O Kandɔɔ 28:1 - BII BILA

¹ O kon, mí Isaak veelu Yakɔb, mó dɔaw ndu duaa, mó dimul ndu aa: «Yìl vanalanɔ Kanannɔɔ o nɔ̀u le.

O Kandɔɔ 28:1 Referans Kwoze

O Kandɔɔ 24:3

ma mɛnan a Mɛlɛka, Hala co Masaa o halataala a o lɛŋnden coo-o, maa a yilnin po nuu lanɔɔ o cuavaa Kanaŋaa ya co haa icali tɛɛn-nda nin te.

O Kandɔɔ 27:46

Mí Rebeka kɔ dimul Isaak pɔnɔ ndɔ aa: «I co a mɔnɛi a dɛnɛ cuavaa Hitiia ha. Te Yakɔb bɛɛ yil pɛ lanɔɔ o lɛŋnden nden nin, mɛɛ piɔ́m nuu bendu lɛ le.»

O Kandɔɔ 24:37

Mó mulin, mó dimul-la aa ya mɛnan maa i yilnin lanɔɔ le po ndɔ kon o cuavaa Kanannda tɛɛn te.

O Kandɔɔ 6:2

mí poaa Hala-a ca maa cuavaa laandua vanndacieea va violɔɔ-a naŋ taw, má hɛli a pum, má cua nda o nɔ̀lan.

Yosue 22:7

Mí Moise yɔngu yungula fula o polale tálále Manase len nin-ndan lɛŋnden Basan, mó yɔngu polale tálále diinndɔle Manase len lɛŋnden puapilɛa ndaa ikɛi, Yurdɛn leeloo a ba paalen le can-ndo. O kon mó dɔaw nda duaa, mó dimi aa: «La muungu o cɛila-kolala-toandaala niaalan nin a bolofaa bɛndu niaa sɔla-o: cɔlua, volion, sianion, daɲan, cilinndon a volɔɔla cuɛinanndan. La piɔvan ɲɛm niaa poondiaa yaamɔaa niaa o ba-on niaa puapilɛa niaa.»

Tɔŋ miingua 33:1

Duaa Moise vana baala Hala-o dɔw Israɛlla telen pá mó vu-o yɔŋnun hoo ni:

O Kandɔɔ 49:28

Haa kpow yɔŋnun vanaa lebolla o polama tɔ́ a mamiɔmma Israɛlla coo ni. Nuaa fuɲa nda soo o nda lo mó dɔaw nda duaa ni. Mí poaa ndɔa kpede, vana-vana sɔla duaa o ndɔɔ.

O Kandɔɔ 48:15

Mó dɔaw Yosɛf duaa aa: «Hala Abraham fuɲa ni mama a Isaak fuɲa ni a tosal vallo-o, Hala landu ya hɔlla coo kabi ya co yoomu háá hau-vo,

O Kandɔɔ 34:16

O kon, n va cuavaa naa kɛsio o nɔ̀lan niaa o ba, naa bɛɛ n va laandua yilɔɔ o cuavaa niaa tɛɛn. Kon tosan pɛ, n cal o lɛŋnde niaalen nin, n siŋnun vanaa pilla.

O Kandɔɔ 34:9

O kon, mì nɔ̀ kon siŋnun kpemaa naa tɛɛn naa niaa. Mì la va cuavaa niaa kɛsio naa o ba o nɔ̀lan, mì niaa bɛɛ va cuavaa naa cuaa.

O Kandɔɔ 27:4

A hin pɛ a visin mun, a toosial-la mun mɛɛ ya yeema mun yɛ, a ke ya i de. I cii pɛ mun dio, i dɔw nɔm duaa telen pá ya vu.»

O Kandɔɔ 24:4

Kɛ maa a kɔanin o lɛŋnde nilen nin, ma kɔ cuel Isaak po ni lanɔɔ lon o vanayan nun nin.»

O Kandɔɔ 28:6

Mí Esau ca maa Isaak dɔw Yakɔb duaa mó viam ndu Padan-Aram le kɔlan lanɔɔ yilɔɔ. Mó sina vɛlɛ maa telen fuɲa nda va Yakɔb congɔnndo-o, mó kuuna ndu aa o yil vanalanɔ Kanannɔɔ o nɔu le.

O Kandɔɔ 38:2

Mó saalun cuaambɔle laandule pilɛ lon, fuɲa ndɔ diolan Sua, Kanannɔɔ o va ni. Mó yil ndu o nɔ̀u nin, mó sina ndu vanalanɔ.

Yeremi 29:6

La yil laandua mì la velu cuavaa laandua a à piaandua. La cuel poaa niaa laandua mì la kɛsi cuavaa niaa laandua o nɔlan, haliko ma velu cuawva: a piaandua a à laandua. La kui lon taw-taw, la dɔɔnan te.