O Kandɔɔ 3:8 - BII BILA

⁸ Mɛɛ nda tuei diom Mɛlɛka Hala-o balɔɔ o nakɔɔ nin o hoeyii fɛ́-fɛ́i paale delɛi nin, má kɔ vionnun ndu o yɔmnde nin.

O Kandɔɔ 3:8 Referans Kwoze

Yeremi 23:24

Vɛ̀ɛ̀ vanndo nɔla vionnɔnndo nɛɛ yililia pum mì bumba ndu cɔu?» Sɔɛi fula Mɛlɛka o sondo-e co hee ni. «I co nɛɛ-nɛɛ fee, o halataala a o lɛŋnden coo, vɛ̀ɛ̀ la sina ken te?» Mɛlɛka ɲuna lende ni.

Talelan 15:3

Hɔlta Mɛlɛka lan la co nɛɛ-nɛɛ ka, la co vanaa vɔɔnda a vanaa kɛndɛa mɛɛndanndo.

Hebreea 4:13

Ɲɛ-ɲɛ co o viannan Hala o hɔl te. Ɲɛm o toosiaa-on kpow n co ndu o hɔl vakpa. O kei dɔ́ɔ́ pɛ hɔlten, o ce kpede. Nduyɛ, o ndu lo naa n dɔawnun kona ni.

Rɔmnda 2:15

Kon co cɔmndo ni maa dɛnɛ tɔŋndo co o sɛvaa nda o lakɔl, kɔlta ndalan la co lesei le ken. Yiyannda ndalan bɛɛ la co lesei, lan la yaala nda lɔ́ɔ́ lepum ni, mì la cɔm nda kɔɔsɔɔ.

O Kandɔɔ 3:10

Mí vanapɔnɔɔ mulul ndu aa: «Tueyɔɔ ya tuei diom nɔmndo o nakɔɔ nin ni, mí siòònde bii ya, mí viannun, kani tum fondo ya co ni.»

Yonas 1:3

Kɛ, mí Yonas can le ɲaanɔnndo Tarsis, le Mɛlɛka vionɔnndo. Mó tuusu Yopé, mó kɔ saalun dɛ̀ndɛ̀ bɛndoo pum, ó va kɔlan Tarsis-o. Mó sala volion le fondaa sɔlaa, mó luɛi vanaa va lon-nda tɛɛn le kɔnndan Tarsis, Mɛlɛka levil polon.

SƐBƐ YƆB-O 31:33

Vɛ̀ɛ̀ i ven pá tɛɛmbuula nilan maa vanndacieea pum? Vɛ̀ɛ̀ i mandan pá yɔŋ ni vɔɔndo o kɔl,

SƐBƐ YƆB-O 38:1

Mí Mɛlɛka mulul Yɔb o hoeyii fùkù-fùkùei nin, mó ɲuna ndu aa:

Tɔŋ miingua 23:14

Vana cɔw oo vana cɔw bɛnda mò nɔ dɛndɛ pɔmbɔɔ o pilɛ o volɔɔla ndɔla cɔwlan nin. O kon, te solɔɔ bii ndu pɛ, o kɔ tow soondo o fondokpa kon a dɛndɛ kon, o sol lenin. O cii pɛ, o mingi poola lan kumbɔɔ.

Tɔŋ miingua 5:25

Sisa yɛ niko, le yɛɛ naa n co yɛ naa pila dɛnɛ kondɔn mi n sɔla piɔ́mndo? Yinnde bɛndulen nden le nɔla mì le diw naa kpow. Te n lo pɛ diom Mɛlɛka Hala naa tueyɔɔ nuaa, n co vu.

Tɔŋ miingua 4:33

Vanaa-mangalaa-isɔɔa pum co, á tuei Mɛlɛka sɔɛi o yinnden tɛɛn maa niaa Israɛlla má lo yoomu-a?

SƐBƐ YƆB-O 22:14

Yumbuyumboo co ndu o hɔl, o co cɔ le, Halataalaa balɔɔ koni o kela ni.›

Dɛnnda cɔɔmuanndan 6:15

Mí masaa co o lɛŋnden coo-a, simlacia, simlacia vanaa cɔwva, vanaa bolofaa, vanaa kpaayaa, cɛa kpow a vanaa co o ba ndaa coo-a viannun o buululan nin a o powta kpovala co o pembon coo lan bɛngu.

O Kandɔɔ 18:33

Mɛɛ nda cii suukanndo nda Abraham, mí Mɛlɛka kɔannun, mí Abraham ndu muungu o ndu lo.

Tɔŋ lasálàá 26:12

I vanin kelaa niaa tɛɛn, i vanin Hala niaa, mì niaa va vanaa nia.

Osee 10:8

Sooluulan Avɛn, nɛɛ Israɛlla va hakilan tosaa-a la tambunin kpow. Hɛinndon a siɛmbullon vulnin, o fondala-loamaa-lasálàla ndalan coo. A dimulnin pembon aa: «La kuumbun naa coo», mà dimul pembun pɔmbɔn aa: «La deli naa coo!».