O Kandɔɔ 28:5 - BII BILA

⁵ Nuaa Isaak vem Yakɔb po ndɔ Padan-Aram ni. O kon, mí Yakɔb can, mó kɔa o Laban bom ndɔ lo, po Betuɛl Aramiinɔ-o pɛɛn. Laban kon yɔŋnun yemaa Rebeka ni, kalaa Yakɔb nda Esau pɛɛn.

O Kandɔɔ 28:5 Referans Kwoze

O Kandɔɔ 25:20

Isaak ndóò nɔ vɔsilan belehiɔɔlu, mó yil Rebeka o nɔ̀u. Cua Betuɛl Aramiinɔ fula Padan-Aram-ndo a yemaa Laban Aramiinɔ Rebeka kon va ni.

O Kandɔɔ 27:43

Lelan, yaŋ ya nilan mà tosa mɛɛ ya co nɔm dimul-lɛ. Faŋan nanu few-few, mà kɔɛnnun Haran o Laban bom nɔm ndo.

O Kandɔɔ 29:12

Mó dimul Rasɛl maa toongoo Laban fuɲa ndɔ o co ni, maa ndu co po Rebeka yemaa Laban-ndo ni. Mí Rasɛl ɲaanun cɔ́-cɔ́, mó kɔ dimul fuɲa ndɔ.

Osee 12:12

Vanaa co Kalaad-a tosa dɛnnda lahakilan má siŋnun vanaa fondoa. A co sálàlan solio Kilkal a navaa tovaa, kɛ fondala-loamaa-lasálàla ndalan la siŋnunnin powta kundalan o ciɛɔn nin.

O Kandɔɔ 22:23

Betuɛl kon yɔŋnun fuɲaa Rebeka ni. Poaa ŋɔmaa Milka vilul Nahɔr, pɔmbɔɔ Abraham-nda yɔŋnun kan ni.

O Kandɔɔ 24:54

Mɛɛ nda cii, má dia niko ɲɛdiaa, má kol nda vanaa liila ndu o sɔɛi ken-nda. Ndáà ciiyo ɲɛdiaa dioo, má luɛi cɛinin, má kɔ lɔl lon. Idiiyo púŋ, mí buɛi Abraham kon congun aa: «La mal-la n'pelu mì tofan kɔɔli, mì muungu vana ni bɛndoo o ibuŋ.»

O Kandɔɔ 28:2

Bɛɛndian mà kɔɛ Padan-Aram o Betuɛl fuɲa nɔm mama lo, fuɲaa kala nɔm pɛɛn, ma kɔ yil cua Laban bom nɔm-ndo o pilɛ o nɔ̀u.

O Kandɔɔ 29:1

Mí Yakɔb faŋan nɛɛ o lɔ́l-la, mó bii nɛiyo le kɔlan o lɛŋii co a ba paalen le can-nde-e nin.

O Kandɔɔ 31:24

Kɛ icɔllo, mí Hala hun soaa o Laban Aramiinɔ lo o lɔma sɔlaan nin, mó dimul ndu aa: «Caa dɛ! Dimul Yakɔb ɲɛ-ɲɛ le, o va sɔɛi kɛndɛ o va sɔɛi vɔɔn.»

O Kandɔɔ 35:27

Mí Yakɔb muungu Isaak fuɲa ndɔ ikɛi Mamre, Kiriat-Arba ciee, ciee kon nɔ hau diolan ni aa Hebrɔn, lon Abraham nda Isaak kei calle ni.

Tɔŋ miingua 26:5

O kon kɔɔli, vana kon cua niko sɔɛi, o dimi Mɛlɛka Hala ndɔɔ o hɔl aa: ‹Aramiinɔ va kelaa-o fuɲa ni mamaa va ni, mí ndóò tuusu sindɛ Esipte a vanndacieea kɔɔli ɲɛ-pɔmbɔ, mó kɔ cal o sumialle lon a nda. Mí vanaa kan kɔ kui lon taw, má sɔla kpaayaa.

Esekiɛl 27:16

Vannda Aram va vɔngulan tosaa nɔm o ba le ɲɛm sɔvɛn nɔm óò toosiaa mí n va nɔm o ba taw-taw-von, a va hunɔɔ le yulalen o nɔm ndo: a powta emerɔd, kolala siaŋala vólotótolan, kolala sɔɔlaalan, kolala keeselan, koon a powta sɔvɛla báà kalalan.