O Kandɔɔ 26:8 - BII BILA

⁸ Mó viaw o lɛŋnde len nin taw. Paale pilɛ, mɛɛ Abimelɛk masa Filistia tofa o dio-pɔmbɔɔ, mó ca Isaak pisulta tiamaalan nda Rebeka laa ndɔ.

O Kandɔɔ 26:8 Referans Kwoze

Esai 62:5

Mɛɛ poombɔ piaandoo cua cuaambɔ laandoo o nɔ̀u nin yɛ, lende koni vanaa minginin nɔm tangul-la siŋnunnin piaandua nɔmnda ni. Mɛɛ vanalanɔ co calle o nɔu-vo nɛŋi vanapɔnɔ fula ndu kɔɔli le ndu cuaa-o kɔl-lɛ, lende koni nɔm bɛɛ nɛŋinin Hala nɔmndo kɔl ni.

Condii kɛndɛ-kɛndɛi 2:9

Vanapɔnɔ ya kaola-o velan a púvɔ́ɔ́ te kon te a kial cuaa. Tofa vɔ ndu! O co o cìì cɛi naa kɔɔli, o co tofaa o dio-pɔmbɔɔ, o co mɛɛndanndo o tɛɛngon.

Talelan 7:6

Paale pum, i va o dio-pɔmbɔ cɛi nuu, i va tofaa o bɛ́ɛ̀,

Masaa kialaa n'yamaa 5:28

Kalaa Sisera va mɛɛndanndo o dio-pɔmbɔɔ, o lo tofaa o tɛɛngon, mó koŋul aa: Ko le yɛɛ nɛ ɲɛ ɲaanan ndɔ soa nan-ndo co yɛ hau tamalaa le hunɔɔ? Ko le yɛɛ nɛ vana tui ndu hau diom o hunɔɔ le?

Vana Kɔlkaloo 9:9

O palɛi bingii Hala ke nɔm o paalen bɛngu-e nin kpow, dɔwnun ɲaale a laa nɔm n kaola-o. Kani yoomu vanacieo bendu le. O Hala ke nɔm-ndo co kon ni, o n sɔla o sanga nɔmndo nin o paalen bɛngu-o.

O Kandɔɔ 26:7

Mɛɛ pilacieea Kerar a ɲuna ndu a dɛnɛ laa ndɔ-o o kɔɔ, mó mulul nda aa: «Yema nuu o co ni.» O cɛl le dimio maa laa ndɔ le Rebeka va le. Kani siòònde va ndu ni, yɔŋii vanaa kan ndáà dii ndu o laa ndɔ coo, bau Rebeka laa ndɔ ndóò naŋ taw.

O Kandɔɔ 26:9

O kon mó viam kiilaa Isaak veeloo. Mɛɛ o hin, mí masaa ɲuna ndu aa: «Le yɛɛ nɛ n dimi yɛ aa yema nɔm cuaa ho co ni, nduyɛ laa nɔm o co ni?» Mí Isaak mulul ndu aa: «Siòònde va ya ni, yɔŋii ndáà dii ya le laa nuu. Lelan ya dimi ni aa yema nuu o co ni.»