O Kandɔɔ 30:1 - BII BILA

¹ Mɛɛ Rasɛl ce maa o co Yakɔb cua vilul te, mó kandu Lea bɛ ndɔ paŋalaa. Le hee, mó dimul pɔnɔ ndɔ aa: «Yɔngu ya cuawva, yɔŋii ya vu.»

O Kandɔɔ 30:1 Referans Kwoze

SƐBƐ YƆB-O 5:2

Toɲaa, kɔltuwvo dii diɔm sondo vesɛiyo ni, paŋalaa dii vana nɔ taasi loo ni.

O Kandɔɔ 29:31

Mɛɛ Mɛlɛka ce maa Yakɔb kaola Lea taw le, mó nɛŋi ndu ipulu, mí Lea vialu cuawva. Kɛ Rasɛl ndu ve vana vialaa le.

O Kandɔɔ 37:11

Bɛndaa ndɔa va ndu paŋalaa taw, kɛ mí fuɲa ndɔ mandan sɔɛi ken o kɔl.

2Korɛntea 7:10

Kani kɔl tambɛi Mɛlɛka cɛ̀l ho mò komal vana-o, ndu tosà ni mì vana kon mangala kela ndɔɔ, ɛɛ nduyɛ mò sɔla cindaa. Lelan, vana tembu kɔl a ndu le. Kɛ kɔl tambɛi ceendo ho ndu, piɔ́mndo o yɔngu vana sɔlaa ni.

Nsaki 4:5

La yiyan te maa fondo fúú o sɛvan-ndo dimi aa: «Kɔl Hala luei naa nin-ndo, o kaola ndu taw a paŋalaa.»

Nsaki 3:14

Kɛ te la nɔ pɛ paŋala vɔɔndo a sɛɛngianndan niaa o lakɔl, mɛɛ la kuundian mì la dimí còòlan a toɲaa o kɔɔ le.

1Korɛntea 3:3

Kani paŋalianndan a sɛɛngianndan la co vɔ niaa tɛɛn. Vɛ̀ɛ̀ o co vanaa ceenda le niaa co vɔ o kon mì la va kelaa o vanacieeyɛi nin te?

Talelan 14:30

Yiyan kɔlɲuloo yɔngu diallon kɛndia ni. Kɛ yeemɛi paŋalɛi co maa nàá siɔŋi vana paalan-ndo.

Tite 3:3

Kani naa bɛɛ diɔmnda naa n va paandu ni, vanaa bii isɔɔ le-a, n va o pɔwlan nin. N va cɛa le yeemɛi vɔɔŋun súú-súù ka a le yeemɛi ɲɛm kɛndɔn. N va kɔlvesɛiyo tosaa mí n va yeemɛi vɔɔnde. Náà n nɛinun vannda, mí nda bɛɛ va nɛyɔnndo a naa.

Kalatea 5:21

yeemɛi bɛnduei, mɔiyan yɔngɔnndo, pululen a dɛnnda vaa lende. Vanaa co dɛnndan ndan tosaa-a, i co niaa ndi pɔɔ dimul maa mɛɛ ya dimúl nin niaa ndi yɛ, nda sɔlanin kɛ o masale Hala len nin te few.

Nsaŋ 4:8

Kaandeŋaa ndɔa ndáà kɔɛ ciee le ɲɛdiaa piondɔɔ.

Nsaŋ 4:3

mó faŋan Yuda mó muungu Kalile.

Vana Kɔlkaloo 4:4

Mí dɔaw vɛlɛ taasi maa o co fondo le vannda co sangaa le, a yeema ma hiow caanda. Sanga fondoo fúú co vɛlɛ kon ni, ɲɛ fondoo kiltan kɔɔli pɛɛn.

Condii lisai 106:16

Má tambu kɔltan a Moise nda Aarɔn o dɔ́ɔ́ngɔ́ɔ̀ nin, vanaa va teengen le Mɛlɛka-a pɛɛn.

SƐBƐ YƆB-O 13:19

Ɔ́ɔ̀ vana yeema mò yaala ya-o? Te o va yɛ pɛ maa i nɔ dí lekɛ́ndɛi le, mɛɛ o co fisa mì mei, mì vinnun.

SƐBƐ YƆB-O 3:11

Ko le yɛɛ nɛ kɛɛ yɛ vunnɔn kala nuu o dembe? Ko le yɛɛ nɛ ya kɛɛ yɛ vunnɔn mɛɛ yáà fula dɔ́ɔ́ kala nuu o dembe nuaa yɛ?

1Masaa 19:4

mí ndu pila niinu kɔlan kpɛŋ o lɛŋnde veselɛilen nin, mó kɔ cal o yɔmndo pum bɛngu, mó yeema piɔ́mndo, mó dimi aa: «Hee ndi hiow bɔɔ ba, Mɛlɛka! Lelan cua yoomu nuu, kani i co fisa a fuɲaa nia le.»

Kundalan 11:29

Mí Moise mulul ndu aa: «Paŋalaa n co le ya ni? Màá Mɛlɛka tuisi kɔl ndɔɔ vanaa ndɔa kpow coo, haliko ma siŋnun vanaa-tɛɛngaa-diom Hala-a!»

Kundalan 11:15

Te nuaa n co ya biyɔɔ ni, mɛɛ o co fisa ma cua yoomu nuu. Taa tuinun ya pɛ iɲíí ma tosa lende, i ci lɛnin mɔnɛi ya luɛyɔɔ le.»

Talelan 30:16

Ciee-piɔ́m, vanalanɔ vilu hɔ́ɔ́ loo, a lɛŋnde vesɛile nɔ mamɛn te len. Ɲɛ hiɔɔlundɔɔ co vɛlɛ: yinnden le dimi lɔ́ɔ́-lɔ́ɔ̀ le aa: «O va nuaa».

1Samiɛl 1:10

Anɛɛ va a kɔl tambɛiyo taw. Mó va Mɛlɛka piɛiyo a caŋndo fúkpàà-fùkpàà.