O Kandɔɔ 3:16 - BII BILA

¹⁶ Mí Mɛlɛka dimul vanalanɔɔ aa: «I tuisinin nɔm sangalan coo taw telen n vanin a folio-o. Mɛɛ ma diw lahɔl malan n vialu. Yeemɛi biinin nɔm le pɔnɔ nɔm hɛnanndo, kɛ ndu vanin nɔm bollen ni.»

O Kandɔɔ 3:16 Referans Kwoze

Tite 2:5

mà va vanaa bii kɔlta ndalan-nda, a vanaa dendu Mɛlɛka o hɔl-la. Mà va vanaa bii cɛila ndalan-nda, vanaa kɛndɛa a vanaa ke piaandaa ndaa bɛɛlen-nda, yɔŋii vannda dimi sɔɔn vɔɔnndon a sɔɛi Hala-e o kɔɔ.

Kolɔsea 3:18

Vanlaandua, la tuisin a piandaa niaa mɛɛ o bɛnda o Maalii nin yɛ.

1Korɛntea 11:3

Nduyɛ, i yeema mì la sínà maa Krista co vanndacieea kpow bollen ni. Vanapɔnɔɔ co vanalanɔɔ bollen ni, Hala co Krista bollen ni.

1Timote 2:15

Kɛ nduyɛ vanalanɔɔ nɔla mò sɔla cindaa, te o sɔla pɛ cuawva, mò lo o laalanndo a o kaolaa coo, mò va vɛlɛ o diandaa Mɛlɛka o hɔl o tuisinndo nin.

1Korɛntea 14:34

o bɛnda mì vanlaandua mei o cuungiannda lekaanndan, kani a nɔ dí ma soo lon te. O bɛnda mà tuisin tootoo mɛɛ tɔŋ Hala-o bɛɛ dimi yɛ.

1Korɛntea 7:4

Vanalanɔɔ nɔ kpaaya dialun ndɔn ndu pilan coo ndu pilɛ le, pɔnɔ ndɔ bɛɛ. Lende vɛlɛ koni ni, vanapɔnɔɔ nɔ kpaaya dialun ndɔn ndu pilan coo ndu pilɛ le, laa ndɔ bɛɛ.

Nsaŋ 16:21

Telen vialaa tiiya pɛ le vanalanɔɔ, mɔnɛi bii ndu le telen ndɔ tiiya-o, kɛ te o velu pɛ hɔ́ɔ̀, o loonun ndɛ a ɲɛ nɛyaa kei ndu coo-o le. Kani o co va a ɲaaloo le vanaciee yoomaa o velu-o.

O Kandɔɔ 4:7

Taa caa pɛ kelaa, a cuanin bollen, kɛ taa cee kelaa le, hakio co nɔm o dio maa ɲɛ-vueinan, o yeema mò tiw nɔm ba, kɛ nɔm, a bɛnda ma nɔla haki kalaa.»

Yeremi 6:24

«Naa n tueyɔɔ nda diom, mí diallon vu naa. Mí n buulan taw-taw, mí n sanga mɛɛ vanalanɔɔ sanga o violɔɔ yɛ.

Kundalan 30:13

Kɛ te pɔnɔ ndɔ tɛɛmbuu pɛ sɔɛi ken paale o tuɛinin ndi len, ɲɛ-ɲɛ fula cua kon o sondo, o va o leyoo baa nin, o va o iciɛ́ɛ́ cua nin, ndu bɛɛ tambu. Kani pɔnɔ ndɔ faŋa ndu sɔɛi ken kuee. Mɛlɛka malnin ndu cua kon haki le sɔɛi ken kɛɔ peeloo.

1Tesalonikea 5:3

Telen vannda vanin dimio aa: «Kɔlɲuloo tiw, n co nila ɲulo-o», o telen kon kpeekpei dɛnɛ palaa voolunin nda maa mɛɛ telen vialaa voolu vanalanɔɔ nuaa yɛ ni, a helunnin te.

Ɛstɛr 1:20

Te tɔŋ masaa yiinin kon-ndo sinan pɛ o masale ndɔlen nin kpow, vanlaandua kpow co piaandaa ndaa bɛɛlen ke, pɔnɔ kon va vana bɛndu o va vana pɔmbɔ.»

Yeremi 22:23

A connun icali yili o ba nɔmndo coo Liban, má tangul vɛɛnnde nɔmnden o yɔmii sɛɛdrei tullo. Kɛ a ŋɔnganin telen ɲɛ nɛyaa voolunin nɔm-ndo, telen n vanin sangaa maa vanalanɔ co violɔɔ-o.»

Yeremi 13:21

Yɛɛ n dimi yɛnin telen vanaa niaa dɛli-a cannin mà simul nɔm le nɔm kpaayaa sɔlaa coo-o? A sanganin mɛɛ vanalanɔɔ sanga o violɔɔ nuaa yɛ.

Esai 21:3

Lelan, caŋnda co ya nɛiyo mì va ɲiiya nákà-nàkà, ɲɔɔ co ya nɛiyo taw mɛɛ demboo nɛi vanalanɔ o volɔɔ nuaa yɛ. Ɲɛsuan ma kindun ya ten-ten a ɲɛ ya tueyɔɔ-o. I co ɲiiyaa nákà-nàkà a ɲɛ ya cɔu-vo.

Esai 13:8

Siòònde bii nda taw, ɲɛsuan ma kindun nda mì ɲɔɔ va nda nɛiyo mɛɛ demboo nɛi vanalanɔɔ telen vialaa nuaa yɛ. A co tofanndo vellaa-velle a kɔndɔfillo, hɔlaa ndaa diw vaŋ maa leyin.

Yeremi 49:24

Vannda Damas a vi diallon má mulin le kiltan. Siòòŋii bɛnduei bii nda. A luɛi o buulanndo a o dɛnɛ palaa nin, mɛɛ vanalanɔɔ sanga o violɔɔ nuaa yɛ.

Yeremi 4:31

Kani i co caŋndan tueyɔɔ maa caŋnda vanalanɔ co n'vanlaandu o ba, caŋnda imɔnɔlan maa caŋnda vanalanɔ co violɔɔ ivuɛɛn. Vannda Siɔn niaa tuɛi diom lende nuaa ni: a co kuŋndan, a co balan siaandiaa má va dimio aa: «Àá ya, i kɔndu dɛnɛ fɔ́! Mbɔ̀ ya, i nii cuu vanaa diuvaa n'vannda o ba.»

Esai 53:11

Lɔ́ɔ́ o ciinin sangalan ndan kpede sɔla-o, o canin ɲɛ-tengaa mò pim ca. Le sinapɛngu nda sɔlanin a ndu o kɔɔ-o, vana ni baala sandaa siinguunin vannda taw vanaa sadaa, o siilunnin tɛɛmbuula ndalan.

Condii lisai 48:6

Ndáà cɔu dɔ́ɔ́ Mɛlɛka, má dɔawnun kɔndɔfili, mí siòònde bii nda, má piɔl.

1Timote 2:13

Kani Adam fɔlɔn cɔwnun ni, o kon kɔɔli Hava.

1Dɛnnda lemasalan 4:9

Yaebɛs vannda ndáà hiow bɛɛlen ke a puapilɛa ndɔa. Kala ndɔ ke ndu diolan ni aa Yaebɛs, kani mó dimi aa: «O sangaa nin ya velu ni».