O Kandɔɔ 26:22 - BII BILA

²² O kon kɔɔli, mó faŋan ndon, má tuw ndu soon kólaa celen. A nuwviaa lɛ ndu sɔngɔ o n'dial o kon coo le. Mó ke ndu diolan aa: Rehobɔt (kon co dimio ni aa «Fonda fɛkɛiyo»). Kani mó dimi aa: «Mɛlɛka yɔngu naa falle fɛkɛi, n co bolofaa sɔla o lɛŋnden nden nin kpeekpei.»

O Kandɔɔ 26:22 Referans Kwoze

Fulaa 1:7

O kon kɔɔli, mí vanaa tɔ̀a lo lon-nda koma kui taw-taw, má sɔla kpaayaa. A lo kuiyo tei, má tiw o lɛŋnde len nin sɔ́.

O Kandɔɔ 17:6

I co nɔm cuavaa-imamaa kuilul taw, mì vanaa-mangalaa-isɔɔa súúlan taw a fula o polale nɔmnden nin. Masaa bɛɛ a fulanin o polale nɔmnden nin.

Condii lisai 118:5

I va o sangaa nin, mí koŋul Mɛlɛka o lani, mó mulul-la, mó ke ya pɛngio.

O Kandɔɔ 41:52

Mó ke po ndɔ diinndɔɔ diolan aa Efraim (kon co dimio ni aa «Vana kuiyàá»), kani mó dimi aa: «Hala nɛŋi ya ipulu o lɛŋnde ya va o mɔnɛi nin-nden nin.»

Condii lisai 18:19

Ndáà cii ya nin simulu o paale dɛnɛ palaa tol-la coo len coo, kɛ mí Mɛlɛka hun mala ya.

Condii lisai 4:1

Condii David-e, í fula o condun simlacinɔ vanaa n'condua nin-nde. A ɲɛm-caan iyoon vana soli ndi ni.

O Kandɔɔ 28:3

Màá Hala Vana-Kpaayaa-Kpow dɔw nɔm duaa, mò nɛŋi nɔm ipulu, mì polale nɔmnden le kui háá mà siŋnun fuɲa-mamaa le vanaa-mangalaa-isɔɔa súúlan taw!

O Kandɔɔ 26:21

Mí buɛyaa ndɔa toaw soon kólaa celen, má sɛɛngian vɛlɛ o kon coo. Mí Isaak ke vɛlɛ kon diolan aa Sitna (kon co dimio ni aa «Simullo»).

Esai 54:2

«Cɔɔlu fonda cɛi-kola-toandaa nɔmndo kuundiaa, mà tondu kolala n'vìì fondala nɔmnda calaalan-ndan. Toandu lan a siòòŋii bɔnɔ le! Bɛndi yoei nɔmnde mà baŋ pikin nɔmndon kpáŋ!

Esai 54:3

Kani a pɛngɛlannin o ba kɛndɔɔ a o ba mɛllo coo, cuavaa nɔmnda biinin vanaa-mangalaa-isɔɔa, a pianin o kobila connun fondolan nin ca.

Condii lisai 119:32

I co kelaa o nɛila tɔŋ nɔmndo coo, kani a ke kɔl nuu pɛngio.