O Kandɔɔ 32:10 - BII BILA

¹⁰ O kon kɔɔli, mí Yakɔb piɛi aa: «Éé Hala Abraham fuɲa ni mamaa! Hala Isaak fuɲa ni-o! Nɔm dimul-la ni aa ya muungu vanaa nia o ibuŋ o lɛŋnde nilen nin, má tosal-la dɛnɛ kɛndɔɔ.

O Kandɔɔ 32:10 Referans Kwoze

Condii lisai 18:35

O co ya cɔwvo pɛɛkoo, mì va kpaasiaa idaɲaa kindɔɔ a ba.

O Kandɔɔ 24:27

Mó dimi aa: «Biiloo co le Mɛlɛka, Hala Abraham vana ni bɛndoo. Kani o sanga le vana ni bɛndoo Abraham kɛndɛi tosallo a le lou o diomnde ndɔlen coo le. I sina nihau maa o sim ya laci o kela nuu ho nin, mó yaa ya o vanayɛi vana ni bɛndoo lo cɛinin.»

2Samiɛl 7:18

Mí masaa David kɔa, mó cal Mɛlɛka o hɔl, mó dimi aa: «Yɛɛ nɛ ya co yɛ Maalii, Mɛlɛka? Yɛɛ nɛ yungu nuu co yɛ, mì nɔm Mɛlɛka siinguu ya vana vaa lende?

1Piɛr 5:5

Lende koni i co le niaa cuaa felengia ni, la tuisin kaasonnda o labɛngunin. O naaŋan niaa vellaa-velle nin, la nɔ kɔl tuisianndo, kani Sɛbɛ Hala-o dimi aa: «Simullo Hala simul vanaa yongaa ni, kɛ mo tosal vanaa tuisiannda kɛndɛi.»

2Korɛntea 12:11

Maa vana kindu kɔl too ya va sɔɛi ni, kɛ niaa yɔŋ ken ni. Nduyɛ, oo bɛnda mì niáà soo le ya. Kani o va bɛɛ aa i co ɲɛ-ɲɛ le, i hiw kiilaa niaa latɔ́ɔ́-tɔ́ɔ́a dɔɔnanndo le.

Luke 17:10

Lende koni, niaa bɛɛ, telen niaa ciinin o nda vem niaa tosa-o tosa kpow-vo, la dimi aa: ‹Buɛiya daama naa n co ni, n nɔ dí le nuvali sɔla le. O náà n bɛnda le tosaa-o naa n tosa ni.›»

Luke 5:8

Mɛɛ Simɔn Piɛr ce ɲɛ yɔŋnun-ndo, mó del Yeesu o labɛngunin, mó dimul ndu aa: «Maalii, vana lahakio ya co ni, lelan faŋan ya ikɛi.»

Misee 7:20

O laan vɛlɛ, a co cuavaa Yakɔb-a cɔm maa Hala lo o diomnden coo-o n co ni, mà cɔm cuavaa Abraham-nda sakpoyɛi nɔmnde, mɛɛ n yiilu sindɛ fuɲaa naa mamaa kpemaa yɛ.»

Esai 63:7

I yiyalannin (vannda) kɛndɛi Mɛlɛka-e a sangala ndu Mɛlɛka bɛnda mò sɔla-o, mɛɛ kɛndɛi o tosal naa-e kpow co yɛ. I diminin vanakɛndɛyɛi ndɔɛi le cuavaa Israɛlla, dɛnɛ kɛndɛ o tosal nda, mɛɛ ɲíí ndɔɛi a dɛnnda ndɔla ikɛndɛla sɛ́lɛ́lan la co yɛ-o.

Esai 6:5

O kon, mí dimi aa: «Kpòkóó, i kɔndu dɛnɛ fɔ́! Mbɔ̀ ya i laasian! Kani vanaciee cɔcɔn co n nɔɔlɛiyon-ndo ya co ni, vanaa ya co icali tɛɛn-nda bɛɛ cɔcɔn ndan co n nɔɔlɛiyon. Nduyɛ i ce Masaa a lehɔl cikin, Mɛlɛka-Nɔ-Kpaayaa-Kpow-vo pɛɛn!»

Talelan 4:18

Maa ɲɛ-tengaa vavonndo nɛila vanaa sandaa la co ni. Ɲɛ-tengaa ndaa lo tengaa háá a paale kalalen.

