O Kandɔɔ 26:12 - BII BILA

¹² Vɔsi kon, mí Isaak váà ciɛi o lɛŋnde len nin, mó koaw ɲɛ o saŋ-ndo háá bɛmbɔɔ kɛmɛ. Kani Mɛlɛka va ndu duaa dɔvɔɔ.

O Kandɔɔ 26:12 Referans Kwoze

O Kandɔɔ 26:3

Cal o lɛŋnde len nin. I vanin nɔm ikɛi mì dɔw nɔm duaa. Kani nɔm a cuavaa nɔmaa imamaa ya yɔngunin tàndàlan ndan kpow ni. Lende ya peelunin kpema ya cuel Abraham fuɲa nɔm-ndo ni.

Marke 4:8

Mí n tiŋ mun deli o lɛŋnde kɛndɛlen. Mí n soli yasalan, mí la hindu hindɔɔ pila. Mí yasaa pilɛ koam kullon beleyaa, o pum belaŋɔmpum, o pum yɛ kɛmɛ.

Vana Kɔlkaloo 11:6

Le sɛ dɔ́ɔ́ pɛ, a saŋ yɛyii nɔmnde, háá icɔllo kɛ́sì ba nɔmndo pɛngio le. Kani a sinà n naŋnin te, ko ba pilɛ ni, ko kpow yɛ ni. Ko mun kpow yɛ ni, a sina le.

Condii lisai 67:6

Òó Hala! Vanaa súúla celennda co nɔm lisaa. Vannda súúlan kpow a co nɔm sangalaa.

O Kandɔɔ 24:35

Mɛlɛka dɔw vana ni bɛndoo Abraham duaa háá mó sɔla bolofaa taw. O yɔngu ndu saa, cuinnda a nawva, volion, sianion, buɛyaa piaandua a à laandua, ɲɔɔmɛɛa a sofɛlɛa.

O Kandɔɔ 24:1

Abraham ndóò yuuva nin taw, ndóò cii nin vɔsila bɔɔ-bɔɔ, nduyɛ Mɛlɛka ndóò dɔw ndu duaa o dɛnndan kpow nin.

1Korɛntea 3:6

Ya Pol tɔl ni, mí Apolɔs pɔɔliaa, kɛ mí Hala tosa mí tɔlɔɔ hindu.

Sakari 8:12

I saŋnin kɔlɲuloo o lɛŋnden coo. Nakɔla n'rɛsɛnndan la koamnin, lɛŋnden le nɛŋinin tɔlɔɔlan, halataalaa tuisinin piɔɔ. I yɔngunin vanaa tɔ̀a lo-a ɲɛm kɛndɛn mun kpede.

SƐBƐ YƆB-O 42:12

Mí Mɛlɛka dɔaw ceen tɔ̀ Yɔb-o duaa hiovɔɔ ceen ndɔ tasoo coo. Mó sɔla saa vaalan tɔ́ a lahiɔɔlu (14 000), ɲɔɔmɛɛa vàála ŋɔmpum (6 000), nawva vàála tiɔn (2 000) a sofɛlɛa laandua vàá pilɛ (1 000).

O Kandɔɔ 30:30

Kani ɲɛ bɔɔ ve nɔm o ba telen ya hin-ndo le, kɛ o hunɔɔ nuu, mí ɲɛ-sɔlaa nɔmndo kui taw-taw. Kabi ya hin nɔm o bɛngu coo, duaa Mɛlɛka co nɔm dɔvɔɔ-o co o bɔɔ. Te i lo pɛ nɔm o bɛngu coo lende, telen kuɛɛ ya co yɛ niko vallo tosa le yungule nilen?»

Matie 13:8

Mí n'pum deli o lɛŋnde kɛndɛlen, mí n koam, mí yasalan lapum la koam kullon kɛmɛ, lapum belaŋɔmpum, lapum yɛ beleyaa.

Condii lisai 72:16

Maalon kuinin o lɛŋnden coo, n vanin o pembon coo ba-ba fee, n naŋnin maa bil co Liban-ndo. N tiwnin o kobion nin maa bil co o yondoo nin-ndo.

Matie 13:23

Kulun deli yɛ o lɛŋnde kɛndɛlen-ndon, mun co tɔɔmasele vana tuei sɔɛi Hala-e, mó bii ndi bila-o ni. Vana kon ndu nɔla mò kom, mì yasala ndɔlan lapum la soli kullon kɛmɛ, lapum kullon belaŋɔmpum, lapum yɛ kullon beleyaa.»

O Kandɔɔ 26:29

Lelan, mɛnan o Mɛlɛka lo, taa tosalnin naa dɛnɛ vɔɔndo le. Bau naa bɛɛ n tosal nɔm dɛnɛ vɔɔn te. Dɛnɛ kɛndɔɔ naa n tosal nɔm ni. A faŋan o naa lo a isɔɔ kɔɔli le. Sunsun yɛ, Mɛlɛka co nɔm duaa dɔvɔɔ.»

Talelan 10:22

Duaa Mɛlɛka-o kínɛí siinguu vana vana bolofaa ni. Kindikindin vanacieo cɔɔlu ɲɛ-ɲɛ lecoo le.

O Kandɔɔ 25:11

Mɛɛ Abraham vi, mí Hala koma dɔaw Isaak po ndɔ duaa taw-taw. Mí Isaak kɔ kila calta ndɔlan o soon kólaa Lakai-Royi ikɛi.