O Kandɔɔ 3:15 - BII BILA

¹⁵ I lueinin vɔvanndo niaa tɛɛn niaa vanalanɔɔ, vɔvanndo vanin cuavaa ndɔa a cuavaa nɔmnda tɛɛn. Po vanalanɔɔ pialnin nɔm bollen, mì nɔm lɔva ndu bɛngu tííndííyo.»

O Kandɔɔ 3:15 Referans Kwoze

Rɔmnda 16:20

O lo cobe mì Hala ke vana kɔlɲuloo-o pusu Setana niaa o labɛngunin. Màá kɛndɛi Maalii naa Yeesu-e va niaa coo.

1Nsaŋ 3:8

Vana tosa pɛ hakio, mɛɛ le masa ɲinaa vɔɔnda vana kon co ni, kani o kandɔɔ pɔ́ masa ɲinaa vɔɔnda ndu tosa hakio ni. Po Hala-o ndu fula, haliko mo tɛɛmbuu baala masa ɲinaa vɔɔnda.

Dɛnnda cɔɔmuanndan 12:17

Mí tambálaká kon tuulu kɔl a vanalanɔɔ, mó mululun cuavaa ndɔa imamaa tɔ̀a a cɔwvo, a co tɔŋnda Hala lan biyɔɔ, mà va kelaa o seile Yeesu len coo-a pɛɛn.

Esai 7:14

Lelan, Maalii pila co niaa tɔɔmaseloo yɔngu: la tuei-yɔ, cuaambɔ laandoo cuanin folio, mò velu hɔ́ɔ́ piaandoo, ma ke ndu diolan aa Emmanuɛl.

Kalatea 4:4

Kɛ telenndo tiiyaa, mí Hala viam Po ndɔɔ, o vanalanɔɔ velu-o, o velun o tɔŋndo bɛngu-o,

Nsaŋ 8:44

Masa ɲinaa vɔɔnda co fuɲa nia ni, nduyɛ hɛnan fuɲa niaa-o niaa yeema tosaa ni. Kabi o tasendɔ, vana diuvaa n'vanndo o yɔŋnun ni, o sim lɔ́ɔ́-lɔ́ɔ̀ o toɲaa coo le, kani toɲa co ndu nin te. O va pɛ keiyo còòlan dimio, ken vil vana celen te, kani vana lacòòvaa a fuɲaa còòlan o co ni.

Matie 1:23

«Cuaambɔ lembu sina vɔ dɛnɛ vanapɔnɔ loo cuanin folio, mò velu hɔ́ɔ́ piaandoo, mà ke ndu diolan aa Emmanuɛl», kɔlɔ ndɔɔ co ni aa: «Hala co naa ikɛi».

Matie 13:38

Ciɛi, ndi co ceendo ni. Malun kɛndɔn, mun co vanaa co masale halataala len cɛlɔɔ-a ni. Bil vɔɔndo yɛ, ndu co buɛyaa Vana vɔɔndo ni.

1Nsaŋ 3:10

Mɛɛ vana sínà cuavaa Hala-a a cuavaa masa ɲinaa vɔɔnda yɛ co hoo ni: vana-vana tosa dɛnɛ sandaa le, vana-vana kaola vɛlɛ puapilɛ ndɔɔ le, mɛɛ ndu co o Hala le.

Luke 10:19

La tofa vɔ, i cii niaa kpaayaa ke le keiyo kɛwva a ngeemaa coo, mì la tɛɛmbuu kpaaya ɲina vɔɔndo, ɲɛ-ɲɛ yɔŋnunnin niaa le.

Condii lisai 132:11

Mí Mɛlɛka mɛnalan David, mó yiilu ndu kpema ndu Mɛlɛka ndóò tɛɛmbuunin too aa: ‹I kɛsinin vana pilɛ fulaa o polale nɔmnden nin o kpɛŋɛ lemasaa coo o fonda nɔmndo.

