O Kandɔɔ 3:4 - BII BILA

⁴ Mí kɛwvo dimul vanalanɔɔ aa: «La sɔ́là piɔ́m te.

O Kandɔɔ 3:4 Referans Kwoze

2Korɛntea 11:3

Nduyɛ, siòònde co ya yɔŋii yiyannda niaalan la luei niaa o pɔwlan nin, mì la faŋa niaa Krista o ibuŋ maa mɛɛ kɛwvo luei Hawa o pɔwlan nin a kɔlkalu vɔɔndo yɛ.

Nsaŋ 8:44

Masa ɲinaa vɔɔnda co fuɲa nia ni, nduyɛ hɛnan fuɲa niaa-o niaa yeema tosaa ni. Kabi o tasendɔ, vana diuvaa n'vanndo o yɔŋnun ni, o sim lɔ́ɔ́-lɔ́ɔ̀ o toɲaa coo le, kani toɲa co ndu nin te. O va pɛ keiyo còòlan dimio, ken vil vana celen te, kani vana lacòòvaa a fuɲaa còòlan o co ni.

1Timote 2:14

O co vɛlɛ Adam te nda hiŋ hɔlla le, vanalanɔɔ nda hiŋ hɔlla ni, mó tɛɛmbuu tɔŋ Hala-o.

2Korɛntea 2:11

yɔŋii Setana hui naa. Nduyɛ, n sínà yeemɛi ndɔɛi.

O Kandɔɔ 3:13

Mí Mɛlɛka Hala ɲuna vanalanɔɔ aa: «Dɛnɛ yɛɛ n tosa yɛ hoo?» Mí cuaa muli aa: «Kɛwvo pálá ya nuaa ni mí dia kɔmnde yɔm kon.»

Condii lisai 10:11

O kon o dimi dɔ́ɔ́ aa: «Hala pɔɛɛnun, o kumbu hɔlla, o co lɛ ɲɛ-ɲɛ cɔ le.»

2Masaa 8:10

Mí Elise mulul ndu aa: «Kɔ dimul ndu aa o co siongɔɔ. Kɛ Mɛlɛka dimul-la maa o co vu.»

2Masaa 1:16

Mí Elii dimul masaa aa: «Diom Mɛlɛka dimi-o co hoo ni aa: ‹Le tùú n vem vannda le kɔlan yavaa vomɔɔ o Baal-Sebub, hala co Ekrɔn-ndo lo-o, vana ca ko aa Hala co Israɛl le ndu isɔɔ ɲuna le, a tul-lɛnin o kpele n hini ho coo-o coo le few, vuo n co ni kangalan!›»

2Masaa 1:6

Má mulul ndu aa: «Langbanɔɔ pum naa n bɔŋan ni, mó dimul naa aa: ‹La kɔ, la muungu o masaa vem niaa-o lo, mì la kɔ dimul ndu aa: Diom Mɛlɛka dimi-o co hoo ni aa: Mò va maa Hala co o lɛŋnde Israɛl-ten nin te, le kɔlan Baal-Sebub, hala kobio Ekrɔn ɲunaa? Lelan kpele n hini hoo coo-o, a tul-lɛnin lecoo le few, vuo n co ni kangalan!›»

2Masaa 1:4

Lelan diom Mɛlɛka dimi-o co hoo ni aa: ‹Kpele n hini hoo coo-o, a tul-lɛnin lecoo le few, vuo n co ni kangalan!›» Mí Elii kɔannun.

Tɔŋ miingua 29:19

Mɛlɛka cɛlnin le ndu hakio malɔɔ le. Kɛ kɔltuw Mɛlɛka-o a paŋala ndɔɔ toalnin vana kon coo. Dangala sɛvan o sɛbɔɔ ho nin-ndan la toalnin ndu coo, mì Mɛlɛka ɲumi diola ndɔlan o ceendo coo.

O Kandɔɔ 3:3

kɛ le kɔmnde yɔm co hoo o nakɔɔ tɛɛn déŋ-ndo, nuaa Hala dimul naa ni aa: ‹La dia le, hali pilanndo bɛɛ la pilan te, yɔŋii niaa sɔla piɔ́mndo.›»

2Dɛnnda lemasalan 18:21

Mí yiyan kalaa muli aa: ‹I co lakɔ, mì kɔ siŋnun yiyan lacòòvaa, mì còòlan la luɛi vanaa-tɛɛngaa-diom Hala-a masaa kpow o lasondo.› O kon mí Mɛlɛka mulul ndu aa: ‹Mɛɛ a nɔlanin ndu dɛɛniaa lekɛ́ndɛi, fula ma kɔɛ, ma kɔ tosa mɛɛ n dimi nuaa yɛ!›