O Kandɔɔ 27:4 - BII BILA

⁴ A hin pɛ a visin mun, a toosial-la mun mɛɛ ya yeema mun yɛ, a ke ya i de. I cii pɛ mun dio, i dɔw nɔm duaa telen pá ya vu.»

O Kandɔɔ 27:4 Referans Kwoze

Hebreea 11:20

A laalanndo Isaak dɔw Yakɔb nda Esau duaa le siɔdii ndaa ni.

O Kandɔɔ 48:9

Mí Yosɛf muli aa: «Poaa Hala ke ya o lɛŋnden nden nin-nda n ca nuaa ni.» Mí Israɛl dimi aa: «Sɔɔnguu nda ya ikɛi mì dɔw nda duaa.»

O Kandɔɔ 49:28

Haa kpow yɔŋnun vanaa lebolla o polama tɔ́ a mamiɔmma Israɛlla coo ni. Nuaa fuɲa nda soo o nda lo mó dɔaw nda duaa ni. Mí poaa ndɔa kpede, vana-vana sɔla duaa o ndɔɔ.

O Kandɔɔ 27:25

Mí Isaak dimul ndu aa: «Mɛɛ ke ya ɲɛdiaa mì de ɲɛmahilu nɔm ledoosoo, haliko mi dɔw nɔm duaa.» Mí Yakɔb ke ndu ɲɛdiaa, mó dia. Mó ke ndu vɛlɛ mɔiyan, mó kol.

Luke 24:51

O lo o nda duaa dɔvɔɔ, mó sɛyan a nda, mó helnun o halataala.

Luke 2:34

Mí Simeɔn dɔaw nda duaa, mó dimul kala ndɔ Mari aa: «Poo ho tosanin mì vanaa bɔɔ-bɔɔ del, te kon te mì a bɔɔ-bɔɔ cɛn o lɛŋnde Israɛl-ten nin. Kɛ vannda kɛɛnin ndu,

Yosue 22:6

O kon mí Yosue dɔaw nda duaa, mó mal nda, má muungu o la nda lo, o cɛila-kolala-toandaala ndalan nin.

Yosue 14:13

O kon, mí Yosue dɔaw Kalɛb, po Yefune-o duaa, mó ke ndu lɛŋnde Hebrɔn-nden kɛ́ɔ.

O Kandɔɔ 27:7

‹Kɔ hun a visi ledoosoo, mà hun toosial-la ɲɛmahilu yeelɛiyo, haliko mi de ndu, mì dɔw nɔm duaa Mɛlɛka o hɔl telen pá ya vu.›

O Kandɔɔ 28:3

Màá Hala Vana-Kpaayaa-Kpow dɔw nɔm duaa, mò nɛŋi nɔm ipulu, mì polale nɔmnden le kui háá mà siŋnun fuɲa-mamaa le vanaa-mangalaa-isɔɔa súúlan taw!

O Kandɔɔ 27:31

Mí ndu bɛɛ toosiaa ɲɛdiaa yeelɛiyo, mó cuu fuɲa ndɔ ndu. Mó dimul ndu aa: «Pua, má cè ɲɛdiaa a ɲɛmahilu ya toosial nɔm-ndo, cɔn mà de, haliko mi nɔm pila dɔw ya duaa.»

O Kandɔɔ 27:27

Mí Yakɔb sɔɔnguu, mó kɔman ndu. Mɛɛ o kɔman ndu, mí Isaak tuɛi volɔɔla ndɔlan cun, mó dɔaw ndu duaa aa: «Po nuu co cunndo vana ca ko aa ciɛi Mɛlɛka dɔw duaa-e ni.

O Kandɔɔ 27:23

Le tùú yáwla cuinndan la va labayiaa o bala Yakɔb lan-ndo, mí la velan a bala Esau lan taw. Le hee, fuɲa ndɔ sina ndu le. Kɛ nduyɛ, telen pá mó dɔaw ndu duaa,

O Kandɔɔ 24:60

Má dɔaw Rebeka duaa, má dimul ndu aa: «Nɔm yema naa, màá siŋnun kala-mamaa le vannda vaalan o vaalan nin fɔ́! Màá polale fulanin o nɔm nin-nden le siŋnun polale kpaaya bɛndu, mì yaamɔaa ndaa cal nda o labɛngunin!»

O Kandɔɔ 14:19

Mó dɔaw Abram duaa, mó dimi aa: «Màá Hala-Hiow-Ɲɔɔn-Kpow-vo, o cɔw halataala a lɛŋnden-ndo dɔw nɔm Abram duaa!

O Kandɔɔ 27:5

Tuma Isaak va Esau po ndɔ sɔɛi ken dimullo-o, Rebeka va tueyɔɔ. Mɛɛ Esau faŋan dɔ́ɔ́ mó kɔa doosulen yondoo nin le fuɲa ndɔ ɲɛmahiloo cuuo,

O Kandɔɔ 27:9

Ɲaanun nɛɛ cɔlua naa co-a, mà kɔ bii cuinaa téndéa nda ŋiɔn, ma cuu ya nda, mì hun toosial fuɲa nɔm ɲɛdiaa yeelɛiyo a visin ndan mɛɛ o yeema yɛ.

O Kandɔɔ 27:14

Mí Yakɔb kɔa, mó kɔ bii cuinaa téndéa nda ŋiɔn, mó cuu kala ndɔ nda. Mí kala ndɔ yaw ɲɛdiaa yeelɛiyo a ɲɛmahilu kon mɛɛ Isaak ndóò yeema yɛ.

O Kandɔɔ 27:17

Mɛɛ o cii, mó yɔngu ndu ɲɛmahilu o toosiaa kon-ndo a buloo le fuɲa ndɔ yoo.

O Kandɔɔ 27:19

Mí Yakɔb dimul fuɲa ndɔ aa: «Ya Esau po nɔm tasoo ni. I hin a ɲɛ n dimul-la le nɔm yɔngoo-o. Lelan, a ce ndu. Cɔn ma cal, ma de ɲɛmahilu yondo ya cuu nɔm-ndo, haliko ma dɔw ya duaa.»