Dɛnnda cɔɔmuanndan 20:10

Má viaw masa ɲinaa vɔɔnda, ó va kon vannda lueiyo o pɔwlan nin-ndo o dala leyinndo nin, nɛɛ fungoo va ŋɔu-va, nɛɛ visio a vana-tɛɛngaa-diom hala lacòòvaa va-a. Lon nda vanin yɛɛvɔɔ dɔwnɔnndo paalen a ɲumndan le fɛɛn a fɛɛn ni.

Kolɔsea 2:15

Mó yunga kpaayalan a masɛi, mó soli nda vannda o hɔl kpendekele le nɔla o nɔla nda o yɔm singafilaa coo-o cɔmndo.

Dɛnnda kiilaa 13:10

mó dimi aa: «Nɔm vana pɛ ho a kɔlkalu vɔɔndo, mà pia vɛlɛ a vannda huiyo-o sei, nɔm po ɲina vɔɔndo, nɔm vana yeema ho dɛnɛ sandaa kɛ́-kɛ̀ loo. Lɔ́ɔ́ kuɛɛ n pɛngi yɛnin nɛila sandaala Mɛlɛka lan tunduuo?

Dɛnnda cɔɔmuanndan 2:10

Siòòŋii bii nɔm le sanga n hun sɔlanin-ndo le. Masa ɲinaa vɔɔnda malnin vanaa pum niaa tɛɛn o kaasoo le niaa kɔlɔɔ solio, mì la sɔla sangaa le palɛi tɔ́. Lo o nɛiyo coo háá ma vi, i yɔngunin nɔm mɔsil yoomaa.

Esai 53:12

Lelan ya yɔngunin ndu kunda ndɔɔ nda sɛ́lɛ́ bɛndoo latulu ni, a piɔvannin ɲɛm nda poondiaa o cɔwvo-on nda vanaa kpaayaa latulu, kani ndu pila yɔngun le piɔ́mndo sɔlaa ni, mó cɔmnun vanaa tɛɛmbua tɔŋnda coo, nduyɛ mó siilun haki vannda taw-taw, mó soaa le vanaa tɛɛmbuu tɔŋndan-nda.

Misee 5:3

O cannin mò siŋnun simlacinɔ nda a kpaaya Mɛlɛka-o a á biilu diola Mɛlɛka Hala ndɔɔ. Vanaa ndɔa vanin icali nila ɲulu, kani kandɔɔ nihau, o co va biiloo sɔlaa háá o lɛŋnden mɛɛlulan.

Yeremi 31:22

Háá telen kuɛɛ n lo yɛnin balɔɔ nɛɛ-nɛɛ ka, nɔm cuaambɔ laandu lanila kaloo ho? Kani Mɛlɛka soli dɛnɛ sɛnɛiyo o lɛŋnden coo, vanalanɔɔ co nin kela vanapɔnɔɔ ni.

1Nsaŋ 5:5

Ɔ́ɔ̀ vana nɔla ceendo-o, te o faŋan pɛ o vana laalan maa Yeesu co Po Hala-o ni-o kɔɔli?

Hebreea 2:18

A toɲa, Yeesu pila sanga taw, mó sɔla dɛɛniaa. Lelan o tiwba mo mala vanaa co o dɛɛniaa nin-nda.

Efɛsea 4:8

Lelan o dimin ni aa: «Telen o va helɔɔ coocoo pɔ́-o, mó hel a vannda taw, a o bii o cɔwvo-a, mó ke vanndacieea ɲɔɔn.»

Dɛnnda cɔɔmuanndan 13:7

Mó sɔla kpaayaa le vanaa diandaa cɔlɔbaa, mó nɔla nda. Mó nɔla polama vannda kpow, vannda súúlan kpow, vanaa soaa sɔɔn yɛ́-yɛ́ɔn-nda kpow a vanaa fula o lelɛŋ oo lelɛŋ nin-nda.

Hebreea 5:7

Telen Krista va o ceendo coo-o, o va caŋndo kpélén a mɛmɛan tuisio Hala ndóò nɔla ndu baŋaa piɔ́mndo o ba-o o lani, mí Hala tuɛi ndu diom le tùú o lo o lediom coo-o.

