O Kandɔɔ 24:49 - BII BILA

⁴⁹ Lelan sisa, te la yeema pɛ le vana ni bɛndoo kɛndɛi tosallo, mɛɛ la dimul-la mì sina. Te o bɛnda yɛ lende le, mɛɛ la dimul-la vɛlɛ mì sina, haliko mi muli hɔlla kpengii celen.»

O Kandɔɔ 24:49 Referans Kwoze

O Kandɔɔ 47:29

Mɛɛ o sina maa piɔ́m ndɔɔ co le tiiyaa, mó veelu Yosɛf po ndɔ, mó dimul ndu aa: «Taa ce ya pɛ ɲia, mɛɛ handu ba nɔmndo o lɔlu nuu bɛngu, mà mɛnan maa a co lo o lediom coo ma cɔm ya maa a ce ya ɲia, maa a kumbunin ya o lɛŋnde Esipte len nin nanu le.

Yosue 2:14

Mí vanpiaandua kan mulul Rahab aa: «N co a bɛɛndiannda le vuo le niaa, te la cɔɔmuu tuu naa le. Lɔ́ɔ́ Mɛlɛka malnin lɛŋnden nden naa o ba-o, n lonin o lediom coo mì n tosal nɔm dɛnɛ kɛndɔɔ.»

Talelan 3:3

Sakpoyɛi a toɲaa bɛnda mì la fáŋàn o kela nɔmndo nin te, yiinun ndan o labolo, sɛva lan o pɛngɛi kɔl nɔmndo coo.

O Kandɔɔ 32:10

O kon kɔɔli, mí Yakɔb piɛi aa: «Éé Hala Abraham fuɲa ni mamaa! Hala Isaak fuɲa ni-o! Nɔm dimul-la ni aa ya muungu vanaa nia o ibuŋ o lɛŋnde nilen nin, má tosal-la dɛnɛ kɛndɔɔ.

Tɔŋ miingua 2:27

‹Mal naa mì n kei o lɛŋnde nɔmnden nin. Nɛi bɛndoo kínɛí naa n co va kɔlan kɔɔli ni, n seinin o ba kɛndɛ coo le, n seinin vɛlɛ o ba mɛl coo le.

Kundalan 20:17

Lelan, cɛl yandi mì n kei o lɛŋnde nɔmnden nin. N keinin o ciɛɔn niaan nin te, n keinin o nakɔla niaala n'rɛsɛnndan nin te. Hali mɛmma co o soonnda kólaala niaalan nin-ndan, n kolnin man te. O nɛi bɛndoo coo sanaa naa n co lakɔ ni, háá mì n cii lɛŋnde nɔmnden taŋɔɔ, n seinin o ba kɛndɛ coo le, n seinin o ba mɛl coo le.»