O Kandɔɔ 26:24 - BII BILA

²⁴ Paale o tiiya lon-nden, mí Mɛlɛka cɔmnun ndu icɔllo, mó dimul ndu aa: «Ya co Hala Abraham fuɲa nɔm-ndo ni. Buulan te, kani i co nɔm ikɛi. I co nɔm duaa dɔvɔɔ mì kuilul nɔm polale nɔmnden taw, le vana baala nuu Abraham.»

O Kandɔɔ 26:24 Referans Kwoze

Fulaa 3:6

Mó dimul ndu vɛlɛ aa: «Ya co Hala fuɲaa nɔmaa mamaa ni: Hala Abraham-ndo, Hala Isaak-o a Hala Yakɔb-o.» Mí Moise kumbu hɔlla, kani mí siòònde bii ndu le tofaa nɛɛ Hala va sɔɛi-ya.

O Kandɔɔ 17:7

Kpema ya yii hoo-o co va naa tɛɛn naa nɔm, a naa tɛɛn naa cuavaa nɔmaa imamaa le fɛɛn a fɛɛn, haliko mi va Hala nɔmndo a Hala cuavaa nɔmaa imamaa nɔm kɔɔli.

O Kandɔɔ 15:1

Mí Mɛlɛka cɔmnun Abram o vundulen nin, mó dimul ndu aa: «Yɔŋ isiòòn te Abram. Ya co vana kanda nɔm-ndo ni, vɔ̀ngɔ̀ nɔmndo vanin o bɔɔ.»

Dɛnnda kiilaa 7:32

‹Ya co Hala fuɲaa nɔmaa mamaa ni, Hala Abraham-ndo, Hala Isaak-o a Hala Yakɔb-o pɛɛn.› Mí Moise ɲiiya a siòònde, o tɔɔndan ndɛ le tofaa le.

O Kandɔɔ 24:12

Mó dimi aa: «Mɛlɛka, Hala Abraham vana ni bɛndoo, tosa mì saalun vanalanɔ sɔvɛɔ. Lo o diomnde nɔmnden coo lende a vana ni bɛndoo Abraham.

Dɛnnda cɔɔmuanndan 1:17

Mɛɛ ya ce ndu, mí del ndu o pelon bɛngu maa vana vílɛ́i. Mó handu ya ba ndɔ kɛndɔɔ coo, mó dimi aa: ‹Siòòŋii bii nɔm te! Ya co vana tasoo a vana mɛɛlaa ni.

O Kandɔɔ 28:13

Mɛlɛka pila va isisi ndu Yakɔb ikɛi, mó dimul ndu aa: «Ya co Mɛlɛka ni, Hala Abraham fuɲa nɔm mamaa a Hala Isaak-o. Lɛŋnde n co len ihini coo len, i co nɔm len yɔngu niaa cuavaa nɔmaa imamaa.

O Kandɔɔ 13:16

I kuinin polale nɔmnden mì cuavaa nɔmaa imamaa va kunda maa cundoo lɛŋ. Te vana nɔla pɛ cundu co lɛŋ-ndo cɔmndo o pilɛn-pilɛnndo, mɛɛ vana nɔlanin cuavaa nɔmaa imamaa cɔmndo.

Hebreea 13:6

Lelan n tiwba mì n dimi a laalanndo aa: «Mɛlɛka co vana co ya malaa-o ni, siòòŋii co ya a ɲɛ-ɲɛ le. Yɛɛ vanndacieea nɔla yɛ ya yɔŋ?»

Luke 12:32

Saa kunda pɔmbɔa, la yɔŋ isiòòn te, kani dɛnɛ hɛnan Fuɲa nia-o co kon ni le niaa masalen yɔngoo.

Matie 22:32

‹Ya co Hala Abraham-ndo ni, Hala Isaak-o a Hala Yakɔb-o›? Hala co Hala n'vanvílɛ́i le, kɛ Hala vanaa yoomaa o co ni.»