Condii lisai 85:10

A toɲa, cinda ndɔɔ co vanaa nɔ siòòŋii ndɔɛi-ya levil te, biilu ndɔɔ co o lɛŋnde naalen nin.

Condii lisai 84:7

Mɛɛ nda va hiovɔɔ o bóllo Baka nin, mí nɔm Hala siinguu ból kon soonnda mamɛnndan, mí piɔɔ tasoo toal, mó tiw dalalan ndon kpow.

Condii lisai 61:7

Cɔɔlu yoomu masaa bɛndi, mì vɔsila ndɔlan la cɔɔlun le fɛɛn a fɛɛn.

Condii lisai 16:2

I dimul Mɛlɛka aa: «Nɔm co Maalii nuu ni, i nɔ dɛnɛ kɛndɛ celen hiovɔɔ o nɔm coo le.»

Condii lisai 8:5

yɛɛ vanacieo co yɛ, ma yiyan ndu coo? Yɛɛ nɛ po vanacieo co yɛ, ma landu hɔlla ndu coo?

SƐBƐ YƆB-O 17:9

Vana lo o lediom coo-o sim yili o nɛi ndɔɔ coo, vanaa nɔ bala diandaalan-nda cɔɔlunin yoomuan sɔlaa.

SƐBƐ YƆB-O 8:7

Ɲɛ n sɔlanin siɔdii laci-o hiawnin polon a o nɔm óò sɔla paandu-o.

Tɔŋ miingua 8:18

La bɛnda mì la loonun maa Mɛlɛka Hala niaa co niaa yoomuan yɔngoo le ɲɔɔn sɔlaa ni. O co kon tosaa hau le kpema o cuel fuɲaa niaa mamaa-o peeloo le niaa, ciɛ́ɔn o cuel nda mó mɛnan, mó yiilu nda kpemaa-on pɛɛn.

O Kandɔɔ 32:7

Mɛɛ kiilaa muungu o Yakɔb lo, má kɔ dimul ndu aa: «N kɔɛ mí n komal Esau bɛ nɔm. O co hunɔ̀ɔ́ nɔm diomɔ̀ɔ́ a vannda kɛmɛ lehiɔɔlu.»

O Kandɔɔ 32:5

Mo congun nda aa: «La kɔɛ pɛ, la kɔ dimul vana ni bɛndoo Esau aa Yakɔb vana nɔm baalaa dimi aa o Laban-ndo ndóò kɔɛ ni, ndu o lo o bɛngu coo ni háá telenndo ho.

O Kandɔɔ 30:43

Lende Yakɔb sɔla bolofaa taw ni. Mó sɔla cɔlua taw, buɛyaa laandua, a piaandua, ɲɔɔmɛɛa a sofɛlɛa.

O Kandɔɔ 28:15

Tofa vɔ, ya pila co nɔm ikɛi. Fonda oo fonda n kɔɛ pɛ, i mandanin nɔm. I minginin nɔm vɛlɛ o lɛŋnden nden nin. I melnin nɔm te háá mì peelu kpema ya cuel nɔm-ndo.»

O Kandɔɔ 18:27

Mí Abraham dimi aa: «Ya co hoo maa cundu a lapul-lo, i suukan a Maalii nuu.

2Samiɛl 17:24

Tuma Absalɔm va peo Yurdɛn taŋɔɔ nda vanaa ndɔa cɔwva Israɛl kpow-vo, mí David ndu tiiya Mahanaim.

O Kandɔɔ 24:12

Mó dimi aa: «Mɛlɛka, Hala Abraham vana ni bɛndoo, tosa mì saalun vanalanɔ sɔvɛɔ. Lo o diomnde nɔmnden coo lende a vana ni bɛndoo Abraham.

O Kandɔɔ 28:13

Mɛlɛka pila va isisi ndu Yakɔb ikɛi, mó dimul ndu aa: «Ya co Mɛlɛka ni, Hala Abraham fuɲa nɔm mamaa a Hala Isaak-o. Lɛŋnde n co len ihini coo len, i co nɔm len yɔngu niaa cuavaa nɔmaa imamaa.

O Kandɔɔ 31:3

O kon mí Mɛlɛka dimul ndu Yakɔb aa: «Muungu vanaa nɔmnda o ibuŋ, o lɛŋnde fuɲaa nɔmnda nin, i vanin nɔm ikɛi.»