O Kandɔɔ 32:11 - BII BILA

¹¹ Cɔ n ce ya ɲia-o a kɛndɛi n tosal-la vana nɔm baalaa-e co ibɔɔ, yáà bɛnda bɛɛ mì yáà sɔla dɛnɛ kɛndɛ vaa lende nɔm o ba le. Kani telen ya taŋ pee bɛndoo ho-o, Yurdɛn pɛɛn, tinda nuu kínɛí va ya o ba ni. Kɛ nihau, vanndacieea a cɔlua co ya o ba kundalan tan tiɔn.

O Kandɔɔ 32:11 Referans Kwoze

Talelan 18:19

Puapilɛ nɔm n tɛɛmbuu a ndu-o hiow kalu sɔɔnguuo ikɛi, a kobi co o kpakio nin-ndo biyɔɔ a cɔwvo. Maa sɔkɔma nda kinda diola cɛi lemasaa-an sɛɛngianndan la kinda kɔllo ni.

Matie 6:13

Mal naa mì n del o tɔɔndan nin te, kɛ baŋa naa masa ɲinaa vɔɔnda o ba. [Kani nɔm nɔ masalen, kpaayaa a biiloo le fɛɛn a fɛɛn ni. Amiina!›]

Osee 10:14

Lelan, vɔkɔ-vɔkɔ bɛndu-bɛndoo tosannin vanaa niaa tɛɛn, mì kobila mayoomula niaalan kpow la piɔsipiɔsi mɛɛ Salman pesi Bɛt-Arbɛl o paale cɔwlen coo yɛ. Paale len, mó vɔɔciaa kalaa a cuavaa ndɔa latulu.

Daniɛl 3:17

Òó masaa! Mɛɛ te lende ni, Hala naa naa n co baalaa tosallo-o tiwba mò baŋa naa. O solinin naa o tóndó bɛndu leyinndo nin, mò baŋa naa nɔm o ba.

Condii lisai 142:6

Nɔm Mɛlɛka ya co veeloo ho, mì va dimio ni aa: «Nɔm co nɛɛ nia viannannda ni, nɔm co o nuu o lɛŋnde naa n co len yoomu len coo ni.»

Condii lisai 119:134

Soli ya vanaa co ya delɔɔ coo-a o ba, haliko mi bii silala nɔmndan.

Condii lisai 43:1

Éé Hala, yɔngu ya dío! Cɔm dɛnɛ nuu vanaa lo o lediom coo a nɔm te-a o hɔl. Baŋa ya vanaa kɔlkalu vɔɔnda a vanaa lakafaa ha o ba.

Condii lisai 31:2

Mɛlɛka, i hin vionnɔnndo nɔm o ba bɛngu, Màá siɛmbula bii ya le! Baŋa ya a sandii nɔmnde.

Condii lisai 25:20

Kanda ya ma baŋa ya. Màá siɛmbula bii ya le! Kani nɔm o ba bɛngu ya hin vionnɔnndo ni.

Condii lisai 16:1

Condii fula o condun David-on nin-nde. Éé Hala, kanda ya! Kani o nɔm ndo ya hin vionnɔnndo nuaa ni.

1Samiɛl 24:15

Nɛ̀ɛ́-nɛ̀ kpeekpei nɔm masaa Israɛl co yɛ kiltan-ndan kɔɔli a cɔwvo? Nɛ̀ɛ́ n co yɛ tovɔɔ ho? Yéè ya tun vílɛ́iyo ho n co kiltan-ndan kɔɔli ni? Yéè ya kpangbaɲaalaa ho n co tovɔɔ ho ni nɛ?

1Samiɛl 12:10

Mí fuɲaa niaa mamaa veelu vɛlɛ Mɛlɛka le nda malaa, má dimi aa: ‹Mɛlɛka, n cua hakio, kani n mal nɔm mí muungu Baalla a Astarteea sooloo. Kɛ yandi, baŋa naa yaamɔaa naa o ba, o kon mì n tosal nɔm baalaa.›

O Kandɔɔ 27:41

Mí Esau cua nɛyɔn Yakɔb-o le duaa ndɔ o hɛlu fuɲa nda o ba-o. Mó dimi o kɔl ndɔɔ nin aa: «Piɔ́m fuɲa naa bendu lɛ le, te o vi dɔ́ɔ́ pɛ, i koma dii Yakɔb pɔmbɔ ni.»

Tɔŋ miingua 22:6

Taa komal pɛ vɛɛnnde yowvo o nɛi o yɔmndo coo, mì yow kalaa va o kuumbuanndo o peltan coo lenin, te kon te o cuawva coo, a bɛnda ma bii yow kon a pelta ndɔlan, te kon te a cuavaa ndɔa latulu le.

O Kandɔɔ 27:42

Mí vanndo dimul Rebeka maa Esau po ndɔ tase co kɔngɔlanndo le pɔmbɔ ndɔ diyɔɔ. Le hee, mí Rebeka veelu Yakɔb, po ndɔ diinndɔɔ, mó dimul ndu aa: «Esau bɛ nɔm co kɔngɔlanndo le nɔm diyɔɔ le màá ndɔɔ mingio.

O Kandɔɔ 32:3

Mɛɛ o ce nda, mó yonda aa: «Nanu dɔ́ɔ́ngɔ́ Hala-o co ni.» Mó ke fonda kon diolan aa: Mahanaim (kon co dimio ni aa «Dɔ́ɔ́ngɔ́la tiɔnndan»).

O Kandɔɔ 32:7

Mɛɛ kiilaa muungu o Yakɔb lo, má kɔ dimul ndu aa: «N kɔɛ mí n komal Esau bɛ nɔm. O co hunɔ̀ɔ́ nɔm diomɔ̀ɔ́ a vannda kɛmɛ lehiɔɔlu.»

O Kandɔɔ 33:4

Mí Esau hun ndu demullo a kiltan, mó cua ndu o balan coo, mó kafalan ndu o labolo, mó kɔman ndu. Mí nda ŋiɔn kpow a saan caŋndo.

O Kandɔɔ 24:27

Mó dimi aa: «Biiloo co le Mɛlɛka, Hala Abraham vana ni bɛndoo. Kani o sanga le vana ni bɛndoo Abraham kɛndɛi tosallo a le lou o diomnde ndɔlen coo le. I sina nihau maa o sim ya laci o kela nuu ho nin, mó yaa ya o vanayɛi vana ni bɛndoo lo cɛinin.»

2Samiɛl 7:18

Mí masaa David kɔa, mó cal Mɛlɛka o hɔl, mó dimi aa: «Yɛɛ nɛ ya co yɛ Maalii, Mɛlɛka? Yɛɛ nɛ yungu nuu co yɛ, mì nɔm Mɛlɛka siinguu ya vana vaa lende?