O Kandɔɔ 3:24 - BII BILA

²⁴ Mɛɛ Mɛlɛka soli ndu o nakɔɔ nin lende, mó handu mɛlɛkaa kanda ɲɛm Hala-on-nda kpalillo o nakɔ kon sondoo a mɔɔn leyinndon o laba. Má va mun hiŋndo le nɛi yɔm cindaa kon cumullo.

O Kandɔɔ 3:24 Referans Kwoze

Hebreea 1:7

Ɲɛ Hala dimi le mɛlɛkaa-o co hoo ni aa: «Mɛɛ ya tosa a hoeiye yɛ koni ya tosa a mɛlɛkaa ni, kpeku piɔɔ-volia soli ya-o koni nda solul-la ni.»

Condii lisai 104:4

A siinguu hoeiye kiilaa nɔmnda, yinnden le co vanaa baalaa nɔmnda ni.

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

Condii lisai 99:1

Mɛlɛka co masaa ni, vanaa-mangalaa-isɔɔa co ɲiiyaa. O co icali o kpɛŋɛ lemasa ndɔɔ nin mɛlɛkaa kanda ɲɛm Hala-on-nda tɛɛn, lɛŋnden le co ɲiiyaa.

Condii lisai 80:1

Condii Asaf-e, í fula o condun simlacinɔ vanaa n'condua nin-nde. A bangaa o soli condei he ni.

1Samiɛl 4:4

Má viam vannda Silo le kɔlan hunɔɔ a kesu kpema Mɛlɛka-Nɔ-Kpaayaa-Kpow-vo-o, o co icali o mɛlɛkaa kanda ɲɛm Hala-on-nda tɛɛn-ndo pɛɛn. Poaa ŋiɔŋaa Helii-a, Hɔfni nda Pineas a va o kesu kpema Hala-o ikɛi lon.

Yosue 5:13

Lɔ́ɔ́ Yosue sɔɔnguu Yeriko ciee-lekɔɔ-o, mó heelu hɔlla, mó ca vanndo pum isisi ndu laci, mɔɛi cɔwve va vana kon o ba, i ve o boo nin te. Mí Yosue sɔɔnguu ndu ikɛi, mó ɲuna ndu aa: «O kunda naa coo n co ni baa o kunda yaamɔaa naa coo?»

Kundalan 22:23

O kon, mí sofɛlɔɔ ca mɛlɛkanɔ Hala-o isisi o nɛi a mɔɛi ndɔɛi cɔwve o ba. Mɛɛ o ce ndu, mó mal nɛiyo, mó sɔndan yondoo nin. Mí Balaam soaŋ sofɛlɔɔ le ndu mingio o nɛi.

Fulaa 25:2

«Dimul Israɛlla mà yɔngu cuungiaalan le ya. Vana-vana yɔngu pɛ cuungiaa ndɔɔ a kɔl ndɔɔ kpow, la bii ndu ndu o ba.

O Kandɔɔ 3:23

Le hee, mí Mɛlɛka Hala toaw vanacieo, mó soli ndu o nakɔɔ Edɛn nin, haliko mo kɔ va vallo tosaa o lɛŋnde o fula o puulu ndɔɔ nin-nden coo.

O Kandɔɔ 4:1

Mɛɛ vanapɔnɔɔ siná Hava laa ndɔ vanalanɔ, mí Hava cua folio, mó vialu Kain, mó dimi aa: «I sɔla hɔ́ɔ́ piaandoo Mɛlɛka o ba bɛngu.»

O Kandɔɔ 4:14

Mɛɛ n cii ya hau tovɔɔ ma faŋa ya o lɛŋnde ya va vàá len coo yɛ, i co faŋan nɔm o hɔl mì kɔ vionnun levil lándán. Kani i nɔ lɛ pumbú calaa le, i siŋnun vana kelanndo o lɛŋnden coo. Le hee, vana-vana saalun ya pɛ, o dii ya.»

Esekiɛl 10:1

Mɛɛ ya tofa vɛlɛ, mí ca ɲɔɔ pum maa pow safir o ɲɛ tɛ́ngɛ̀-tɛ́ngɛ̀ va o toandaa mɛlɛkanɔ kanda ɲɛm Hala-on-ndo o bollen coo maa halataala. Vanáà ca ko ɲɛ va kon maa pow safir-o aa kpɛŋɛ lemasaa ni.

Esekiɛl 31:11

lelan ya mal ndu simlacinɔ vanaa-mangalaa-isɔɔa o ba ni, haliko mi simlacinɔ kon tosal ndu mɛɛ kɔlvesɛi ndɔɔ co yɛ. Mí toaw ndu few-few!