O Kandɔɔ 29:1 - BII BILA

¹ Mí Yakɔb faŋan nɛɛ o lɔ́l-la, mó bii nɛiyo le kɔlan o lɛŋii co a ba paalen le can-nde-e nin.

O Kandɔɔ 29:1 Referans Kwoze

Masaa kialaa n'yamaa 6:3

Te Israɛlla ndáà saŋ pɛ maalon o ciɛɔn ndan nin, Madiannda, Amalɛkea a vanaa fulaa a ba paalen le can-ndo-a ndáà hun del nda coo a cɔwvo.

Masaa kialaa n'yamaa 6:33

O kon, mí Madiannda, Amalɛkea a vanaa fula o lɛŋii co a ba paalen le can-ndo-e nin-nda kpow a cuungian, má taŋ Yurdɛn, má kɔ kila dɔ́ɔ́ngɔ́ɔ̀ o dɛngbɔɔ Yisreɛl nin.

Osee 12:12

Vanaa co Kalaad-a tosa dɛnnda lahakilan má siŋnun vanaa fondoa. A co sálàlan solio Kilkal a navaa tovaa, kɛ fondala-loamaa-lasálàla ndalan la siŋnunnin powta kundalan o ciɛɔn nin.

Vana Kɔlkaloo 9:7

Lelan, dɔwnun balo mà dɔwnun ɲaale, mà kol mɔima nɔmndan a kɔlkɛndɔɔ. Kani Hala cii nin dɛnnda nɔmndan cɛlɔɔ.

Condii lisai 119:60

I co keleŋaa, i yangaanin le silala nɔmndan biyɔɔ le.

Condii lisai 119:32

I co kelaa o nɛila tɔŋ nɔmndo coo, kani a ke kɔl nuu pɛngio.

Kundalan 23:7

O kon, mí ndu Balaam soaa o ɲamakalalen nin aa: «I va Aram mí Balak veelu ya nanu. I va o tàndá n'pemboo nin nɛɛ paalen le can-nda, mí masaa Moab cuu ya nanu. Mó dimul-la aa: ‹Hun dow ya polale Yakɔb len danga, hun ma hun vueinun Israɛlla le ya.›

Masaa kialaa n'yamaa 8:10

Seba nda Salmunna vannun Karkɔr, vanaa ndaa cɔwva va nda ikɛi lon le vaalan tɔ́ a laŋuɛɛnu. Nda kínɛí ndáà lo o vanaa cɔvaa kelaa fula a ba paalen le can-ndo-a tɛɛn n. Kani vanaa cɔwva vaalan kɛmɛ a bidiin ndáà vi o cɔwvo ni.

Masaa kialaa n'yamaa 7:12

Madiannda, Amalɛkea a vanaa kelaa fula a ba paalen le can-ndo-a va a tivaa sɔ́ o dɛɛlaa nin, vanáà ce nda pɛ aa sóónɔa kunda bɛndua ni. Ɲɔɔmɛɛa ndaa ndáà cuu cɔm te, nda va sɛ́lɛ́ maa sióónndon o mɛmma ihɛllan kɔngɔ.

O Kandɔɔ 25:20

Isaak ndóò nɔ vɔsilan belehiɔɔlu, mó yil Rebeka o nɔ̀u. Cua Betuɛl Aramiinɔ fula Padan-Aram-ndo a yemaa Laban Aramiinɔ Rebeka kon va ni.

O Kandɔɔ 24:10

Mó cua ɲɔɔmɛaa Abraham-nda tɔ́ a ɲɛm kɛndɛ-kɛndɔn taw. Mó can, mó bii nɛiyo le kɔlan o ciee Nahɔr-o nin o lɛŋnde Mesopotamii len nin.

O Kandɔɔ 25:6

Mó yɔngu vɛlɛ poaa ndɔa o velu a laandua celennda-a ɲɛm ndɔn n'pum. Kɛ telen o va yoomu-o, mó faŋa nda Isaak po ndɔ ikɛi few-few. Mó yaa nda o lɛŋnde celen nin a ba paalen le can-ndo.

O Kandɔɔ 35:1

Mí Hala dimul Yakɔb aa: «Faŋan nanu. Kɔnnun Betɛl mà kɔ cal lon, mà cow ya fonda-loamaa-lasálàá, ya Hala cɔmnun nɔm telen n va Esau bɛ nɔm ɲaanɔnndo-o pɛɛn.»

O Kandɔɔ 35:7

Mó cɔaw fonda-loamaa-lasálàá lon, mó ke fonda kon diolan aa Ɛl-Betɛl (kon co dimio ni aa «Hala Betɛl-lo»). Kani o fonda kon Hala cɔmnun ndu telen o va Esau bɛ ndɔ ɲaanɔnndo-o ni.