O Kandɔɔ 26:25 - BII BILA

²⁵ Mí Isaak cɔaw fonda-loamaa-lasálàá o fonda kon, mó biilu Mɛlɛka lon, mó toandu cɛi-kola-toandaa ndɔɔ lon. Mí buɛyaa ndɔa toaw vɛlɛ soon kólaa celen.

O Kandɔɔ 26:25 Referans Kwoze

Condii lisai 116:17

I solulnin nɔm sálà-malaa-balikaa, mì piɛi o diola nɔmndan.

O Kandɔɔ 13:18

O kon mí Abram bɛɛŋuu cɛila kola-toandaa lan, mó kɔ toandu lan o yálán Mamre-o ikɛi, Hebrɔn ciee-lekɔɔ. Mó cɔaw fonda-loamaa-lasálàá lon le Mɛlɛka.

Fulaa 17:15

O kon mí Moise cɔaw fonda-loamaa-lasálàá, mó ke ndu diolan aa Adonai Nisi (kon co dimio ni aa «Mɛlɛka co lɛfɛ nuu ni.»)

O Kandɔɔ 35:1

Mí Hala dimul Yakɔb aa: «Faŋan nanu. Kɔnnun Betɛl mà kɔ cal lon, mà cow ya fonda-loamaa-lasálàá, ya Hala cɔmnun nɔm telen n va Esau bɛ nɔm ɲaanɔnndo-o pɛɛn.»

O Kandɔɔ 33:20

Mó cɔaw fonda-loamaa-lasálàá lon, mó ke ndu diolan aa Ɛl-Elohe-Israɛl (kon co dimio ni aa «Hala co Hala Israɛl-lo ni»).

O Kandɔɔ 22:9

Mɛɛ nda tiiya o fonda Hala cɔm-ndo, mí Abraham cɔaw fonda-loamaa-lasálàá, mó ciŋa kilion lecoo. Mó bii Isaak po ndɔ, mó yii ndu peŋ, mó yambu ndu o kilin va o fonda-loamaa-lasálàá coo-on coo.

O Kandɔɔ 13:4

o fonda ndóò cɔw paandu fonda-loamaa-lasálàá-o kpeekpei. Mó piɛi Hala lon a ndu veeloo aa Mɛlɛka.

O Kandɔɔ 8:20

Mó cɔaw fonda-loamaa-lasálàá le Mɛlɛka sálàá solullo lecoo. Mó cua visia diandaa yɛ́-yɛ́a a yovaa diandaa yɛ́-yɛ́a, mó soli sálà loamaa a cɔlua kan o fonda-loamaa-lasálà kon coo.

O Kandɔɔ 4:26

Mí Sɛt bɛɛ vialu poo, mó ke ndu diolan aa Enɔs. Boondii ken kínɛí vanndacieea kandu Hala veeloo aa Mɛlɛka o piɛilen nin ni.

O Kandɔɔ 26:32

Paale pilɛle len, mí buɛyaa Isaak-a hun dimul Isaak aa a komal mɛnndan o soon kólaa nda va tovɔɔ-o nin.