O Kandɔɔ 26:1 - BII BILA

¹ Tuma kon vɛlɛ, mí yima fofolan ma luɛi o lɛŋnde len nin, yima man maa hiow yima fofolama luɛi o paale Abraham-nden ndan. Le hee, mí Isaak kɔa Kerar o masaa Abimelɛk lo, masa Filistia pɛɛn.

O Kandɔɔ 26:1 Referans Kwoze

O Kandɔɔ 12:10

Mí yima fofolan ma luɛi o lɛŋnde Kanaan-nden nin, o kon, mí Abram kɔa o lɛŋnde Esipte len nin le telen bingi tosaa lon. Kani fofola kon va bɔɔ o lɛŋnde Abram va icali nin-nden nin.

O Kandɔɔ 25:11

Mɛɛ Abraham vi, mí Hala koma dɔaw Isaak po ndɔ duaa taw-taw. Mí Isaak kɔ kila calta ndɔlan o soon kólaa Lakai-Royi ikɛi.

O Kandɔɔ 25:34

O kon mí Yakɔb ke ndu buloo a kpɔɔndɔ n'cabueendo. Mó cal, mó dia, mó kol. Mó can mó kɔannun. Nuaa Esau pɛɛsa fonda ndɔ ikaasonyaa ni.

O Kandɔɔ 42:5

Mí poaa Israɛl-la tiiya Esipte vanaa celeŋaa va kɔlan lon-nda tɛɛn, kani yima fofolan ma va o lɛŋnde Kanaan-nden nin taw.

O Kandɔɔ 43:1

Yima fofolan ma va hiovɔɔ laci tuŋ o lɛŋnde Kanaan-nden nin.

Fulaa 33:1

Mí Mɛlɛka dimul Moise aa: «Cɔn ma faŋan o fondaa ho. Cua vanaa n soli haa o lɛŋnde Esipte len nin-nda, mì la kɔɛ o lɛŋnde ya yiilu Abraham, Isaak a Yakɔb kpemaa, mí mɛnalan nda le cuavaa ndaa imamaa len yɔngoo len nin.

Ruti 1:1

Tuma Masaa kialaa n'yamaa va masalen tosaa o lɛŋnde Israɛl-ten coo-o, mí yima fofolan ma luɛi o lɛŋnden nin. Mí langbanɔ pilɛ can Bɛtlɛhɛm o tàndá Yuda-o nin nda laa ndɔ a poaa ndɔa ŋiɔnda, le kɔlan calle le telen pum o lɛŋnde Moab len nin.

2Samiɛl 21:1

O masale David len bɛngu, mí yiaan ma luɛi o lɛŋnden nin le vɔsilan tan yáá. Mí David ɲuna Mɛlɛka le sinaa a sɔɛi ken o kɔɔ, mí Mɛlɛka mulul ndu aa: «Le tùú Saul nda yungu ndɔɔ a diw Kabaɔnnda-o yiaan man ma tol niaa coo ni.»