O Kandɔɔ 26:18 - BII BILA

¹⁸ Mó soli puuloo o soonnda kólaala ndáà tuw fuɲa ndɔ lan nin. Fuɲaa va vɔ yoomu mí soonnda kólaala lan la toawnun. Kɛ mɛɛ o vi, mí Filistia koma baŋul tan. Mí Isaak ke soonnda kólaala lan diolan mɛɛ Abraham fuɲa ndɔ ndóò ke lan diolan yɛ.

O Kandɔɔ 26:18 Referans Kwoze

Sakari 13:2

«Mɛlɛka-Nɔ-Kpaayaa-Kpow-vo soo aa: ‹O palɛi ken nin, i ɲuminin diola piɔmnda kpow o lɛŋnden nden nin. O kon vana loonun ndɛnin a nda o kɔɔ le. I faŋanin vɛlɛ vanaa siingun nda pila vanaa-tɛɛngaa-diom Hala-a a kɔl dɛnɛ nɔɔlɛiyo o lɛŋnden nden nin.

Osee 2:17

Lon, ya mingulnin ndu nakɔla n'rɛsɛnnda ndɔlan ni, mì mingi bóllo Akɔr maa dio kɔlkɛsiaa. O kon, o delnin ya kɔɔlii a yeemɛi maa telen o va o felengiyɛi ndɔɛi nin-ndo, maa paale o fula Esipte mò va heeloo len.»

Condii lisai 16:4

Vanaa co kɔlan piɔmnda sooloo-a nda, mɔnɛi daama nda co handɔɔ o mɔnɛi ndɛi coo ni. Kɛ ya ya, i solulnin piɔmaa kan sálàla makòólan lɔ́ɔ́-lɔ́ɔ̀ le, o co vɔ bɛɛ le diola ndalan piɔlɔɔ a sondo nuu le!

Kundalan 32:38

Nebo a Baal-Meɔn tangul, má mangala kobila lan diolan, má mingi vɛlɛ Sibma tangul. Má ke kobila nda mingi tangul tan diola celen.

O Kandɔɔ 21:31

Lelan nda ke fonda kon diolan ni aa Bɛɛr-Seba, kani lon nda mɛnan nda ŋiɔn kpow ni.

O Kandɔɔ 21:25

Mí Abraham tɛɛlun Abimelɛk le soon kólaa ndɔ buɛyaa Abimelɛk-a ndáà puu a paa-kala-o.

O Kandɔɔ 26:17

Mí Isaak faŋan, mó kɔ kila dɔ́ɔ́ngɔ́ ndɔɔ o dɛɛlala balu Kerar lan nin, mó cal lon.

O Kandɔɔ 26:19

Tuma buɛyaa Isaak-a va soonnda lan tovɔɔ o dɛɛlaa nin-ndo, má saalun soon mɛmma vulùn-vùlanndan ma va nin-ndo.

2Dɛnnda lemasalan 26:10

Mó tangul vɛlɛ cɛila coocoolan o lɛŋnde veselɛilen nin, mó toaw soonnda mamɛnndan taw, kani ndóò nɔ cɔlua taw o dɛɛlalan nin a o dɛngbɛlan nin. Ndóò nɔ vɛlɛ vanaa vàá a vanaa tɔalaa n'rɛsɛnnda o pembon coo a o tàndá Karmɛl-lo nin, kani ndóò yeema bɔɔ vali yondoo.

O Kandɔɔ 21:30

Mó mulul ndu aa: «Bíí ya saa téndéa ha o ba, mí kon va seilen maa ya tow soon kólaa kon ni.»