O Kandɔɔ 27:13 - BII BILA

¹³ Mí kala ndɔ dimul ndu aa: «Te sɔɛi danga ni, mɛɛ danga kon va ya pila coo. Nɔm tosa vɔ i ya dimul nɔm-nde tuŋ. Kɔ mà kɔ cuu ya cɔlua ya dimul nɔm-nda.»

O Kandɔɔ 27:13 Referans Kwoze

Matie 27:25

Mí vannda kpow a muli aa: «Sɔɛi piɔ́m ndɔɔ va naa pila a cuavaa naa coo!»

2Samiɛl 14:9

Mí cua fula kon Tekoa-o dimul masaa aa: «Àá masaa, màá sanga co fula o dɛnɛ tambɛiyo ho nin-ndo tol ya pila a yungu nuu coo! Màá sanga kon toal nɔm masaa a masale nɔmnden coo le!»

1Samiɛl 25:24

mó dimi aa: «Ya pɔw ni, Pua! Kɛ o va bɛɛ lende, cɛl mì soo o nɔm ndo, mà yaŋ ya nilan, mà tuei sɔɔn ya co nɔm dimul-lon.

O Kandɔɔ 43:9

Poombɔɔ co va o ba nuu bɛngu. Ya n bɛnda ma ɲuna le sɔɛi ndɔɛi ni. Te i mingul nɔm ndu nanu le, te i cuu nɔm ndu le, mɛɛ ya haki kon co va coo nɔm o hɔl le lɔ́ɔ́-lɔ́ɔ̀ ni.

O Kandɔɔ 27:8

Lelan, nɔm Yakɔb, yaŋ nilan mà tuei, mà tosa ɲɛ ya co nɔm dimul-lo.

O Kandɔɔ 25:33

Mí Yakɔb dimul ndu aa: «Mɛɛ yii kpemaa mà mɛnan sunsun.» Mí Esau yii dɔ́ɔ́ kpemaa, mó mɛnan po. Mó vɔngul fonda ndɔ ikaasonyaa Yakɔb pɔmbɔ ndɔ o ba.

O Kandɔɔ 25:23

Mí Mɛlɛka dimul ndu aa: «Vannda súúlan tan tiɔn a co nɔm o dembe ni. Vanaa-mangalaa-isɔɔa súúlan tan tiɔn n co violɔɔ ni. O pilɛ hiawnin o pilɔɔ kpaayaa. Po tasoo calnin pɔmbɔ ndɔ o labɛngunin.»

O Kandɔɔ 27:14

Mí Yakɔb kɔa, mó kɔ bii cuinaa téndéa nda ŋiɔn, mó cuu kala ndɔ nda. Mí kala ndɔ yaw ɲɛdiaa yeelɛiyo a ɲɛmahilu kon mɛɛ Isaak ndóò yeema yɛ.

O Kandɔɔ 27:43

Lelan, yaŋ ya nilan mà tosa mɛɛ ya co nɔm dimul-lɛ. Faŋan nanu few-few, mà kɔɛnnun Haran o Laban bom nɔm ndo.

2Dɛnnda lemasalan 22:3

Mí Ahasia bɛɛ kela kela vɔɔndo hiovɔɔ yungu Akab-o, kani kala ndɔ va ndu silala vɔɔnndan yɔngoo le dɛnnda vɔɔnndan tosaa.