Biblia Todo Logo
Bib sou entènèt

- Piblisite -




O Kandɔɔ 3:5 - BII BILA

5 Kɛ Hala sinà ɲɛkɛndɛi maa te la de dɔ́ɔ́ pɛ kɔmnde yɔm kon, hɔlta niaalan la kumbin, la siŋnun maa ndu Hala, la sina dɔ́ɔ́ pɛɛngulan ɲɛ kɛndɔɔ a ɲɛ vɔɔndo tɛɛn.»

Gade chapit la Kopi




O Kandɔɔ 3:5
31 Referans Kwoze  

«Po vanacieo sei, dimul masa co kobio Tir bollen-ndo aa nuaa Maalii Hala dimi ni aa: ‹Kɔl nɔmndo pɛ a kuundianndo háá má dimi aa hala n co ni! A co icali o ɲɛ-calaa Hala-o coo o mɛmma ihɛllan tɛɛn. Nɔm yɛ, vanacieo n co ni, a co Hala le, kɛ má tuu maa yiyan nɔmndo a yiyan Hala-o kpen-kpen la co ni.


Yaamɔɔ kalaa simulnin ɲɛ-ɲɛ vannda co veeloo aa hala, te kon te ɲɛ-ɲɛ nda co biiloo, háá mò kɔ luɛi o cɛi Mɛlɛka Hala-o nin, mò kɔ cal, mì ndu pila veelun aa hala.


kɛ dia kɔmnde yɔm tosà mì vana sina dɛnɛ kɛndɔɔ a dɛnɛ vɔɔndo-o le. Kani paale n co ndu dio len, piɔ́mndo siŋnun ɲinkon mial nɔm.»


Nduyɛ, siòònde co ya yɔŋii yiyannda niaalan la luei niaa o pɔwlan nin, mì la faŋa niaa Krista o ibuŋ maa mɛɛ kɛwvo luei Hawa o pɔwlan nin a kɔlkalu vɔɔndo yɛ.


le vanaa laalan te-a, a Setana masa ceendo ho suumiaa kan kɔltan-nda pɛɛn, yɔŋii nda cɔ ɲɛ vavonndo, o co Yoongu kɛndɛ biilu Krista-o-o, Krista co velan Hala-o o.


I co nɔm vomɔɔ mà kɔ kumbi nda hɔltan, mà soli nda o ɲumndan nin, mà ce ɲɛ-tengaa. Mà soli nda o kpaaya Setana-o bɛngu, mà muungu Hala o ibuŋ. O kon taa laalan ya pɛ, a sɔlanin hakio malɔɔ, mà sɔla vɛlɛ kɛ́ ndaa vanaa Hala-a tɛɛn.›»


kɛ te hɔltan la ve nɔm lakɛndɛ le, dialun nɔmndon kpow n luɛi o ɲumndan nin. Te ɲɛ-tengaa co nɔm niŋ-ndo siŋnun pɛ ɲumndan, mɛɛ ɲumma man ma và ma bɔɔ dɛ!»


Mó dimi aa: «Mɛɛ vanacieo siŋnun maa naa le dɛnɛ kɛndɔɔ a dɛnɛ vɔɔndo sinaa yɛ, naa bɛɛ n kùùnan ndu le tiiyaa o yɔm cindaa. Kani te o de pɛ kɔmnde yɔm kon, o co vannɔn yoomu le fɛɛn a fɛɛn.»


Mí vanapɔnɔɔ mulul ndu aa: «Tueyɔɔ ya tuei diom nɔmndo o nakɔɔ nin ni, mí siòònde bii ya, mí viannun, kani tum fondo ya co ni.»


O kon, mí hɔlta ndalan la kumbin nda ŋiɔn kpow, má cannan maa tumnda fondo nda va ni. Le hee, má sɔandu pei voosoei, má yiwnun ndi o caŋ maa lakola.


Mó luei vanaa va o lɛŋnden coo-a o pɔwlan nin a dɛnnda kɔndɔfilta o sɔla kpaayaa le tosaa visi tasoo o hɔl-tan o kɔɔ, mó va vanaa co lo o lɛŋnden coo-a dimullo le tuula visi tɔɔma ndáà yɔŋul kon a mɔɛi cɔwve mó siangu-o toosiaa.


Má baŋ vulan tambálakáà o labɛngunin le tùú ndóò ke visi tɔɔma kon kpaayaa-o, má baŋ vulan visi kon o labɛngunin, má va dimio aa: «Nɛ̀ɛ́ co yɛ maa visi tɔɔma ho, nɛ̀ɛ́ nɔla yɛ ndu cɔlɔba?»


