O Kandɔɔ 26:2 - BII BILA

² Mí Mɛlɛka cɔmnun ndu, mó dimul ndu aa: «Kɔa o lɛŋnde Esipte len nin te. A saa pɛ a cal o lɛŋnde ya co nɔm cɔm-nden nin.

O Kandɔɔ 26:2 Referans Kwoze

O Kandɔɔ 12:7

Mí Mɛlɛka cɔmnun Abram, mó dimul ndu aa: «I yɔngunin cuavaa nɔmaa imamaa lɛŋnden nden.» Mí Abram cɔaw fonda-loamaa-lasálàá o fonda Mɛlɛka cɔmnun ndu kon-ndo le ndu Mɛlɛka sálàá solullo lecoo.

O Kandɔɔ 18:1

Mí Mɛlɛka cɔmnun Abraham nɛɛ o va icali o yálán Mamre-o ikɛi-ya, Abraham va icali o cɛi-kola-toandaa ndɔɔ dio a telen hangul bɛndu-bɛndoo va ipala nuaa-o.

O Kandɔɔ 17:1

Vɔsi Abram suili vɔsilan belaŋɔmahiɔɔlu a laŋɔmahiɔɔlu-o, mí Mɛlɛka cɔmnun ndu, mó dimul ndu aa: «Ya co Hala Vana-Kpaayaa-Kpow ni. Kela kela kɛndɔɔ ya o hɔl, mà tosa ɲɛ hɛnan ya-o.

O Kandɔɔ 12:1

Mí Mɛlɛka dimul Abram aa: «Faŋan o lɛŋnde nɔmnde n velun nin-nden nin, faŋan vanayan nɔmndon a yungu fuɲa nɔm-ndo ikɛi, ma kɔɛ o lɛŋnde ya co nɔm cɔm-nden nin.

Condii lisai 37:3

Laalan Mɛlɛka, mà tosa dɛnɛ kɛndɔɔ. O kon, a calnunnin nila ɲulu o lɛŋnden nin, ma dɔwnun balo a vanakɛndɛyɛi.

O Kandɔɔ 17:19

Mí Hala dimul ndu aa: «Ɛ-ɛ, Sara laa nɔm kpeekpei co nɔm poo vilul ni. O velu ndu pɛ, a ke ndu diolan aa Isaak» (kon co dimio ni aa «O mam»). I yiinin kpemaa a ndu a á cuavaa ndɔa imamaa le fɛɛn a fɛɛn.

O Kandɔɔ 26:24

Paale o tiiya lon-nden, mí Mɛlɛka cɔmnun ndu icɔllo, mó dimul ndu aa: «Ya co Hala Abraham fuɲa nɔm-ndo ni. Buulan te, kani i co nɔm ikɛi. I co nɔm duaa dɔvɔɔ mì kuilul nɔm polale nɔmnden taw, le vana baala nuu Abraham.»

Fulaa 2:24

Mɛɛ o tuei nda cɛɛŋɔnndo, mó loonun a kpema o yiilu Abraham, Isaak a Yakɔb-o.

Tɔŋ lasálàá 26:42

I loonunnin a kpema co naa tɛɛn naa Yakɔb-o, i loonunnin a kpema co naa tɛɛn naa Isaak-o, i loonunnin vɛlɛ a kpema co naa tɛɛn naa Abraham-o. O kon, i loonunnin a ciɛ́ɔn ya cua a lɛŋnde ndalen o kɔɔ-on.

Condii lisai 25:12

Vanndo nɔ pɛ siòòŋii Mɛlɛka-e, Mɛlɛka pɛɛku vana kon nɛi o bɛnda mò kela coo-o.