O Kandɔɔ 24:5 - BII BILA

⁵ Mí buɛi ndɔ kon dimul ndu aa: «Bɔɔle vanalanɔ kon cɛlnin le hunɔɔ o lɛŋnden nden nin nanu le. Lelan, vɛ̀ɛ̀ i bɛnda mì kɔɛ a Isaak po nɔm o lɛŋnde n fula nin-nden nin?»

O Kandɔɔ 24:5 Referans Kwoze

Yeremi 4:2

Taa mɛnan pɛ aa: «Le Mɛlɛka yoomaa», mò va mɛnan toɲaa, sandei a dɛnɛ sandaa, o kon vanaa-mangalaa-isɔɔa sɔlanin duaa ya o ba, mà lisan o ya nin.

Talelan 13:16

Vana kɔlkaloo yiyan fɔlɔn malan o tosa ɲɛ o yeema le tosaa-o. Kɛ diɔm sondo vesɛiyo ndu, diɔmii ndɔɛi o pɛngɛla ni.

Fulaa 20:7

La pial diola Mɛlɛka Hala niaa o fondo fúúo coo le, kani vana pɛl pɛ diola ndɔlan o fondo fúúo coo, Mɛlɛka tuisi vana kon dɛnɛ palaa coo.

Fulaa 9:2

Taa kɛɛ pɛ le nda malɔɔ, mà kungulan nda coo,

O Kandɔɔ 24:58

Má veelu Rebeka, má ɲuna ndu aa: «Vɛ̀ɛ̀ a yeema mì la kɔɛ niaa langbanɔɔ ho?» Mí Rebeka cɛl aa: «Oi, i yeema mi n kɔɛ naa ndu.»

O Kandɔɔ 24:4

Kɛ maa a kɔanin o lɛŋnde nilen nin, ma kɔ cuel Isaak po ni lanɔɔ lon o vanayan nun nin.»

O Kandɔɔ 24:6

Mí Abraham mulul ndu aa: «Ɛ-ɛ, kɔa a po nuu o lɛŋnde len nin te.

O Kandɔɔ 24:39

Mɛɛ o cii ya dimul lende, mí mulul ndu aa: ‹Bɔɔle vanalanɔ kon cɛlnin le hunɔɔ naa ndu nanu le.›