O Kandɔɔ 26:4 - BII BILA

⁴ I co cuavaa nɔmaa imamaa kui maa loeon o halataala, mì yɔngu nda lɛŋnden nden kpow. Nduyɛ, vanaa-mangalaa-isɔɔa o ceendo coo kpow a sɔlanin duaa cuavaa nɔmaa imamaa o ba bɛngu.

O Kandɔɔ 26:4 Referans Kwoze

Dɛnnda kiilaa 3:25

Niaa co cuavaa vanaa-tɛɛngaa-diom Hala-a kan ni, a Hala yii kan kpemaa a fuɲaa naa mamaa, mó dimul Abraham aa: ‹Vanaa-mangalaa-isɔɔa o ceendo coo kpow a sɔlanin duaa cuavaa nɔmnda o ba bɛngu.›

Kalatea 3:8

Mí Sɛbɛ Hala-o dimi ndi paandu maa le laalanndo Hala ce vanaa co N'Yuifi le-a vanaa sandaa ni. Mí Yoongu kɛndɛ kon dimulun sindɛ Abraham aa: «Hala dɔawnin vanaa-mangalaa-isɔɔa kpede duaa o nɔm nin.»

O Kandɔɔ 15:5

O kon mí Mɛlɛka soli ndu o cɛi-kola-toandaa ndɔɔ nin, mó dimul ndu aa: «Taa nɔla pɛ, mɛɛndan-ndɔ loeon o halataala ma cɔm mun. Nuaa cuavaa nɔmaa imamaa vanin sɛ́lɔ́ɔ́ ni.»

Fulaa 32:13

Loonun a vanaa nɔmaa baalaa: Abraham, Isaak a Yakɔb, a n yiilu kpemaa má mɛnalan nda o diola nɔmndan-nda. Kani má dimul nda sindɛ aa: ‹I co cuavaa niaa imamaa kui maa loeon o halataala, i yɔngunin niaa lɛŋnde ya dimi le niaa yɔngoo len mì la loo len kɛ́ɔ le fɛɛn a fɛɛn.›»

O Kandɔɔ 13:16

I kuinin polale nɔmnden mì cuavaa nɔmaa imamaa va kunda maa cundoo lɛŋ. Te vana nɔla pɛ cundu co lɛŋ-ndo cɔmndo o pilɛn-pilɛnndo, mɛɛ vana nɔlanin cuavaa nɔmaa imamaa cɔmndo.

Kalatea 3:16

Lende koni kpemala Hala yiilu Abraham a polale ndɔlen-ndan la co ni. I dimin te aa: «Le cuavaa ndɔa imamaa», vana ca ko aa le vanaa co sɛ́lɛ́-a ni, kɛ maa le vanndo ndu pilɛ kpé, aa: «Le polale nɔmnden, Krista pɛɛn!»

Condii lisai 72:17

Màá diola masaa la va le fɛɛn a fɛɛn! Màá la hiow laci maa lepala! Màá vannda va duaalan dɔavanndo a diola ndɔlan piɔlɔɔ! Màá vanaa-mangalaa-isɔɔa va dimio maa dɛnɛ kɛndɔɔ co le masaa!

Hebreea 11:2

Le laalanndo vannda sɔla seile kɛndɛlen sindɛ ni.

O Kandɔɔ 18:18

O siŋnunnin fuɲa-mamaa le vanaa-mangalaa-isɔɔa sɛ́lɛ́ bɛndoo, a nɔnin kpaayaa taw-va. Vanaa-mangalaa-isɔɔa o lɛŋnden coo kpow sɔlanin duaa ndu o ba bɛngu.

O Kandɔɔ 15:18

Paale len Mɛlɛka yiilu Abram kpemaa ni, mó dimul ndu aa: «I yii kpemaa maa i yɔngunin cuavaa nɔmaa imamaa lɛŋnden nden. Kandɔnndo a pee pɔmbɔɔ Esipte, kɔ bii a pee bɛndoo Efrate,

O Kandɔɔ 26:24

Paale o tiiya lon-nden, mí Mɛlɛka cɔmnun ndu icɔllo, mó dimul ndu aa: «Ya co Hala Abraham fuɲa nɔm-ndo ni. Buulan te, kani i co nɔm ikɛi. I co nɔm duaa dɔvɔɔ mì kuilul nɔm polale nɔmnden taw, le vana baala nuu Abraham.»

O Kandɔɔ 28:3

Màá Hala Vana-Kpaayaa-Kpow dɔw nɔm duaa, mò nɛŋi nɔm ipulu, mì polale nɔmnden le kui háá mà siŋnun fuɲa-mamaa le vanaa-mangalaa-isɔɔa súúlan taw!

O Kandɔɔ 28:14

Polale nɔmnden le kuinin maa cundoo lɛŋ. Le tiwnin o tàndà oo tàndà nin: a ba paalen le can-ndo, a ba le del-lo, a ba too a á ba luaŋ-ndo. Yungulan o lɛŋnden coo kpow la sɔlanin duaa nɔm a polale nɔmnden o ba bɛngu.

O Kandɔɔ 35:12

Lɛŋnde ya yɔngu Abraham nda Isaak len, i co nɔm nden yɔngu niaa cuavaa-imamaa nɔmnda nɔm kɔɔli.»

O Kandɔɔ 47:27

Mí Israɛl a cuavaa ndɔa cal o lɛŋnde Esipte len nin, o tàndàá Kosɛn nin. Má sɔla yondolan ndon, má vialu cuawva, má kui taw-taw.

Fulaa 6:4

O kon kɔɔli, mí yiilu nda kpemaa le nda lɛŋnde Kanaan-nden yɔngoo, lɛŋnde nda va icali nin o sumialle len pɛɛn.

Tɔŋ miingua 9:5

O co le kela niaa kɛndɛ le, o co vɛlɛ le dɛnɛ niaa sandaa le niaa co lakɔ lɛŋnde len sɔla le. Kɛ a toɲa, le tùú vanaa-mangalaa-isɔaa kan a laasian o yɔŋ vɔɔndo nin-ndo Mɛlɛka Hala niaa hialunin lɛŋnden nda o ba mò yɔngu niaa len ni. Handɔɔ o kon coo, o co niaa len ke le kpema o yiilu fuɲaa niaa mamaa Abraham, Isaak a Yakɔb-o peeloo.

Tɔŋ miingua 13:17

Mì la cuungiaa bolofaa vanin o kobi kon nin-ndo kpow o falii ndɔɛi tɛɛn, mì la lom kobi kon a bolofaa kon kpow le Mɛlɛka Hala niaa. Kobi kon bɛnda mò lo ciee pɔmndo le fɛɛn a fɛɛn, vana mingi lɛnin ndu tangul te.

1Dɛnnda lemasalan 27:23

David sɛva langbaa felengia áà nɔ vɔsilan bidiin-nda a langbaa áà tiiya vɔ bidiin te-a diolan te. Kani Mɛlɛka ndóò yii kpemaa le Israɛlla kuiyo maa loeon o halataala.