O Kandɔɔ 3:18 - BII BILA

¹⁸ Lɛŋnden le solulnin nɔm yɔɔn a hɛɛnndon. Ɲɛ vanin vulɔɔ o ciɛɔn nin-ndo n vanin dioo ni.

O Kandɔɔ 3:18 Referans Kwoze

Matie 13:7

Mí n'tiŋ deli o yɔɔn nin, mí yɔɔn hindu, mí n mial mun.

Esai 7:23

O palɛi ken nin, fonda oo fonda rɛsɛnndon va pɛ n tɔalaa coo tumndan vàá pilɛ, mì vɔngu fonda kon bɛnda volin latámán vàá pilɛ, fonda kon malnunnin mì hɛɛnndon a siɛmbulle vil lon.

SƐBƐ YƆB-O 5:5

Ɲɛ-ɲɛ nda kow pɛ, o va bɛɛ aa o kunga n'yɔɔ tɛɛn ɲɛ koavaa kon co ni, màá vanaa yiaan ma co nɛiyo-a dio ndu tɔnɔ! Màá vanaa kolɔɔ bii-a hiɔlu ɲɛm ndan kɛndɔn!›

Hebreea 6:8

Kɛ te o soli pɛ bɔɔla n'yɔɔlan a booson, mɛɛ o nɔ tɔnɔ le. O kon Hala kɛɛ ndu, o mɛɛlulan, a mal ndu yin.

Yeremi 4:3

Kani diom Mɛlɛka dimul vanpiaandua Yuda a haa Yerusalɛm-ndo co hoo ni aa: ‹La fɛɛya ciɛi sɛnɛiye le niaa pila, la saŋ o yɔɔn nin te.

Esai 32:13

Kani yɔɔn a siɛmbullon vulnin mì n tiw o yondola vanaa niaa coo a co cɛila kɔlkɛndɛla kobi connun hoo o ɲaaloo nin-ndo nin kpow.

Esai 5:6

I co ndu siinguu fonda tambɛiyo, o ve lɛnin bɛɛsian te, o ve lɛnin vali tosan te, Cimbullon a hɛɛnndon co vulɔɔ lon taw. I kuunanin yumbuyumboo le piɔɔ tuisio o nakɔ n'rɛsɛn ni kon coo.

Talelan 22:5

Yɔɔn a yaŋɔɔlan la co o nɛi vana kela tuunduɛiyo coo, vana kaolan pɛ ndu pila o kpakpala lan.

SƐBƐ YƆB-O 31:40

màá yɔɔn vɔɔnndon fula o foofola yáà koaw ɔrse lan, mì bil vɔɔndo vil o fondala yáà koaw maalon-ndan!» Sɔɔn Yɔb soo-on yɔŋnun mún ni.

Yosue 23:13

mɛɛ la sina niko maa Mɛlɛka Hala niaa hiw lɛnin laci a vanaa kan tovɔɔ niaa laci le. Kɛ a siŋnunnin maa yala toandaa, maa yaŋɔɔle miinguaa le niaa, a siŋnunnin maa lesiondoo le niaa lungbon lɔɔ, te kon te maa n'yɔɔ le niaa hɔltan hovihovio, háá mì la cuu o lɛŋnde kɛndɛle Mɛlɛka Hala niaa yɔngu niaa len-nden coo.

Yeremi 12:13

Niáá saŋ maalon, mi la va yɔɔn booson kovɔɔ. La co sangaa bɛndoo pila, kɛ la co tɔnɔ oo tɔnɔ sɔla le. Siɛmbulan la bii niaa a ɲɛ niaa co kovɔɔ-o, ken tosan le tùú Mɛlɛka tambu kɔllo a niaa taw-vo.

Talelan 24:31

Billo vannun lenin nɛɛ-nɛɛ ka, vanáà ci ɲɛ-ɲɛ celen te fɔ yɔɔn. Kunga lapowvo ndu va o delaa.

Condii lisai 104:2

Mɛlɛka simbulun o pangeloo nin maa o doma nin. A cii halataalaa tondɔɔ maa cɛi-kola-toandaa,

Condii lisai 90:3

Nɔm mingì vanacieo o puuloo nin ni, bau a dimi aa: «Niaa poaa vanndacieea, la muungu o puuloo nin.»

SƐBƐ YƆB-O 1:21

mó dimi aa: «Fondo ya hin fulaa kala nuu o ipulu ni, fondo koni ya muungunin vɛlɛ lɛŋ ni. Mɛlɛka yɔngu ni, Mɛlɛka poonda vɛlɛ ni, màá biiloo va le ndu Mɛlɛka!»

Rɔmnda 14:2

Mì vana pum ndu laalan maa o nɔla mò de ɲɛ-ɲɛ ka, kɛ mì caan celen, o nɔ laalan bɔɔ loo, ndu va lamnda lapeelan kínɛí dioo.

O Kandɔɔ 3:17

Mí Mɛlɛka dimul niko vanapɔnɔɔ aa: «Le tùú n cɛl sɔɛi laa nɔm-nde, má dia kɔmnde yɔm ya kuuna nɔm le dioo-o len-ndo, i dɔw lɛŋnden danga le yɔŋ vɔɔn nɔm kon. Háá mì yoomu nɔmndo cuu o ceendo coo, fɔ mà sanga sangaa pila malan n sɔla ɲɛdiaa nɔmndo lɛŋ.

O Kandɔɔ 3:19

Lɔ́ɔ́ pá ma sɔlá nin ɲɛdiaa nɔmndo, fɔ ma kelun lalle o itendu. A lonin lende háá mà muungu lɛŋ, nɛɛ n fula-a. Kani a puuloo n cɔwnun ni, lelan o puuloo nin n co vɛlɛ muungu ni.»

Esai 7:24

Vannda vanin luɛyɔɔ o fondala lan a kpaasiaalan a kɔɔn o laba, kani lɛŋnden kpow le co siŋnɔn hɛɛnndon a siɛmbulle.