O Kandɔɔ 3:19 - BII BILA

¹⁹ Lɔ́ɔ́ pá ma sɔlá nin ɲɛdiaa nɔmndo, fɔ ma kelun lalle o itendu. A lonin lende háá mà muungu lɛŋ, nɛɛ n fula-a. Kani a puuloo n cɔwnun ni, lelan o puuloo nin n co vɛlɛ muungu ni.»

O Kandɔɔ 3:19 Referans Kwoze

Vana Kɔlkaloo 12:7

mì diallon muungu o cundoo nin, nɛɛ n fula-a, mì yoomoo muungu Hala yɔngu ndu-o o ba,

SƐBƐ YƆB-O 34:15

vanndacieea kpede va cuvɔɔ o lepilɔɔ, mì vanacieo ndóò muungu o cundoo nin.

Condii lisai 104:29

Taa vin nda pɛ hɔlaa nɔmnda, siòònde bii nda taw. Taa soli nda pɛ yoomoo niŋ, a muungu o puuloo nin.

O Kandɔɔ 2:7

Mí Mɛlɛka Hala ɲɔla puuloo lɛŋ, mó cɔaw vanacieo a puulu kon. Mó hul ndu hoeyii yoomuɛi o tɛɛngun lamilinndon nin, mí vanaciee kon siŋnun ɲɛ yoomaa.

Condii lisai 90:3

Nɔm mingì vanacieo o puuloo nin ni, bau a dimi aa: «Niaa poaa vanndacieea, la muungu o puuloo nin.»

Efɛsea 4:28

Vana co vuilenndo, ndu mal vuilen. Ndu pila tosa baalaa, haliko mo sɔla ɲɛ o piɔvan nda vanaa co o bahavɛiyo nin-nda-o.

Vana Kɔlkaloo 3:20

Nda kpow co kɔlan o fonda pilɔɔ. O puuloo nin nda fula ni, o puuloo nin nda co vɛlɛ muungu ni.

O Kandɔɔ 18:27

Mí Abraham dimi aa: «Ya co hoo maa cundu a lapul-lo, i suukan a Maalii nuu.

Daniɛl 12:2

Vanaa co o lɔan o sɛilan nin-nda taw a tendulnin. A pum le yoomu fɛɛn-fɛɛndo, a tɔ̀a le siɛmbulan a sanga bɛɛ tambɛi fɛɛn-fɛɛndo.

Vana Kɔlkaloo 1:3

Ɔ́ɔ̀ tɔnɔ vanndacieea nɔ o sanga bɛndu nda co hoo o paalen bɛngu nanu-o nin-ndo?

Condii lisai 22:15

I co saŋnɔnndo maa mamɛn, paalan la faŋan ya o boondon. Kɔllo siŋnun ya maa dukpa, o co ya tengaa nin.

O Kandɔɔ 23:4

«I co icali niaa tɛɛn, kɛ miallo ya co o lɛŋnde niaalen nin ni. Lelan, a yandi, la pisi ya fonda kumbaa n'vanvílɛ́iyo o ba, mì kumbu laa ni vi-o.»

2Tesalonikea 3:10

Nduyɛ, telen naa n va o niaa lo-o, mí n dimul niaa aa: «Vana yeema baala le, mɛɛ ndu dia le.»

Condii lisai 103:14

Mɛlɛka sinà mɛɛ o toosiaa naa yɛ, o sinà maa a puuloo ɲɛ-pɔmbɔ daama naa n cownun ni.

1Tesalonikea 2:9

Puapilɛa naa, la yiyan ndɔ mɛɛ naa n tosa baalaa mí n sanga taw yɛ: n va vallo idii a icɔl telen naa n va niaa Yoongu kɛndɛ fula Hala o ba-o tiiyallo-o yɔŋii naa n va o ba pila bɛngu.

Vana Kɔlkaloo 5:15

Dɛnɛ palaa bɛndu-bɛndoo co vɛlɛ kon ni, le muungoo mɛɛ o hin yɛ kpafii. Ɔ́ɔ̀ niko ɲɛ o mei o sanga bɛndu o sanga kon-ndo nin-ndo?

Vana Kɔlkaloo 1:13

mí kindin le ɲɛ co tosanndo o ceendo coo-o bilaa biyɔɔ a le ndu sinaa a kɔlkalu nuu kpow. Kon vɛlɛ bɛɛ, volɔɔla lusulaalan o co ni, o Hala siilu vanndacieea-o.

Talelan 21:16

Vanndo mal pɛ nɛi taasio, mɛɛ ndu keleŋanin lakɔ ciee-piɔ́m mò kɔ va lon nda vanaa co lɛ le-a latulu.

Condii lisai 22:29

Kani Mɛlɛka nɔ masalen o ba ni, ndu o ba bɛngu vanaa-mangalaa-isɔɔa kpow a co ni.

SƐBƐ YƆB-O 21:26

Nduyɛ, nda kpede o cundoo nin nda co ihini ni, mì càá kumbu nda mɔku-mɔku.

SƐBƐ YƆB-O 19:26

Lɔ́ɔ́ yáw nuu cuunin itambu-o, i canin Hala a dialun nun yungɛiyon.

SƐBƐ YƆB-O 1:21

mó dimi aa: «Fondo ya hin fulaa kala nuu o ipulu ni, fondo koni ya muungunin vɛlɛ lɛŋ ni. Mɛlɛka yɔngu ni, Mɛlɛka poonda vɛlɛ ni, màá biiloo va le ndu Mɛlɛka!»

1Korɛntea 15:47

Adam tasoo a puuloo Mɛlɛka toosiaa ndu ni, kɛ o diinndɔɔ ndu, o halataala o fula ni.

Hebreea 9:27

Lepilɛ kpé vanndacieea bɛnda le piɔ́mndo sɔlaa ni, o kon kɔɔli Hala kelu yamɛi ndɛi.

O Kandɔɔ 3:18

Lɛŋnden le solulnin nɔm yɔɔn a hɛɛnndon. Ɲɛ vanin vulɔɔ o ciɛɔn nin-ndo n vanin dioo ni.

SƐBƐ YƆB-O 4:19

vɛ̀ɛ̀ o laalan yɛnin vanacieaa co haa icali o cɛila cɔwnun a bɔ́wvo lan nin-nda? Vɛ̀ɛ̀ o laalan yɛnin vanaa calta ndalan la kilan haa o cundoo nin-nda, à vana pusu haa cɔ́-cɔ́ maa dɛlu-a?

Condii lisai 104:23

O kon kɔɔli, vanndacieea fula, a kɔɛ o valta ndalan nin, a lo baalaa háá icɔllo.

Condii lisai 127:2

Lende koni, niaa bɛɛ, la co cɔnɔnndo idii púŋ, mì la va kɛɔ yalaa lɔan fondo fúú, sangaa fúú niaa co le balo niaa sɔlaa ni. Kani vanaa Mɛlɛka kaola-a a vannun bɛɛ o lɔma nda, ndu Mɛlɛka kenin nda baloo. Cuawva co kɛ Mɛlɛka-o ni.

O Kandɔɔ 5:5

Adam cii yoomu o ceendo coo vɔsilan kɛmɛ leŋɔmahiɔɔlu a beleyaa malan o vu.

SƐBƐ YƆB-O 10:9

Loonun maa a bɔ́wvo n toosiaa ya ni, nduyɛ o cundoo nin n minginin ya vɛlɛ ni.