O Kandɔɔ 25:3 - BII BILA

³ Yɔksan yɔŋnun fuɲaa Saba nda Dedan ni. Dedan kon yɔŋnun fuɲa-mama Asuriia, Letusiia a Leumiia ni.

O Kandɔɔ 25:3 Referans Kwoze

Esekiɛl 25:13

lelan, nuaa Maalii Hala dimi ni aa: ‹I heelu ba nuu le Edɔmnda lɔɔ, i ciinin vanndacieea a cɔlua co lon-nda. I tɛɛmbuunin lɛŋnde len kandɔɔ a kobio Teman kɔlan háá a kobio Dedan. Vanaa kan kpow a vunin o mɔɛi cɔwve bɛngu.

Esekiɛl 27:20

Vannda Dedan va vɔngulan tosaa a nɔm a kolala vana pɛngɛla cɔlua vana hel coo-a o kɔɔ lan.

Esekiɛl 27:6

má toosial nɔm bombola pɔmbɔlan a yálánnde Basan. Má toosial nɔm fonda fɛkɛiyo o dɛ̀ndɛ̀ bɛndu mamɛnndo coo a ciŋun kamaa, n nda fula o lɛŋnde Asiri len nin-ndon, la nda cua o lɛŋii co o mɛnndan tɛɛn Kitim-ndan.

Yeremi 49:8

«Vannda Dedan! La mulin mì la ɲaanun, mì la kɔ vionnun o buululan nin, kani dɛnɛ palaa ya hin niaa tuisi coo ni, niaa yungu Esau-vo pɛɛn! Telen ya co niaa mululɔn-ndo tiiya nuaa ni.

Yeremi 25:23

Vanaa co Dedan-nda, haa Tema, haa Bus, a vanaa-vanaa sendin kangbalan,

SƐBƐ YƆB-O 6:19

Vanaa fula nɔ̀nndan Tema-a va peela lan tofaa, sɛ́lɛ́ bɛndu cɛn Saba-o bɛɛ va tiindanndo le mɛnndan sɔɔla lenin.

1Masaa 10:1

Mɛɛ masa laandu va o lɛŋnde Saba len nin-ndo tuei Salomɔn tɔ́ɔ́ le kɔlkalu Mɛlɛka ke ndu-o, mó yiyan le kɔlan ndu kɔlɔɔ solio a ɲuuniaala kàlà-kálàlan.

Condii lisai 72:10

Masaa co Tarsis-a a masaa co o lɛŋii co o mɛmma ihɛllan tɛɛn-nde coo-a a vanin ndu ɲɔɔn cuuo. Masaa Saba a masaa Seba a yoonin ndu ɲɛm-kéan cuuo.

2Samiɛl 2:9

mó kɔ suili ndu masaa o tàndá Kalaad-o coo, o tàndá Asur-o coo, o tàndá Yisreɛl-lo coo, o tàndá Efraim-ndo coo a o tàndá Bɛnyamɛn-ndo coo. Mbɔ̀ vana dimi tuŋ maa Israɛlla kpow coo.

O Kandɔɔ 25:2

Mó vilul ndu poaa, nda yɔŋnun haa ni: Simran, Yɔksan, Medan, Madian, Yisbak a Sua.

O Kandɔɔ 25:4

Madian yɔŋnun fuɲaa Efa, Efɛr, Henɔk, Abida a Ɛldaa ni. Nda kpow, Ketura ndóò velu nda ni.

Esai 60:6

ɲɔɔmɛɛa sɛ́lɛ́ bɛndoo kumbunin lɛŋnden kpow, ɲɔɔmɛaa téndéa Madian a ɲɔɔmɛɛa Efa a pianin o lɛŋnde nɔmnden coo ca. Kan kpow a cannin Saba mà hin (o nɔm ndo), a hunnin a sianion a ansan, a kelanin a Mɛlɛka lisaa nɛɛ-nɛɛ ka.

Esai 21:13

Sɔɛi dimin o lɛŋnde Arabii len coo-e: «Niaa vanaa kelaa manɔnnaa bɛndua ha Dedan, la lɔlnin o yondolan Arabii nin!

Esekiɛl 27:15

La va yulalen niaa poaa Dedan-nda, lɛŋii co o mɛnndan tɛɛn-nde i bɔɔ-bɔɔ, nɔm o ba vɔngula ndalan láà kei ni, a va nɔm salaa a ciŋun kamaa a bungan yɔm Ebɛn.