O Kandɔɔ 24:48 - BII BILA

⁴⁸ O kon, mí baŋ vulan, mí yil Mɛlɛka nuvalio, Hala vana ni bɛndoo Abraham pɛɛn. Mí mel ndu balika le simnda o sim ya laci mó cɔm ya cua imama puapilɛ Abraham vana ni bɛndoo-o lan, haliko mo siŋnun lanɔɔ po ndɔɔ, mì yoo ndu ndu.

O Kandɔɔ 24:48 Referans Kwoze

Condii lisai 48:14

La mɛɛndian-ndɔ kpakila ndɔlan, mì la tofa fondala ndɔla mayoomulan ɲɛkɛndɛi, le vanaa hun vialunnin-nda dimullo

Condii lisai 32:8

Mɛlɛka dimul-la aa: «I pɛɛkunin nɔm, mì cɔm nɔm nɛi n bɛnda le kelaa coo-o. I silanin nɔm, mì landu hɔlla nɔm coo.

Esai 48:17

Nuaa Mɛlɛka, vana niaa baŋaa, O-Diandaa Israɛlla soo ni aa: «Ya Mɛlɛka, Hala niaa, i co niaa pɛɛkoo le dɛnɛ niaa kɛndɔɔ, i cii niaa yɔɔ o nɛi niáà bɛnda le kelaa coo-o coo.»

O Kandɔɔ 24:52

Mɛɛ buɛi Abraham-ndo tuei sɔɛi ken, mó baŋ vulan Mɛlɛka o labɛngunin.

Talelan 4:11

I pɛɛku nɔm nɛi kɔlkaloo, mí kɔa a nɔm o nɛila dɛnɛ sandaalan coo.

Condii lisai 107:7

Mó cɔm nda nɛi sakpoo le kɔlan o kobi ndáà kila caltan-ndo nin.

Ɛsdras 8:21

Nɛɛ naa n va o peo Ahava kɔngɔ-a, mí yɔngu yondaa le sumndo biyɔɔ le tuisinndo tootoo Hala naa o hɔl, haliko mi ndóò kanda naa pila, cuavaa naa a ɲɛm naan, mì náà n sɔla kɔlɲuloo o kɔlan.

Fulaa 18:20

A bɛnda ma cɔm nda sɔɔn Hala dimi-on a tɔŋnda ndɔlan, mà cɔm nda nɛi nda bɛnda le kɔlan coo-o a mɛɛ nda bɛnda le kelaa yɛ.

O Kandɔɔ 22:23

Betuɛl kon yɔŋnun fuɲaa Rebeka ni. Poaa ŋɔmaa Milka vilul Nahɔr, pɔmbɔɔ Abraham-nda yɔŋnun kan ni.