Esai 44:2

Mɛlɛka toosiaa niaa-o, vana cɔw niaa kabi o dembelan nin mó va niaa malaa-o dimi aa: «Siòòŋii bii niaa le ɲɛ-ɲɛ le, niaa cuavaa vana ni baalaa Yakɔb-a, niaa polale Yesurun-nde ya hɛli len.

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

Esai 12:2

A toɲa, Hala co baŋan nuu ni, lelan ndu ya kɛsi laalan nuu kpede coo ni, siòòŋii biinin ya a ɲɛ-ɲɛ le. Kani Mɛlɛka co yoomuma niaan a vana ya co lisaa a condon-ndo ni, ndu co cinda nuu ni.›

O Kandɔɔ 31:5

mó dimul nda aa: «I ce maa fuɲa niaa nɔ lɛ kɔl ni kɛndɛ maa paandu le. Kɛ Hala fuɲa nuu co ya ikɛi.

Esai 51:12

Ya ni, ya co niaa ɲɔɔloo ni! Nɛ̀ɛ́-nɛ̀ nɔm co yɛ? Le yɛɛ nɛ n co yɛ siòònde yɔŋndo a vanaciee co vuo nɛ? Le yɛɛ n co yɛ siòònde a pulun Adam-ndon? Maa bil daama dɛnɛ vanacieo co ni.

Esai 51:7

Niaa sina dɛnɛ sandaa-a, niaa vanaa nɔ tɔŋ nuu o lakɔl-la, la yaŋ ya nilan! La buulan le vannda niaa bɛ̀ɛ̀lan tɛɛmbuuo le, la ɲííyà a isiòòn le vanaa kan niaa yeowlan te.

O Kandɔɔ 22:19

Sɔɛi ken cuvɔɔ, mí Abraham muungu nɛɛ buɛyaa ndɔa va-a, má bii nɛiyo le muungoo Bɛɛr-Seba, mó kɔ cal lon.

Hebreea 11:16

Kɛ o kpeekpeiyo nin, a lɛŋnde hiow lɛŋnde len naŋɔɔ len o kɔɔ nda va sɔɛi ni, halataala pɛɛn. Lelan siɛmbula bii Hala le ndu veeloo aa Hala ndaa le, kani mó toosial nda kobio.

O Kandɔɔ 17:8

Lɛŋnde n co len icali nin o sumialle len, lɛŋnde Kanaan-nden pɛɛn, i co nɔm len yɔngu niaa cuavaa nɔmaa imamaa mì le va lɛŋnde niaa le fɛɛn a fɛɛn. I vanin vɛlɛ Hala cuavaa nɔmaa imamaa.»

O Kandɔɔ 21:17

Mí Hala tuɛi poombɔɔ caŋndo, mí mɛlɛkanɔ Hala-o lo coocoo, mó veelu Akar, mó ɲuna ndu aa: «Akar, yɛɛ yɔŋnun yɛ nɔm? Buulan te, kani Hala tuei poombɔɔ caŋndo nɛɛ n mɛi ndu-a.

O Kandɔɔ 22:17

i co nɔm duaa dɔvɔɔ taw-taw. I kuinin cuavaa nɔmaa imamaa, mà va kunda maa loeon o halataala a sióónndon o mɛmma ihɛllan kɔngɔ. Cuavaa nɔmaa imamaa kɛsinnin yaamɔaa ndaa o labɛngunin.

O Kandɔɔ 28:3

Màá Hala Vana-Kpaayaa-Kpow dɔw nɔm duaa, mò nɛŋi nɔm ipulu, mì polale nɔmnden le kui háá mà siŋnun fuɲa-mamaa le vanaa-mangalaa-isɔɔa súúlan taw!

O Kandɔɔ 28:15

Tofa vɔ, ya pila co nɔm ikɛi. Fonda oo fonda n kɔɛ pɛ, i mandanin nɔm. I minginin nɔm vɛlɛ o lɛŋnden nden nin. I melnin nɔm te háá mì peelu kpema ya cuel nɔm-ndo.»

