3 Cal o lɛŋnde len nin. I vanin nɔm ikɛi mì dɔw nɔm duaa. Kani nɔm a cuavaa nɔmaa imamaa ya yɔngunin tàndàlan ndan kpow ni. Lende ya peelunin kpema ya cuel Abraham fuɲa nɔm-ndo ni.
Tofa vɔ, ya pila co nɔm ikɛi. Fonda oo fonda n kɔɛ pɛ, i mandanin nɔm. I minginin nɔm vɛlɛ o lɛŋnden nden nin. I melnin nɔm te háá mì peelu kpema ya cuel nɔm-ndo.»
Lɛŋnde n co len icali nin o sumialle len, lɛŋnde Kanaan-nden pɛɛn, i co nɔm len yɔngu niaa cuavaa nɔmaa imamaa mì le va lɛŋnde niaa le fɛɛn a fɛɛn. I vanin vɛlɛ Hala cuavaa nɔmaa imamaa.»
A laalanndo, mó kɔ cal o sumialle o lɛŋnde Hala ndóò dimul ndu le ndu keo len nin. Mó kɔ cal lon o cɛila-kolala-toandaalan nin nda Isaak a Yakɔb. Nda bɛɛ, kpema pilɛ kon ndóò yiinun le nda.
Lelan la yɔŋ isiòòn te, kani i co niaa ikɛi, i cuanin vanaa niaa co a ba paalen le can-ndo a, mì mingi nda o niaa lo nanu. I cuanin niaa nɛɛ paalen le del-la, mì cuungiaa niaa nanu.
Te la va pɛ mɛnndan taŋɔɔ, i co va niaa ikɛi, mɛmma peela bɛnduan bɛɛ, la koelinin mì la lo lenin te. Hali la va bɛɛ kelaa o yinnden nin, le lumnin niaa le. Yelenyelen leyinndo bɛɛ lumnin niaa le.
Lende koni o tosan a Abraham ni. Cuavaa ndɔa imamaa ndáà bɛnda mì ndáà sɔla ɲɛm Hala ndóò yiilu ndu kpemaa-on. Ndóò yeema le nda cɔmndo vakpa maa o mangalanin diom ndɔɔ lɔ́ɔ́-lɔ́ɔ̀ le, lelan o mɛnan o kpemaa yiiyo ni.
O laan vɛlɛ, a co cuavaa Yakɔb-a cɔm maa Hala lo o diomnden coo-o n co ni, mà cɔm cuavaa Abraham-nda sakpoyɛi nɔmnde, mɛɛ n yiilu sindɛ fuɲaa naa mamaa kpemaa yɛ.»
Le vanacieo mingio o nɛi n bandìla ndu ni, ma tuisi ndu sangaa coo le tɛɛmbuula ndɔlan, ma siɔŋi ɲɛ o kɛsi kɔllo coo-o mɛɛ kaangoa sɔam ɲɔɔ nuaa yɛ. Hoeiye daama vanacieo co ni.
Paale o tiiya lon-nden, mí Mɛlɛka cɔmnun ndu icɔllo, mó dimul ndu aa: «Ya co Hala Abraham fuɲa nɔm-ndo ni. Buulan te, kani i co nɔm ikɛi. I co nɔm duaa dɔvɔɔ mì kuilul nɔm polale nɔmnden taw, le vana baala nuu Abraham.»
Mɛlɛka pila va isisi ndu Yakɔb ikɛi, mó dimul ndu aa: «Ya co Mɛlɛka ni, Hala Abraham fuɲa nɔm mamaa a Hala Isaak-o. Lɛŋnde n co len ihini coo len, i co nɔm len yɔngu niaa cuavaa nɔmaa imamaa.
Mɛɛ piɔ́m ndɔɔ va le tiiyaa, mó dimul yungu ndɔɔ aa: «I co hunɔɔ vu, kɛ Hala melnin niaa le. O co niaa hunɔɔ soli o lɛŋnden nden nin, mò yɛɛ niaa o lɛŋnde o yiilu sindɛ Abraham, Isaak a Yakɔb kpemaa le nda yɔngoo len nin.»
La tofa vɔ, i yɔngu niaa lɛŋnde len, la luɛi lenin mì la hɛlu len. Lɛŋnde len Mɛlɛka yiilu fuɲaa niaa mamaa Abraham, Isaak a Yakɔb kpemaa le nda len yɔngoo nda cuavaa ndaa imamaa le fɛɛn a fɛɛn ni.»
O kon mí Mɛlɛka dimul ndu aa: «Tofa vɔ lɛŋnde ya yiilu Abraham, Isaak a Yakɔb kpemaa, mí mɛnalan nda le nda len yɔngoo len. Mí dimul nda aa: ‹Lɛŋnden nden ya yɔngunin cuavaa niaa imamaa ni.› I cɔm nɔm Moise lɛŋnde kalalen, má ca len a lehɔl, kɛ a lueinin lenin te.»
Mí Hala dimul ndu aa: «Ɛ-ɛ, Sara laa nɔm kpeekpei co nɔm poo vilul ni. O velu ndu pɛ, a ke ndu diolan aa Isaak» (kon co dimio ni aa «O mam»). I yiinin kpemaa a ndu a á cuavaa ndɔa imamaa le fɛɛn a fɛɛn.
Mí Hala mulul ndu aa: «I vanin nɔm ikɛi. Tofa vɔ tɔɔmaseloo le sinaa maa ya Hala vem nɔm ni: taa soli pɛ vanaa kan o lɛŋnde Esipte len nin, la hun tosa kaannden o pembei he coo niaa ndaa kpow le ya biiloo.»
I co niaa cua mì la va yungu nuu, mì ya i va Hala niaa. O kon niaa sinanin ni maa ya co Mɛlɛka ni, Hala niaa pɛɛn, maa ya co niaa soli o sanga lepɔtɔllo nin Esipte ni.
Hala co vanaciee le lacòò dimi le. O co vɛlɛ po vanaciee le diom ndɔɔ mangalaa le. O dímì isɔɔ mò kɛɛ ndi tosa le, O sólìn lediom o sondo mò kɛɛ len peelu le.