O Kandɔɔ 26:14 - BII BILA

¹⁴ Cɔlua va ndu o ba: saa, cuinnda a nawva. Buɛiya va vɛlɛ ndu o ba taw. Le hee, mí Filistia kandu ndu paŋalaa.

O Kandɔɔ 26:14 Referans Kwoze

O Kandɔɔ 37:11

Bɛndaa ndɔa va ndu paŋalaa taw, kɛ mí fuɲa ndɔ mandan sɔɛi ken o kɔl.

Vana Kɔlkaloo 4:4

Mí dɔaw vɛlɛ taasi maa o co fondo le vannda co sangaa le, a yeema ma hiow caanda. Sanga fondoo fúú co vɛlɛ kon ni, ɲɛ fondoo kiltan kɔɔli pɛɛn.

Talelan 27:4

Kɔltuwvo vɔw taw, yolɛi bɛɛ maa mɛmma hunaa i co ni. Kɛ nɛ̀ɛ́ nɔlà ba paŋalaa simullo?

Talelan 10:22

Duaa Mɛlɛka-o kínɛí siinguu vana vana bolofaa ni. Kindikindin vanacieo cɔɔlu ɲɛ-ɲɛ lecoo le.

Condii lisai 112:3

Bolofaa a dɛnɛ kɛndɔɔ vanin o vana kon-ndo cɛinin, dɛnɛ sandaa ndɔɔ vanin le fɛɛn a fɛɛn.

SƐBƐ YƆB-O 42:12

Mí Mɛlɛka dɔaw ceen tɔ̀ Yɔb-o duaa hiovɔɔ ceen ndɔ tasoo coo. Mó sɔla saa vaalan tɔ́ a lahiɔɔlu (14 000), ɲɔɔmɛɛa vàála ŋɔmpum (6 000), nawva vàála tiɔn (2 000) a sofɛlɛa laandua vàá pilɛ (1 000).

SƐBƐ YƆB-O 5:2

Toɲaa, kɔltuwvo dii diɔm sondo vesɛiyo ni, paŋalaa dii vana nɔ taasi loo ni.

SƐBƐ YƆB-O 1:3

Ndóò nɔ saa vàálan tan ŋɔmmɛw (7 000), ɲɔɔmɛɛa vàálan tan yáá (3 000), nawva vàá pilɛ (1 000) a sofɛlɛa laandua kɛmɛ leŋuɛɛnu (500). Ndóò nɔ vɛlɛ buɛiya taw-taw. Ndu vannda ndáà hiow bɛɛlen ke o tàndá va a ba paalen le can-ndo-o nin ni.

1Samiɛl 18:9

Kandɔɔ ɲinkon, Saul ve lɛ David tofa kɛndɛ le.

O Kandɔɔ 13:2

Vana bolofaa bɛndoo pila Abram va ni, ndóò nɔ cɔlua, volion a sianion taw.

O Kandɔɔ 12:16

Le Sarai kon, mí Faraɔnnɔɔ tosal Abram dɛnɛ kɛndɔɔ taw. Mó fanda ndu saa, cuinnda, nawva, sofɛlɛa laandua a à piaandua, buɛyaa laandua a ɲɔɔmɛɛa.

Condii lisai 112:10

Vanaa yɔŋ vɔɔnda canin ndu mà tambu kɔltan, a vanin ciŋndon somisomio mà vi diallon. A toɲa, yeemɛi vanaa yɔŋ vɔɔnda siŋnunnin ɲɛ fondoo.

O Kandɔɔ 24:35

Mɛlɛka dɔw vana ni bɛndoo Abraham duaa háá mó sɔla bolofaa taw. O yɔngu ndu saa, cuinnda a nawva, volion, sianion, buɛyaa piaandua a à laandua, ɲɔɔmɛɛa a sofɛlɛa.

O Kandɔɔ 25:5

Mí Abraham yɔngu Isaak ɲɛm ndɔn kpow.

O Kandɔɔ 30:43

Lende Yakɔb sɔla bolofaa taw ni. Mó sɔla cɔlua taw, buɛyaa laandua, a piaandua, ɲɔɔmɛɛa a sofɛlɛa.