O Kandɔɔ 26:34 - BII BILA

³⁴ Mɛɛ Esau cii vɔsilan belehiɔɔlu, mó yil laandua nda ŋiɔn: Yudit, cua Beeri Hitiinɔ-o a Basmat, cua Elɔn Hitiinɔ-o.

O Kandɔɔ 26:34 Referans Kwoze

O Kandɔɔ 36:2

Mí Esau yil vanlaandua Kanannda nda yáá o nɔ̀u: Ada, cua Elɔn Hitiinɔ-o, Oholibama, cua Ana-o, o Sibeɔn Heviinɔ velu-o pɛɛn,

Fulaa 34:16

Handɔɔ o kon coo, te la yii pɛ kpemaa a nda, la co cuavaa ndaa laandua yilɔɔ o nɔ̀lan le poaa niaa. Nduyɛ, cuavaa ndaa laandua lonin laasianndo o piɔmaa ndaa kan sooloo, mì poaa niaa bɛɛ a del nda kɔɔli a laasian pilɛ kon.

O Kandɔɔ 36:13

Poaa Reuɛl velu-a yɔŋnun haa ni: Nahat, Sera, Samma a Misa. Poaa Basmat lanɔɔ Esau-va yɔŋnun kan ni.

O Kandɔɔ 36:5

Mí Oholibama ndu vilul ndu Yeus, Yaelam a Kora. Poaa kan Esau velu o lɛŋnde Kanaan-nden nin ni.

O Kandɔɔ 28:9

Le hee, mó kɔa o Ismaɛl lo, po Abraham-ndo pɛɛn, mó kɔ yil Mahalat cua ndɔ, yemaa Nebayɔt o nɔ̀u, mó handu vɛlɛ kon o laandaa celeŋaa ndóò nɔ nin-nda coo.

O Kandɔɔ 24:3

ma mɛnan a Mɛlɛka, Hala co Masaa o halataala a o lɛŋnden coo-o, maa a yilnin po nuu lanɔɔ o cuavaa Kanaŋaa ya co haa icali tɛɛn-nda nin te.

Hebreea 12:16

La caa taw! Màá vana-vana va niaa tɛɛn vana laasianndo mò kɛɛ ɲɛm Hala-on yii luɛyɔɔ maa Esau le, kani le ɲɛdiaa dio lepilɔɔ kpé, mó pisi fonda ndɔ ikaasonyaa.

1Korɛntea 7:2

Kɛ nduyɛ, yɔŋii vana vow balan o dɛnnda nɔɔlɛilan nin, o co fisa mì vanapɔnɔ oo vanapɔnɔ nɔ lanɔɔ o ndɔɔ, nduyɛ mì vanalanɔɔ oo vanalanɔ bɛɛ nɔ pɔnɔɔ o ndɔɔ.

O Kandɔɔ 27:46

Mí Rebeka kɔ dimul Isaak pɔnɔ ndɔ aa: «I co a mɔnɛi a dɛnɛ cuavaa Hitiia ha. Te Yakɔb bɛɛ yil pɛ lanɔɔ o lɛŋnden nden nin, mɛɛ piɔ́m nuu bendu lɛ le.»

O Kandɔɔ 28:8

Mí Esau sina dɔ́ɔ́ maa vanlaandua Kanannda hɛnan fuɲa ndɔ le.

1Samiɛl 26:6

Mí David veelu Ahimelɛk Hitiinɔ nda Abisai po Seruya-o, pɔmbɔɔ Yoab pɛɛn, mó ɲuna nda aa: «O niaa tɛɛn, ɔ́ɔ̀ vana cɛlnin mì n kɔɛ naa ndu háá o dɔ́ɔ́ngɔ́ Saul-lo nin-ndo?» Mí Abisai muli aa: «Ya i co lakɔ nɔm kɔɔli.»