O Kandɔɔ 30:25 - BII BILA

²⁵ Mɛɛ Rasɛl velu Yosɛf, mí Yakɔb dimul Laban aa: «Mal-la niko n'pelu mì muungu o ya lo, o lɛŋnde nilen nin.

O Kandɔɔ 30:25 Referans Kwoze

O Kandɔɔ 24:54

Mɛɛ nda cii, má dia niko ɲɛdiaa, má kol nda vanaa liila ndu o sɔɛi ken-nda. Ndáà ciiyo ɲɛdiaa dioo, má luɛi cɛinin, má kɔ lɔl lon. Idiiyo púŋ, mí buɛi Abraham kon congun aa: «La mal-la n'pelu mì tofan kɔɔli, mì muungu vana ni bɛndoo o ibuŋ.»

O Kandɔɔ 24:56

Kɛ mó ɲɔɔlu nda aa: «Mbɔ̀ la mingi lɛ ya kɔɔli le, yandi. Kani Mɛlɛka pila cii sɔɛi toosiaa mí kela nuu yeela. La mal-la n'pelu cɔ́-cɔ́ mì muungu vana ni bɛndoo o ibuŋ.»

O Kandɔɔ 31:13

Ya co Hala nɔ fonda n ke diolan aa Betɛl-lo ni, nɛɛ n tala cuɛiyan o pow sálà n simi-o coo-a pɛɛn, fonda n lo kon má yii kpemaa o ya lo-o kpeekpei. Lelan sisa, cɔn mà faŋan o lɛŋnden nden nin, mà muungu o lɛŋnde n velun nin-nden nin.»

O Kandɔɔ 28:15

Tofa vɔ, ya pila co nɔm ikɛi. Fonda oo fonda n kɔɛ pɛ, i mandanin nɔm. I minginin nɔm vɛlɛ o lɛŋnden nden nin. I melnin nɔm te háá mì peelu kpema ya cuel nɔm-ndo.»

O Kandɔɔ 28:13

Mɛlɛka pila va isisi ndu Yakɔb ikɛi, mó dimul ndu aa: «Ya co Mɛlɛka ni, Hala Abraham fuɲa nɔm mamaa a Hala Isaak-o. Lɛŋnde n co len ihini coo len, i co nɔm len yɔngu niaa cuavaa nɔmaa imamaa.

O Kandɔɔ 26:3

Cal o lɛŋnde len nin. I vanin nɔm ikɛi mì dɔw nɔm duaa. Kani nɔm a cuavaa nɔmaa imamaa ya yɔngunin tàndàlan ndan kpow ni. Lende ya peelunin kpema ya cuel Abraham fuɲa nɔm-ndo ni.

O Kandɔɔ 18:33

Mɛɛ nda cii suukanndo nda Abraham, mí Mɛlɛka kɔannun, mí Abraham ndu muungu o ndu lo.

Hebreea 11:9

A laalanndo, mó kɔ cal o sumialle o lɛŋnde Hala ndóò dimul ndu le ndu keo len nin. Mó kɔ cal lon o cɛila-kolala-toandaalan nin nda Isaak a Yakɔb. Nda bɛɛ, kpema pilɛ kon ndóò yiinun le nda.