O Kandɔɔ 27:43 - BII BILA

⁴³ Lelan, yaŋ ya nilan mà tosa mɛɛ ya co nɔm dimul-lɛ. Faŋan nanu few-few, mà kɔɛnnun Haran o Laban bom nɔm ndo.

O Kandɔɔ 27:43 Referans Kwoze

O Kandɔɔ 27:8

Lelan, nɔm Yakɔb, yaŋ nilan mà tuei, mà tosa ɲɛ ya co nɔm dimul-lo.

O Kandɔɔ 11:31

Mí Tera cua Abram po ndɔ, a Lɔt po ndɔ mama, po Haran-ndo pɛɛn, mó cua vɛlɛ Sarai lanɔɔ Abram po ndɔ, mó faŋan Ur o lɛŋnde Babilonii len nin, mó kɔa a nda o lɛŋnde Kanaan-nden nin. Mɛɛ nda tiiya Haran ciee, má cal lon.

O Kandɔɔ 27:13

Mí kala ndɔ dimul ndu aa: «Te sɔɛi danga ni, mɛɛ danga kon va ya pila coo. Nɔm tosa vɔ i ya dimul nɔm-nde tuŋ. Kɔ mà kɔ cuu ya cɔlua ya dimul nɔm-nda.»

Dɛnnda kiilaa 5:29

Mí Piɛr nda kiilaa tɔ̀a a muli aa: «Diom Hala-o biyɔɔ co fisa a diom vanndacieea biyɔɔ.

Yeremi 35:14

Mí Yonadab po Rekab-o ndóò kuuna cuavaa ndɔa mɔiyan kolɔɔ. Má bii sɔɛi ken ɲɛkɛndɛi, háá hau a cɛl le mɔiyan kolɔɔ le, kani ndáà yeema le kelaa o diom fuɲa nda mamaa coo. Nduyɛ ya Mɛlɛka, o co lɛhau le ya co sɔɛi o niaa lo le, kɛ la yeŋnun te.

Talelan 30:17

Te vanndo mam pɛ fuɲa ndɔ, mò kɛɛ le diom kala ndɔ-o biyɔɔ, basabasakoendea pee pɔmbɔa buuluunin ndu, mì kovɛa cuawva de ndu.

O Kandɔɔ 28:7

Mí Yakɔb bii sɔɛi fuɲa ndɔ nda kala ndɔ-e, mó kɔa Padan-Aram.

O Kandɔɔ 24:29

Rebeka ndóò nɔ yema piaandoo pum diolan Laban. Mí Laban kon fula a kiltan, mó kɔa nɛɛ buɛi Abraham kon va o soon kólaa sondoo-a.

O Kandɔɔ 28:10

Mí Yakɔb faŋan Bɛɛr-Seba, mó kɔa Haran.

O Kandɔɔ 27:42

Mí vanndo dimul Rebeka maa Esau po ndɔ tase co kɔngɔlanndo le pɔmbɔ ndɔ diyɔɔ. Le hee, mí Rebeka veelu Yakɔb, po ndɔ diinndɔɔ, mó dimul ndu aa: «Esau bɛ nɔm co kɔngɔlanndo le nɔm diyɔɔ le màá ndɔɔ mingio.

O Kandɔɔ 28:5

Nuaa Isaak vem Yakɔb po ndɔ Padan-Aram ni. O kon, mí Yakɔb can, mó kɔa o Laban bom ndɔ lo, po Betuɛl Aramiinɔ-o pɛɛn. Laban kon yɔŋnun yemaa Rebeka ni, kalaa Yakɔb nda Esau pɛɛn.

O Kandɔɔ 35:1

Mí Hala dimul Yakɔb aa: «Faŋan nanu. Kɔnnun Betɛl mà kɔ cal lon, mà cow ya fonda-loamaa-lasálàá, ya Hala cɔmnun nɔm telen n va Esau bɛ nɔm ɲaanɔnndo-o pɛɛn.»

O Kandɔɔ 25:20

Isaak ndóò nɔ vɔsilan belehiɔɔlu, mó yil Rebeka o nɔ̀u. Cua Betuɛl Aramiinɔ fula Padan-Aram-ndo a yemaa Laban Aramiinɔ Rebeka kon va ni.