Luke 22:53

Lepalaa-lepala, i va icali o Cɛi-Hala-o nin niaa tɛɛn, la bii ya le. Kɛ telen niaa a telen maɲumndo tiiya hoo ni.»

Matie 23:33

Niaa kɛwva ha, niaa hɔ̀ɔ̀lɔ́a! Vɛ̀ɛ̀ niaa ɲaanun yɛnin yamɛi co niaa hunɔɔ kilulɔn le kɔlan o ɲánndávàà-e?

Matie 12:34

Niaa cuavaa hɔ̀ɔ̀lɔ́a ha, vɛ̀ɛ̀ niaa tiw yɛnin ba sɔɔn kɛndɔn dimio, te niaa pila co pɛ a vɔɔn-vɔɔn? Kani ɲɛ pia o kɔllo nin-ndo, ndu sondoo dimi ni.

Matie 3:7

Nsaŋ ndóò cɔu maa Faliisia a Sadusea co hunɔɔ taw le yinɔɔ sɔlaa, mó dimul nda aa: «Niaa cuavaa hɔ̀ɔ̀lɔ́a ha! Nɛ̀ɛ́-nɛ̀ dimul-lɛ niaa le kɔltuw Hala co nin hoo kpɛɛlun-ndo ɲaanɔnndo?

Rɔmnda 3:13

Bolola ndalan la co maa sɛi buliɛi, a co yalalen a diɛɛmui ndɛi, maa lólò kɛw sɔɛi fula nda o n'cɔcɔ-e co ni.

Luke 1:76

Nɔm poombɔɔ ho, a veelunin nɔm aa vana-tɛɛngaa-diom Hala Hiow-Ɲɔɔn kpow-vo, kani Mɛlɛka nɔnin nɔm hɔlten coo, mà hiow laci, mà toosiaa nɛila ndɔlan

Marke 16:18

a cuanin kɛwva a laba. A kol bɛɛ ɲɛ dii vana-o, ɲɛ-ɲɛ yɔŋnunnin nda le, a handunin vanaa lanàá balan coo, mà piɛi Hala le nda, mà sengu.»

Matie 1:25

Kɛ háá mí laa ndɔ vialu po kon, o sina ndu vanalanɔ le. Mó ke hɔ́ɔ́ kalaa diolan aa Yeesu.

O Kandɔɔ 49:17

Màá Dan va maa kɛw o nɛi, mɛɛ hɔ̀ɔ̀lɔ́ɔ̀ va o pemalen coo nuaa yɛ. Mò lɔva sow pelei, mì vana ɲaanan sow fula mò del macali!

Daniɛl 9:26

O lɔ́ɔ́la belaŋɔmpum a latiɔn ndan kɔɔli, vana nda pɔla pɔla diandaa-o kialunnin. Vana-vana venin le ndu le, yungu simlacinɔ co hunɔɔ-o tɛɛmbuunin kobio a cɛi-diandaa. Kɛ piɔ́mndo hinulnin simlacinɔ kon súlùlù maa o kpundɛ kɔltuw Hala-o nin. O kelun maa háá o mɛɛlulan ndɔlan, o tosanin cɔwvo, mò tɛɛmbuu ɲɔɔn taw.

Amɔs 9:3

Taa kɔ vionnun pɛ o pembei Karmɛl tullo, i nuwviaanin nda lon mì biw nda. Taa luusian pɛ ya o hɔl mà vennun o mɛmma ihɛllan nin, i viamnin kɛwvo lon mò kɔ lɔwviaa nda.

Luke 24:27

O kon kɔɔli, mó tɛɛsial nda ɲɛ sɛvan kandɔɔ o sɛbɛla Moise lan nin-ndo, kɔlan a o sɛvan o sɛbɛla vanaa-tɛɛngaa-diom Hala-a nin a ndu o kɔɔ lan kpow.