O Kandɔɔ 30:27

Mí Laban mulul ndu aa: «Mɛɛ tuinun ya iɲíí, lo niko ya o bɛngu coo nanu. Halaa nia cɔm ya maa le co n co ya o bɛngu coo-o Mɛlɛka dɔw ya duaa ni.

O Kandɔɔ 46:1

Mí Israɛl cua ɲɛ-ɲɛ va ndu o ba, mó bii nɛiyo le kɔlan Esipte. Mɛɛ o tiiya Bɛɛr-Seba, mó solul Hala Isaak fuɲa ndɔ-o sálàlan.

Tɔŋ miingua 13:17

Mì la cuungiaa bolofaa vanin o kobi kon nin-ndo kpow o falii ndɔɛi tɛɛn, mì la lom kobi kon a bolofaa kon kpow le Mɛlɛka Hala niaa. Kobi kon bɛnda mò lo ciee pɔmndo le fɛɛn a fɛɛn, vana mingi lɛnin ndu tangul te.

O Kandɔɔ 39:2

Mɛlɛka va Yosɛf ikɛi, ɲɛ-ɲɛ o va tosaa va ndu bɛndaa o ba. O va Esipte lon o vana ndɔ bɛndu pendu ndu-o lo.

O Kandɔɔ 39:3

Mí Potifar sina maa Mɛlɛka va Yosɛf ikɛi, ɲɛ-ɲɛ Yosɛf va tosaa, mí Mɛlɛka va ndu nɛŋio.

Fulaa 14:13

Mí Moise mulul nda aa: «La yɔŋ isiòòn te. La sim yili mì la mɛɛndan. La canin hau mɛɛ Mɛlɛka co niaa ciindiaa yɛ. Esiptea niaa co haa cɔu sisa-a, la ci lɛnin nda le fɛɛn a fɛɛn te.

Tɔŋ lasálàá 26:42

I loonunnin a kpema co naa tɛɛn naa Yakɔb-o, i loonunnin a kpema co naa tɛɛn naa Isaak-o, i loonunnin vɛlɛ a kpema co naa tɛɛn naa Abraham-o. O kon, i loonunnin a ciɛ́ɔn ya cua a lɛŋnde ndalen o kɔɔ-on.

Tɔŋ lasálàá 26:45

Le cinda ndaa, i loonunnin a kpema co naa tɛɛn naa fuɲaa ndaa mamaa-o o kɔɔ, fuɲaa ndaa mamaa ya soli o lɛŋnde Esipte len nin vanaa-mangalaa-isɔaa celennda o hɔl-la pɛɛn. I soli nda haliko mi va Hala ndaa. Ya co Mɛlɛka ni.»

Tɔŋ miingua 31:6

Lelan, la lueinun yoomuan mì la sim yili. Siòòŋii bii niaa le. La ɲiiya nda o hɔl te. Kani Mɛlɛka Hala niaa pila co va kɔlan a niaa latulu, o faŋannin niaa ikɛi le, o melnin niaa le.»

Ruti 3:11

Lelan, cuanndo, buulan ndɛ le. Ɲɛ-ɲɛ n yeema pɛ, i tosalnin nɔm ndu, kani cieo ho kpow sina nin maa vanalanɔ sɔvɛɔ n co ni.

1Masaa 17:13

Mí Elii mulul ndu aa: «Siòòŋii bii nɔm te, muungu ma kɔ tosa mɛɛ n dimi yɛ. Kɛ nduyɛ, toŋ fɔlɔn dɛɔ ɲɛ-pɔmbɔ mà cuu ya malan n kɔ toŋ niko o celen le niaa po nɔmndo.

Cɛɛŋɔnnda Yeremi lan 3:57

Paale ya veelu nɔm le ya malaa len, má sɔɔnguu, má dimul-la aa: ‹Yɔŋ isiòòn te.›