O Kandɔɔ 26:27 - BII BILA

²⁷ Mɛɛ nda tiiya lon, mí Isaak ɲuna nda aa: «Le yɛɛ niaa hin yɛ o ya lo? O co niaa le tol-la yɛlen mí la toaw ya mí faŋan o niaa lo le?»

O Kandɔɔ 26:27 Referans Kwoze

O Kandɔɔ 26:16

Mí masaa Abimelɛk dimul Isaak aa: «Faŋan o lɛŋnde naalen nin mà kɔɛ, kani a sɔla bolofaa nanu, má pia, má hiaw naa.»

Masaa kialaa n'yamaa 11:7

Kɛ mí Yɛfte mulul nda aa: «O co niaa le yɔŋnun yaamɔaa nia le? O co niaa le tow ya mí la soli ya o fuɲa nuu lo cɛinin te? Le yɛɛ niaa hin yɛ niko ya kɔɔli telen dɛnɛ palaa tol hoo sisa niaa coo-o?»

Dɛnnda cɔɔmuanndan 3:9

Tofa vɔ, i malnin vanaa co o kunda Setana-o coo-a nɔm o ba, vanaa co kan còòlan dimio maa Yuifia nda co ni, nduyɛ a co N'Yuifi le-a. I cuunin nda mà hun baŋ nɔm vulan o labɛngunin, o kon mà sínà maa i kaola nɔm.

Dɛnnda kiilaa 7:35

Moise Israɛlla ndáà kɛɛ kon má dimi aa: ‹Nɛ̀ɛ́ siinguu yɛ nɔm simlacinɔɔ a vana kialaa n'yamaa naa coo-o?›, o ndu lo Hala vem mɛlɛkanɔɔ le ndu dimullo mo va simlacinɔ naa a vana baŋaa naa ni, ndu Moise mɛlɛkanɔɔ cɔɔmun kon o bɔɔ nin-ndo pɛɛn.

Dɛnnda kiilaa 7:27

Kɛ mí o va caan ndɔ saangiaa-o ɲindu Moise, mó ɲuna ndu aa: ‹Nɛ̀ɛ́ siinguu yɛ nɔm simlacinɔɔ a vana kialaa n'yamaa le naa?

Dɛnnda kiilaa 7:14

O kon mí Yosɛf viam vannda le hunɔɔ a fuɲa ndɔ Yakɔb a á yungu ndɔɔ kpow, a va faw-faw vannda belaŋɔmmɛw a vanaa ŋuɛɛnu.

Dɛnnda kiilaa 7:9

Puapilɛa Yosɛf-a a va ndu Yosɛf paŋalaa, má pisi ndu haliko mo va cɛɔ Esipte. Kɛ Hala va ndu ikɛi.

O Kandɔɔ 26:14

Cɔlua va ndu o ba: saa, cuinnda a nawva. Buɛiya va vɛlɛ ndu o ba taw. Le hee, mí Filistia kandu ndu paŋalaa.

O Kandɔɔ 26:28

Má mulul ndu aa: «N ce maa Mɛlɛka co nɔm ikɛi, lelan naa n dimi ni aa n bɛnda mì n yii kpemaa naa niaa. N yeema, nɔm a naa, mì vana-vana cua kpemaa mò mɛnan le kpema kon yiiyo.