O Kandɔɔ 32:21 - BII BILA

²¹ La dimul ndu vɛlɛ aa: ‹Yakɔb vana nɔm baalaa co hunɔ̀ɔ́ naa kɔɔli.›» Kani nuaa Yakɔb va yiyanndo o kɔl ndɔɔ nin ni aa: «Te o ce pɛ cɔlua ya yeema haa le ndu yoo-a ya laci, o co kɔllo ɲulul. O kon kɔɔli, ya pila koma fula niko ndu o hɔl. Bɔɔle mò cɛl mì sɔɔnguu ndu ikɛi.»

O Kandɔɔ 32:21 Referans Kwoze

O Kandɔɔ 32:20

Mó sila buɛi diinndɔɔ a o yàándɔɔ a vanaa va kɔlan a cɔlua-a kpow lende. Mó dimul nda aa: «Te la bɔŋan pɛ niaa Esau-vaa, lende niaa soo o ndu lo ni.

O Kandɔɔ 32:22

Mí cɔlua o tuu kan le bɛ ndɔ yoo-a hiaw ndu laci, mí ndu pila lɔl-lɔ icɔl kon o dɔ́ɔ́ngɔ́ lon.

O Kandɔɔ 33:11

Lelan, bii ɲɛ ya cuu nɔm hoo-o ya o ba. Kani Hala ce ya ɲia taw, ɲɛ-ɲɛ ka co ya o ba.» O lo Esau baŋnɔnndo kɔɔli háá mí Esau bii yɔŋɔɔ kon.

O Kandɔɔ 43:11

O kon mí fuɲa nda dimul nda niko o mɛɛlulan aa: «Te mɛɛ tosaa celen co dɔ́ɔ́ le, mɛɛ i yeema mì la tosa ɲɛ pum: la cua ɲɛm vaan kɛndɛ-kɛndɛn co o lɛŋnde naalen nin-ndon, mì la vow o bɔlɔla niaalan nin, mì la yoo langbanɔ kon. La cua bom ɲɛ-pɔmbɔ a lɛan ɲɛ-pɔmbɔ, mì la cua ɲɛm cun kɛndɔn, mir, pistas a amanndeon.

Yosue 8:9

Mí Yosue viam nda, má kɔa o fonda ndáà bɛnda le kɔlan mɛngɛlaa-o. Má cal Betɛl a Ai tɛɛn, Ai a ba paalen le del-lo. Icɔl kon, mí Yosue lɔl vanaa cɔvaa tɔ̀a ikɛi.

1Samiɛl 25:19

O kon kɔɔli, mó dimul buɛyaa ndɔa aa: «La hiow ya laci, i co niaa kɔɔli.» Kɛ Abikail dimul Nabal pɔnɔ ndɔ ɲɛ-ɲɛ le.

Talelan 17:8

Ɲɛm nda ke vannda le nda luɛyɔɔ nin-ndon co vanaa co mun yɔngoo-a o hɔl maa powta báá kala. O kon, maa nɛɛ-nɛɛ nda kɔɛ pɛ a sɔla dɛnɛ kɛndɔɔ.