O Kandɔɔ 32:14 - BII BILA

¹⁴ Mí Yakɔb lɔl icɔl kon o fonda kon, mó hɛli ɲɛ ndóò yeema le Esau bɛ ndɔ yoo-o o ɲɛm va ndu o ba-on nin.

O Kandɔɔ 32:14 Referans Kwoze

SƐBƐ YƆB-O 42:12

Mí Mɛlɛka dɔaw ceen tɔ̀ Yɔb-o duaa hiovɔɔ ceen ndɔ tasoo coo. Mó sɔla saa vaalan tɔ́ a lahiɔɔlu (14 000), ɲɔɔmɛɛa vàála ŋɔmpum (6 000), nawva vàála tiɔn (2 000) a sofɛlɛa laandua vàá pilɛ (1 000).

SƐBƐ YƆB-O 1:3

Ndóò nɔ saa vàálan tan ŋɔmmɛw (7 000), ɲɔɔmɛɛa vàálan tan yáá (3 000), nawva vàá pilɛ (1 000) a sofɛlɛa laandua kɛmɛ leŋuɛɛnu (500). Ndóò nɔ vɛlɛ buɛiya taw-taw. Ndu vannda ndáà hiow bɛɛlen ke o tàndá va a ba paalen le can-ndo-o nin ni.

Tɔŋ miingua 8:18

La bɛnda mì la loonun maa Mɛlɛka Hala niaa co niaa yoomuan yɔngoo le ɲɔɔn sɔlaa ni. O co kon tosaa hau le kpema o cuel fuɲaa niaa mamaa-o peeloo le niaa, ciɛ́ɔn o cuel nda mó mɛnan, mó yiilu nda kpemaa-on pɛɛn.

1Samiɛl 25:2

Langbanɔɔ pum va icali Maɔn, ndóò nɔ ɲɛm ndɔn sɔlan Karmɛl. Vana bolofaa bɛndoo langbanɔ kon va ni, saa vàálan tan yáá a cuinnda vàá pilɛ va ndu o ba ni. Mó kɔa Karmɛl le saa ndɔa yiinde kilio.

O Kandɔɔ 31:16

Lelan, ɲɛ-ɲɛ Hala soli fuɲa naa o ba mó hialun ndu, le naa pila a le cuavaa naa kon co ni. Le hee, tosa mɛɛ Hala dimul nɔm le tosaa yɛ kpow.»

O Kandɔɔ 31:9

Mɛɛ lende Hala cua cɔlua fuɲa niaa-a ni mó yɔngu ya.

O Kandɔɔ 30:43

Lende Yakɔb sɔla bolofaa taw ni. Mó sɔla cɔlua taw, buɛyaa laandua, a piaandua, ɲɔɔmɛɛa a sofɛlɛa.

O Kandɔɔ 31:10

Kani telen cɔlua va helɔɔ-o, mí ca o lɔma sɔlaan nin maa saa kóndóa va saa laandua helɔɔ-a a pooɲɛiya nda va ni, ndáà nɔ pongan a bungan.

O Kandɔɔ 32:13

Nduyɛ nɔm dimul-la ni aa: ‹I co nɔm dɛnɛ kɛndɔɔ tosal mì kuilul nɔm cuavaa-imamaa, mà va sɛ́lɛ́ maa sióónndon o mɛmma ihɛllan kɔngɔ, vana-vana nɔlanin nda cɔmndo le.›»

O Kandɔɔ 32:15

Mó hɛli cuinaa laandua kɛmɛ lediin, cuinaa toovia bidiin, saa laandua kɛmɛ lediin, saa kóndóa bidiin,

O Kandɔɔ 33:11

Lelan, bii ɲɛ ya cuu nɔm hoo-o ya o ba. Kani Hala ce ya ɲia taw, ɲɛ-ɲɛ ka co ya o ba.» O lo Esau baŋnɔnndo kɔɔli háá mí Esau bii yɔŋɔɔ kon.

O Kandɔɔ 43:11

O kon mí fuɲa nda dimul nda niko o mɛɛlulan aa: «Te mɛɛ tosaa celen co dɔ́ɔ́ le, mɛɛ i yeema mì la tosa ɲɛ pum: la cua ɲɛm vaan kɛndɛ-kɛndɛn co o lɛŋnde naalen nin-ndon, mì la vow o bɔlɔla niaalan nin, mì la yoo langbanɔ kon. La cua bom ɲɛ-pɔmbɔ a lɛan ɲɛ-pɔmbɔ, mì la cua ɲɛm cun kɛndɔn, mir, pistas a amanndeon.

Talelan 17:8

Ɲɛm nda ke vannda le nda luɛyɔɔ nin-ndon co vanaa co mun yɔngoo-a o hɔl maa powta báá kala. O kon, maa nɛɛ-nɛɛ nda kɔɛ pɛ a sɔla dɛnɛ kɛndɔɔ.