O Kandɔɔ 25:2 - BII BILA

² Mó vilul ndu poaa, nda yɔŋnun haa ni: Simran, Yɔksan, Medan, Madian, Yisbak a Sua.

O Kandɔɔ 25:2 Referans Kwoze

Yeremi 25:25

masaa kɛ́-kɛ̀ co Simri, Elam a Mɛdea,

SƐBƐ YƆB-O 2:11

Lɔ́ɔ́ caaŋaa yáá-aa Yɔb-a tuei maa dɛnɛ palaa tol ndu Yɔb coo-o, mí vana-vana can o lɛŋnde ndɔ nin, má cɛlan le kɔlan ndu yilɔɔ a le ndu ɲɔɔloo. Caaŋaa ndɔa kan yɔŋnun haa ni: Elifas fula Teman-ndo, Bildad fula Suha-o a Sofar fula Naama-o.

Kundalan 31:8

Má diw vɛlɛ masaa Madiannda nda ŋuɛɛnu: Evi, Rekɛm, Sur, Hur a Reba. Má dii vɛlɛ Balaam po Beɔr-o a mɔɛi cɔwve.

Kundalan 31:2

«Mingul yungoo Madian màá le dɛnɛ vɔɔn nda tosal Israɛlla-o. A cii pɛ màá kon mingi, a dem niko fuɲaa nɔmaa mamaa vi-a ciee-piɔ́m.»

Kundalan 22:4

Mí Moabua dimul kaasoŋaa kɔlkalua Madian aa: «Vannda ha co hunɔ̀ɔ̀ lɛŋnde naalen tɛɛmbuu mɛ̀ɛ́-mɛ̀ɛ́ nawvo dia bil puiyaa yondoo nin nuaa yɛ.» Tuma kon, Balak, po Sipɔr-o va masalen tosaa Moab ni.

O Kandɔɔ 37:36

Mí yulaa kan Madian bɛɛ a kɔ pisi Yosɛf langbanɔ pilɛ o ba diolan Potifar, vana bɛndoo o va o masale Faraɔnnɔɔ nin ni. Ndu va bolle vanaa kándà masaa-a ni.

O Kandɔɔ 37:28

Tuma yulaa fula kan Madian-nda va hiovɔɔ-o, má nan Yosɛf, má soli ndu o soondo nin, má pisi ndu cuaa-imamaa ismaɛl-laa kan o ba le volin latámán bidiin. Mí yulaa kan kɔannun a ndu o lɛŋnde Esipte len nin.

O Kandɔɔ 36:35

Mɛɛ Husam vi, mí Hadad, po Bedad-o koma sul masaa o fonda ndɔɔ. Ndu tiw yungoo Madian ba o tàndá Moab-o nin ni. O kobi nɔ diolan Avit-o nin ndóò fula ni.

O Kandɔɔ 25:1

Mí Abraham ndóò yil vɛlɛ lanɔ celen diolan aa Ketura.

O Kandɔɔ 25:3

Yɔksan yɔŋnun fuɲaa Saba nda Dedan ni. Dedan kon yɔŋnun fuɲa-mama Asuriia, Letusiia a Leumiia ni.

1Masaa 11:18

Má can Madian, má kei Paran, má bii vannda pum ndon, má hiaw a nda o Faraɔnnɔɔ lo, masaa Esipte pɛɛn. Mí masa kon ke Hadad cɛiyo, mó va ndu baloo dɔvɔɔ, mó ke vɛlɛ ndu yondoo.