O Kandɔɔ 3:13 - BII BILA

¹³ Mí Mɛlɛka Hala ɲuna vanalanɔɔ aa: «Dɛnɛ yɛɛ n tosa yɛ hoo?» Mí cuaa muli aa: «Kɛwvo pálá ya nuaa ni mí dia kɔmnde yɔm kon.»

O Kandɔɔ 3:13 Referans Kwoze

2Korɛntea 11:3

Nduyɛ, siòònde co ya yɔŋii yiyannda niaalan la luei niaa o pɔwlan nin, mì la faŋa niaa Krista o ibuŋ maa mɛɛ kɛwvo luei Hawa o pɔwlan nin a kɔlkalu vɔɔndo yɛ.

1Timote 2:14

O co vɛlɛ Adam te nda hiŋ hɔlla le, vanalanɔɔ nda hiŋ hɔlla ni, mó tɛɛmbuu tɔŋ Hala-o.

Nsaŋ 18:35

Mí Pilate mulul ndu aa: «Mò va maa Yuifinɔɔ ya co ni? Vanaa nɔmnda a bolii vanaa-solia-lasálàá hin a nɔm o ya lo ni. Yɛɛ n tosa yɛ?»

2Samiɛl 3:24

O kon mí Yoab komal masaa, mó ɲuna ndu aa: «Le kɔlɔ yɛɛ Abnɛr hin yɛ o nɔm ndo má mal ndu kɔnndan fɛɛ?

O Kandɔɔ 44:15

Mí Yosɛf ɲuna nda aa: «Dɛnɛ yɛɛ niaa tosa yɛ ho? La co pá sinaa maa te vanndo va pɛ mɛɛ ya co nuaa yɛ, o bɛnda le sɔɔn viannanndon sinaa?»

1Samiɛl 13:11

Mí Samiɛl ɲuna ndu aa: «Yɛɛ nɛ n va yɛ hoo tosaa?» Mó muli aa: «Lɔ́ɔ́ ya ce vanaa cɔwva faaŋianndo ya kɔɔli má va kɔnndan-ndo, mí ca maa nɔm bɛɛ a hin o lɔ́ɔ́ n mɛi-yo coo le, nduyɛ Filistia va nin a cuungiannda Mikmas,

Rɔmnda 7:11

Kani o tɔŋndo nin hakio sɔla kpaayaa ni, mó hui ya a tɔŋ kon, o kon mó dii ya a ndu.

1Samiɛl 15:15

Mí Saul muli aa: «Cɔlua kɛndɛ-kɛndɛa kínɛí vanaa cɔwva hɛli le hunɔɔ Mɛlɛka Hala nɔmndo sálàá solullo ni. Kɛ a tɔ̀a kpede má diw nda few.»

O Kandɔɔ 12:18

O kon mí Faraɔnnɔɔ viam kilaa, ma kɔ veelu Abram. Mó ɲuna ndu aa: «Dɛnɛ kɔlvesɛi yɛɛ n tosal-lɛ ya hoo? Le yɛɛ n kɛɛ yɛ ya dimul maa laa nɔm cuaa ho co ni?

Tɔŋ lasálàá 12:5

Te hɔ́ɔ́ laandoo o velu ni, komsa kalaa lonin o nɔɔlɛiyo Mɛlɛka o hɔl háá palɛi tɔ́ a ihiɔɔlu maa telen o ca paangii ndɔɛi-yo. O kon, o lo vɛlɛ dindinndo o palɛi belaŋɔmpum a iŋɔmpum bɛngu le kooma fula ndu lekɔɔ o violɔɔ-an.

1Masaa 13:18

Kɛ mí vana-tɛɛngaa-diom Hala yuuvɛi kon lamban sɔɛi he lafi-lafi, mó dimul ndu aa: «Ya bɛɛ vana-tɛɛngaa-diom Hala-o ya co maa nɔm ni, Mɛlɛka pila vim ya mɛlɛkanɔɔ le ya hunɔɔ dimullo ni maa naa n muungu naa ŋiɔn o ya lo cɛinin, mà kɔ dio ɲɛdiaa, mà kol.» Nduyɛ còòlan fúú o va ndu dimul kon ni.

Yonas 1:10

Mó cɔm nda maa ɲaanɔnndo o co le Mɛlɛka vionnɔnndo ni. Mí siòònde cɔɔlu vɛlɛ vanaa kan biyɔɔ taw, má ɲuna ndu aa: «Le yɛɛ nɛ n tosa yɛ dɛnɛ vaa nuaa?»