O Kandɔɔ 30:9 - BII BILA

⁹ Mɛɛ Lea ce maa ndu bɛɛ co lɛ violɔɔ le, mó cua Silpa, buɛi ndɔ laandoo, mó hivi ndu pɔnɔ ndɔ kɔɔli.

O Kandɔɔ 30:9 Referans Kwoze

O Kandɔɔ 30:4

Nuaa o hivi Bilha buɛi ndɔ laandoo pɔnɔ ndɔ kɔɔli ni, mí Yakɔb va a ndu.

O Kandɔɔ 30:17

Mí Hala mulul Lea piɛilen, mó cua folio, mó vilul Yakɔb po ŋuɛɛnundɔɔ.

O Kandɔɔ 29:35

Mó cua vɛlɛ folio, mó vialu hɔ́ɔ́ piaandoo. Mó dimi aa: «O laan ndu, i candunin Mɛlɛka. Lelan o ke ndu diolan ni aa Yuda (velanndo pila diola lan la velan a dimio ni aa: O candu).» O kon kɔɔli, mo pɛngi violɔɔ.

O Kandɔɔ 16:3

O kon, mí Sarai cua Akar cɛ ndɔ laandoo, mó hivi Abram pɔnɔ ndɔ kɔɔli. Abram ndóò cii nin vɔsilan tɔ́ o lɛŋnde Kanaan-nden nin ndon.

O Kandɔɔ 30:8

Mí Rasɛl dimi aa: «I ciŋilan bɛ nuu ciŋilanndo pila a cɔlɔba Hala-o, mí yɔl ndu.» Mó ke poombɔɔ kon diolan aa Nɛftali (kon co dimio ni aa «Cɔlɔbaa»).

O Kandɔɔ 30:10

Mí Silpa vilul Yakɔb hɔ́ɔ́ piaandoo.

O Kandɔɔ 29:24

Mí Laban cua Silpa, buɛi ndɔ laandoo, mó yɔngu Lea cua ndɔ.

O Kandɔɔ 46:18

Hɔ́aa Yakɔb sɔla nda Silpa, buɛi laandu Laban ndóò yɔngu Lea cua ndɔ-a yɔŋnun kan ni. A va n'van tɔ́ a vanaa ŋɔmpum.