O Kandɔɔ 3:10 - BII BILA

¹⁰ Mí vanapɔnɔɔ mulul ndu aa: «Tueyɔɔ ya tuei diom nɔmndo o nakɔɔ nin ni, mí siòònde bii ya, mí viannun, kani tum fondo ya co ni.»

O Kandɔɔ 3:10 Referans Kwoze

O Kandɔɔ 2:25

Vanapɔnɔɔ nda laa ndɔ á va tumnda fondo nda ŋiɔn kpow, kɛ vana-vana ve lasiɛmbu yɔŋ a o pilɔɔ le.

Esai 57:11

Nɛ̀ɛ́-nɛ̀ va yɛ niaa vueinɔnndo? A Nɛ̀ɛ́ niaa va yɛ siòònde yɔŋndo, mí la va còòlan dimio, la ve vɛlɛ loonɔn a ya o kɔɔ le. La ve yiyan o dɛnɛ nuu coo le? Vɛ̀ɛ̀ le mɛɛ ya co o meiyo nin kabi lɔ́ɔ́ levil lɛ niaa kɛɛ le siòòŋii nii nɔu ni?

Esai 47:3

La fulanin tumnda fondo kpendekele, mì la tambu labɛɛ kpede. I minginin màá nuu, i kpakpalanin vana-vana le.

Condii lisai 119:120

Diallon co ya ɲiiyaa a siòòŋii n co ya lueiyo-e. Siòònde co ya a tɔŋnda nɔmndan.

1Nsaŋ 3:20

Mɛ̀ɛ́-mɛ̀ɛ́ kɔlta naalan la yaala naa, n sínà maa Hala hiow vaa o bɔɔ a kɔlta naalan, nduyɛ o sínà dɛnndan kpow.

SƐBƐ YƆB-O 23:15

Lelan siòònde bii ya taw ndu o hɔl ni, te i yiyan pɛ, i buulan taw a ndu.

Fulaa 3:6

Mó dimul ndu vɛlɛ aa: «Ya co Hala fuɲaa nɔmaa mamaa ni: Hala Abraham-ndo, Hala Isaak-o a Hala Yakɔb-o.» Mí Moise kumbu hɔlla, kani mí siòònde bii ndu le tofaa nɛɛ Hala va sɔɛi-ya.

Esai 33:14

Siòònde bii vanaa lahakia o kobio Siɔn nin, vanaa vo Hala le-a ɲiiya nákà-nàkà. A co dimio aa: «O naa tɛɛn, nɛ̀ɛ́ cal-lɛnin o yinnde sal-te co len kuuliaa len ikɛi? Nɛ̀ɛ́ lo yɛnin o yelenyelen fɛɛn-fɛɛndo ho ikɛi?

Dɛnnda cɔɔmuanndan 16:15

… Tofa vɔ, i co hunɔɔ maa vui. Dɛnɛ kɛndɔɔ co le vana co kɔl, mò manda volɔɔla ndɔla cuɛinanndan, haliko o kela fondo mi siɛmbulan la bii ndu a vannda loo.

Fulaa 32:25

Mí Moise sina maa vannda co a malnannda, má va yeemɛi nda pila-e tosaa, kani Aarɔn léndu nda hɔlla coo le, o mal nda má cuu labɛɛ yaamɔaa ndaa o hɔl.

O Kandɔɔ 3:7

O kon, mí hɔlta ndalan la kumbin nda ŋiɔn kpow, má cannan maa tumnda fondo nda va ni. Le hee, má sɔandu pei voosoei, má yiwnun ndi o caŋ maa lakola.

O Kandɔɔ 3:11

Mí Mɛlɛka Hala ɲuna ndu aa: «Nɛ̀ɛ́ cɔm yɛ nɔm maa tum fondo n co ni? Mò va maa kɔmnde yɔm ya kuuna nɔm le dioo len n de ni?»

Fulaa 20:18

Vannda kpow a va diom mataŋndo a diom bulu bɛndoo tueyɔɔ, a va piɔɔ cɔu volio iŋuanndi-ŋuanndiei a kumii bɛndu-bɛndui kumbu pembii ken mɔku-mɔku-e. Mɛɛ nda ce lende, má ɲiiya a siòònde, má sim kɔɔli-kɔɔli.

Fulaa 20:19

O kon má dimul Moise aa: «Nɔm pila soo nin o naa lo, mì n bii sɔɛi nɔmnde. Kɛ Hala soaa lɛ o naa lo sakpo le, yɔŋii naa n sɔla piɔ́mndo.»

Tɔŋ miingua 5:25

Sisa yɛ niko, le yɛɛ naa n co yɛ naa pila dɛnɛ kondɔn mi n sɔla piɔ́mndo? Yinnde bɛndulen nden le nɔla mì le diw naa kpow. Te n lo pɛ diom Mɛlɛka Hala naa tueyɔɔ nuaa, n co vu.

SƐBƐ YƆB-O 31:33

Vɛ̀ɛ̀ i ven pá tɛɛmbuula nilan maa vanndacieea pum? Vɛ̀ɛ̀ i mandan pá yɔŋ ni vɔɔndo o kɔl,