O Kandɔɔ 27:39 - BII BILA

³⁹ Mí Isaak fuɲa ndɔ dimul ndu aa: «Yaŋ-ndɔ nilan. Fonda n vanin icali-o, ɲɛ venin naŋɔɔ o lɛŋnde len coo le. Mɔ́m venin fula o halataala mò kɛsi makɛm le tɔlɔɔla nɔmndan nɛŋi le.

O Kandɔɔ 27:39 Referans Kwoze

O Kandɔɔ 27:28

‹Màá Hala tuisul nɔm kɛmndan fulaa coocoo! Màá o tosa mì tɔlɔɔlan la naŋ o yondola nɔmndan nin! Màá sɔla baloo a mɔiyan taw o tɔlɔɔla nɔmndan!

Hebreea 11:20

A laalanndo Isaak dɔw Yakɔb nda Esau duaa le siɔdii ndaa ni.

Yosue 24:4

Mí yɔngu Isaak poaa nda ŋiɔn: Yakɔb nda Esau, mí yɔngu Esau fonda calaa o tàndá n'pemboo Seir nin, kɛ mí Yakɔb nda poaa ndɔa nda tuusun Esipte.

O Kandɔɔ 33:9

Mí Esau dimul ndu aa: «Pɔmbɔnndo, bolofaa co ya o ba taw. Lelan, manda ɲɛm nɔmndon le nɔm pila.»

Tɔŋ miingua 33:13

Mó dɔaw polale Yosɛf len duaa aa: «Mɛlɛka dɔw lɛŋnde ndalen duaa a tɔnɔ fula coocoo-o, mɔ́mndo pɛɛn, a mɛmma co lɛŋ di-di-an.

Tɔŋ miingua 33:28

Israɛlla connun nila ɲulu o calta ndalan. Soon kólaa Yakɔb-o connun teengen o lɛŋnde ɲɛdiaa a mɔima yɛngian ma co nin-nden nin, o lɛŋnde halataalaa co mɔ́mndo tuisio coo len nin.

O Kandɔɔ 27:27

Mí Yakɔb sɔɔnguu, mó kɔman ndu. Mɛɛ o kɔman ndu, mí Isaak tuɛi volɔɔla ndɔlan cun, mó dɔaw ndu duaa aa: «Po nuu co cunndo vana ca ko aa ciɛi Mɛlɛka dɔw duaa-e ni.