O Kandɔɔ 3:21 - BII BILA

²¹ Mí Mɛlɛka Hala cuɛi vanapɔnɔɔ nda laa ndɔ a yáwla visia.

O Kandɔɔ 3:21 Referans Kwoze

Esai 61:10

I dɔawnunnin ɲaale taw o Mɛlɛka nin, yoomu nuu vanin o piaa a kɔlkɛndɔɔ o Hala nuu nin, kani o vow ya volɔɔla cuɛinannda cindaalan mó kuumbuu ya a doma lecoo dɛnɛ sandaa, mɛɛ vana co lanɔɔ cuaa-o vownun mɔsil kɛndɔɔ o lebol nuaa yɛ, mɛɛ vanalanɔ co calle o nɔu-vo vownun kelan kɛndɛ-kɛndɔn nuaa yɛ.

2Korɛntea 5:21

Krista ndóò nɔ haki le, kɛ nduyɛ, mí Hala handu ndu hakila naalan coo, haliko mi n siŋnun vanaa sandaa Hala o hɔl.

O Kandɔɔ 3:7

O kon, mí hɔlta ndalan la kumbin nda ŋiɔn kpow, má cannan maa tumnda fondo nda va ni. Le hee, má sɔandu pei voosoei, má yiwnun ndi o caŋ maa lakola.

Rɔmnda 3:22

Hala ke vanndacieea kpow dɛnɛ sandaa ndɔɔ le laalan nda laalan Yeesu Krista-o, hɛli co le.

O Kandɔɔ 3:20

Mí vanapɔnɔɔ ke laa ndɔ diolan aa Hava (kon co dimio ni aa «Yoomoo»), kani ndu yɔŋnun kala-mama vanndacieea kpow ni.

O Kandɔɔ 3:22

Mó dimi aa: «Mɛɛ vanacieo siŋnun maa naa le dɛnɛ kɛndɔɔ a dɛnɛ vɔɔndo sinaa yɛ, naa bɛɛ n kùùnan ndu le tiiyaa o yɔm cindaa. Kani te o de pɛ kɔmnde yɔm kon, o co vannɔn yoomu le fɛɛn a fɛɛn.»

1Korɛntea 12:23

Nduyɛ falun naa n ca maa n co n'sɔvɛ taw loon, mun naa n hiow bɛɛlen keo ni. N naa n yiyan maa n niŋ bɛɛ loon naa n hiow caa vionɔɔ ni.