O Kandɔɔ 29:4 - BII BILA

⁴ Mí Yakɔb ɲuna vanaa mandaa n'cɔlua o komal lon-nda aa: «Caaŋaa niaa, kuɛɛ niaa fula yɛ?» Mí vanaa mandaa n'cɔlua mulul ndu aa: «Haran naa n fula ni.»

O Kandɔɔ 29:4 Referans Kwoze

O Kandɔɔ 28:10

Mí Yakɔb faŋan Bɛɛr-Seba, mó kɔa Haran.

O Kandɔɔ 27:43

Lelan, yaŋ ya nilan mà tosa mɛɛ ya co nɔm dimul-lɛ. Faŋan nanu few-few, mà kɔɛnnun Haran o Laban bom nɔm ndo.

Dɛnnda kiilaa 7:4

O kon mí Abraham faŋan Babilɔn, mó kɔ cal Haran. Fuɲa ndɔ vuo, mí Hala faŋa ndu lon, mó cuu ndu o lɛŋnde niaa co leen-nden nin.

Dɛnnda kiilaa 7:2

Mí Etiɛn muli aa: «Puapilɛa nia, fuɲaa nia, la yaŋ ya nilan! Tuma fuɲa naa mamaa Abraham va vɔ caltan Mesopotami, ndóò kue vɔ calle Haran too, mí Hala nɔ biiloo-o cɔmnun ndu,

O Kandɔɔ 24:10

Mó cua ɲɔɔmɛaa Abraham-nda tɔ́ a ɲɛm kɛndɛ-kɛndɔn taw. Mó can, mó bii nɛiyo le kɔlan o ciee Nahɔr-o nin o lɛŋnde Mesopotamii len nin.

O Kandɔɔ 11:31

Mí Tera cua Abram po ndɔ, a Lɔt po ndɔ mama, po Haran-ndo pɛɛn, mó cua vɛlɛ Sarai lanɔɔ Abram po ndɔ, mó faŋan Ur o lɛŋnde Babilonii len nin, mó kɔa a nda o lɛŋnde Kanaan-nden nin. Mɛɛ nda tiiya Haran ciee, má cal lon.

O Kandɔɔ 29:3

Te ndáà cuungiaa pɛ cɔlua le nda koesio, ndáà faŋa pow yɛ́ndɛ́ bɛndu kon o soondo sondoo. Te ndáà cii nda pɛ koesi, ndáà mingi powvo pimbulu o sondoo.