O Kandɔɔ 30:2 - BII BILA

² Mí Yakɔb tambu kɔl a ndu, mó ɲuna ndu aa: «Mò va maa o fonda Hala-o ya co ni? O co Hala le tuŋ nɔm violɔɔ le?»

O Kandɔɔ 30:2 Referans Kwoze

O Kandɔɔ 16:2

Mó dimul Abram pɔnɔ ndɔ aa: «Fallo, nɔm pila ce maa Mɛlɛka siinguu ya vana vilu loo. Lelan, lueinun cɛ ni laandoo ho coo, bɔɔle mì ndu vilul-la hɔ́ɔ̀.» Mí Abram cɛl sɔɛi laa ndɔ dimul ndu ken-nde.

Condii lisai 127:3

Kɛ́ Mɛlɛka ke naa-o cuawva co ni, hɔ́aa co naa fulaa o n'pulu-a vɔ̀ngɔ̀ Mɛlɛka dɔw naa-o nda co ni.

2Masaa 5:7

Masaa Israɛl ciiyo dɔ́ɔ́ sɛbɔɔ tofaa, mó sɛɛsian volɔɔlan lekɔɔ, mó deŋi aa: «Mò va maa ya co Hala le vannda diyɔɔ a le nda mingio yoomu ni? Vɛ mó vim ya vanndo le ndu singio a nàà siaŋaa? Vannda la ce isɔɔ nɛ? Kela tandaa daama hoo cɛn ya kɔɔli nuaa ni!»

1Samiɛl 1:5

Kɛ bungan hiow naŋɔɔ-on Ɛlkana ndóò ke Anɛɛ ni. I co toɲa maa Mɛlɛka ndóò siinguu Anɛɛ vana vialaa le, kɛ kaolaa pila Ɛlkana ndóò kaola ndu ni.

O Kandɔɔ 50:19

Kɛ mí Yosɛf dimul nda aa: «Siòòŋii bii niaa le. Mò va maa o fonda Hala-o ya co ni?

Efɛsea 4:26

Te la tuulu pɛ kɔl, la caa taw yɔŋii niaa cua hakio. La lo a kɔl tambɛiyo háá mì paalen le del te.

Marke 3:5

O kon mí Yeesu keela nda hɔlten coo a kɔl tambɛiyo a á mɔnɛi le nila kalula ndalan, mó dimul langbanɔɔ aa: «Siɛndi baa!» Mí langbanɔɔ siɛndi baa, mí ba ndɔɔ siangun.

Matie 5:22

Kɛ ya, i co niaa dimul: vana-vana tuulu pɛ kɔl a puapilɛ ndɔɔ, a kiolu ndu iyama. Vana dimul pɛ puapilɛ ndɔɔ aa: ‹A kindu kɔl te›, vanaa bɛndua kialu yaman lelɛŋndon-nda bɛnda mà cal o sɔɛi ndɔɛi coo. Vana dimul pɛ puapilɛ ndɔɔ aa: ‹Diɔmndo n co ni›, ndu bɛnda mò kɔɛ o ɲánndávàà.

Condii lisai 113:9

O ke vanalanɔ ndóò vilu loo cuawva, mó siinguu ndu vanalanɔ dɛnɛ kɛndɔɔ. La lisa Mɛlɛka.

Fulaa 32:19

Mɛɛ nda tiiya o dɔ́ɔ́ngɔ́ɔ̀ ikɛi, mí Moise ca piɔm nda cɔw kon maa naw téndé-o, mó ca mɛɛ vannda va kponyoo yɛ, mó tuulu kɔl taw-taw, mó viaw powta yɛ́ndɛ́la va ndu o ba lan, mí la cuinun o pembei bɛngu mululu.

O Kandɔɔ 31:36

O kon mí Yakɔb tuulu kɔl, mó ɲuna ndu aa: «Dɛnɛ vɔɔn yɛɛ ya tosa yɛ? Sɔɛi yɛɛ ya tɛɛmbuu yɛ mà va hiilaa ho a ya?

O Kandɔɔ 29:31

Mɛɛ Mɛlɛka ce maa Yakɔb kaola Lea taw le, mó nɛŋi ndu ipulu, mí Lea vialu cuawva. Kɛ Rasɛl ndu ve vana vialaa le.

O Kandɔɔ 25:21

Mí Isaak piɛi Mɛlɛka le Rebeka laa ndɔ pulei timbio, kani Rebeka ve vana vialaa le. Mí Mɛlɛka muli piɛile ndɔlen, mí Rebeka laa ndɔ cua folio.

O Kandɔɔ 20:18

Kani Mɛlɛka ndóò cii nin vanlaandua va o Abimelɛk lo cɛinin-nda kpow violɔɔ tɛɛmbuu o n'dial le hiɔlɔɔ ndóò hɛlu kon Sara, lanɔɔ Abraham-ndo.

Luke 1:42

mó heelu diomndo, mó dimi aa: «Hala dɔw nɔm duaa hiovɔɔ vanlaandua kpow coo, o dɔw vɛlɛ cɛlɛkpɛ n nɔ o dembe-o duaa!