O foofo kon, mí sɔɛi ken i peelun dɔ́ɔ́ Nebukanɛsar coo. Mó toawnun mó faŋan vanndacieea tɛɛn, mó dia billo maa naw, mó liva yɔ́-yɔ́ o kɛmndan nin, háá mi yiiŋii ndɔɛi yimbu maa bɔɔla kovɛ. Mí yɛmbɛn ndɔn bandu maa yɛmbɛn yow.


I helnin o yumbuyumboo coo mì siŋnun kpen-kpen a Ó-Hiow-Ɲɔɔn-Kpow-vo.


Mí masa Israɛlla cuungiaa vanaa-tɛɛngaa-diom Hala-a ndɔa, a va le n'van kɛmɛ lehiɔɔlu, mó ɲuna nda aa: «Vɛ̀ɛ̀ i bɛnda mì kɔ del Ramɔt co o tàndá Kalaad-o nin-ndo coo a cɔwvo baa i bɛnda mì kɔɛ le?» Má mulul ndu aa: «Kɔ, kani Mɛlɛka malnin kobi kon nɔm o ba.»


La pial diola Mɛlɛka Hala niaa o fondo fúúo coo le, kani vana pɛl pɛ diola ndɔlan o fondo fúúo coo, Mɛlɛka tuisi vana kon dɛnɛ palaa coo.


Mí Faraɔnnɔɔ mulul nda aa: «Nɛ̀ɛ́-nɛ̀ co yɛ Mɛlɛka, o niaa yeema kon mì bii diom ndɔɔ le Israɛlla malɔɔ kɔnndan-ndo? I sina Mɛlɛka kon te, i melnin vɛlɛ Israɛlla kɔlan te.»


Mí vanaa lebolla a masaa n'bungaa cɛlan, má kɔa o masaa Darius lo, má dimul ndu aa: «Òó masaa Darius, màá viow yoomu fɔ́!


Vɛ̀ɛ̀ a nɔla vɛlɛ mà dimi vanaa co nɔm diyɔɔ-a o hɔl aa hala n co ni? Nduyɛ vanacieo daama n lonin ɲinkon vanaa vanin nɔm diyɔɔ-a o ba ni. A venin hala nda o ba le.


Kani la co vana sandaa yoomuan solio a còòlan, nduyɛ, ya pila, i tɛɛmbuu nda kɔl te. La co vana kɔlvesɛiyo yoomuan lueiyo yɔŋii o mal kɔlvesɛi kon, mò ciindiaa yoomu ndɔɔ.


Màá Mɛlɛka kili cɔcɔn sondo yeelɛin mun, a diɛɛmui soaa ken yongaa-e!


Lelan, la cɛl mì Esekia fɛɛla niaa mò luei niaa o pɔwlan nin te! La láálan ndu le! Kani hala vanaa-mangalaa-isɔɔa súú-súù, te kon te, hala masɛi kɛ́-kɛ̀ tiwba vanaa ndɔa baŋa ya o ba, te kon te fuɲaa niaa mamaa o ba le. Halaa niaa bɛɛ nɔlanin niaa baŋa ya o ba le.›»


Soo o ndu lo má dimul ndu aa nuaa Maalii Hala dimi ni aa: ‹Nɔm Faraɔnnɔɔ, nɔm co masaa Esipte-o, tofa vɔ mɛɛ ya co nɔm kuello yɛ! Nɔm kuì bɛndu co hoo hinilan o peela bɛndula nɔmndan tɛɛn-ndo, a co dimio maa pee nɔm bɛndoo Nil, le nɔm o co ni, nɔm pila toosialan ndu ni.


«Po vanacieo sei, soli condii biisiei masaa Tir coo. Dimul ndu aa nuaa Maalii, o co Mɛlɛka-o dimi ni aa: ‹Nɔm va vana hiow vannda kpow tiwnɔnndo-o ni, nɔm óò nɔ kɔlkaloo taw-taw, nɔm óò hiow ba naŋɔɔ.


Mó soli yɔmnde súúlan kpow o nakɔ kon nin, í naŋ o tofaa mi ì yeela o dioo-e. Mó soli yɔm cindaa o nakɔɔ tɛɛn déŋ, mó soli vɛlɛ yɔm tosa mì vana siná dɛnɛ kɛndɔɔ a dɛnɛ vɔɔndo-o.


Ndóò yeema mì Israɛlaa felengia va cɔnɔnndo sɛnɛi-ya, áà sina vɔ dɛnɛ cɔwvo le-a ndáà pɛɛku cɔwvo.


Swiv nou:

Piblisite


Piblisite