiya háá Kadɛs-Barnea, palɛi tɔ́ a lepilɛ vana tosa o kɔlan nin ni.

Esai 21:11

Sɔɛi dimin o tàndá Duma-o coo-e. A co ya yondallo coocoo Seir aa: «Vana mɛngɛlaa, yɛɛ nɛ n sina yɛ a ɲumndan o kɔɔ? Vana mɛngɛlaa sei, yɛɛ nɛ n sina yɛ a ɲumndan o kɔɔ kpeekpei?»

Yeremi 49:7

Sɔɛi fula Mɛlɛka-Nɔ-Kpaayaa-Kpow-vo o sondo a Edɔm o kɔɔ-e co hee ni aa: ‹Vɛ̀ɛ̀ vana kɔlkalu co lɛ Teman te? Mò va maa dɛnɛ sinaa vanaa kɔlkalua laasian? Bàà tambei kɔlkalu nda tambu ni?

Yosue 13:30

le va len ni: kandɔɔ Mahanaim, Basan, masale Ɔk va masaa Basan-ndo len kpow, handɔɔ niko vɛlɛ sɔndɔkɔlta belaŋɔmpum-nda Yair lan coo o lɛŋnde len nin.

2Samiɛl 2:8

Mí Abnɛr, po Nɛr-o, ó va vanaa cɔvaa Saul-la bollen-ndo cua Is-Bosɛt po Saul-lo, mó kɔa a ndu Mahanaim,

2Masaa 6:17

Mí Elise piɛi Mɛlɛka aa: «Mɛlɛka, i co nɔm tɛɛlɔn yandi, kumbi ndu hɔltan, haliko mo ce.» Mí Mɛlɛka kumbi buɛiyo hɔltan, mó ca pembei ipiaa ca a soa leyinnda a á ɲɛla ɲaanannda soa nan-ndan, lan bɛɛ yinnden la va ni.

1Dɛnnda lemasalan 12:23

Nduyɛ lepalaa-lepala, vannda va hunɔɔ David ikɛi le ndu malaa, háá mo sɔla vanaa cɔwva kunda bɛndoo maa kunda vanaa cɔvaa Hala-a.

Condii kɛndɛ-kɛndɛi 7:1

«Muungu nanu mbɔ̀, muungu nanu, Sulamite! Muungu nanu, muungu nanu mì n mɛɛndan nɔm! Yɛɛ niaa nɔ yɛ o Sulamite tofaa nin, maa yola condun miun o lepilɔɔ?