O Kandɔɔ 24:42 - BII BILA

⁴² Nduyɛ, mɛɛ ya tiiya hau o soon kólaa, mí piɛi Mɛlɛka aa: ‹Mɛlɛka, Hala vana ni bɛndoo Abraham, tosa mì sɔɛi ya hin hee toosiaa-e bɛnda ya o ba.

O Kandɔɔ 24:42 Referans Kwoze

Nehemi 1:11

Éé Mɛlɛka! Yaŋ nilan o piɛile nilen a o piɛile vanaa nɔmaa baalaa, á yeema le diola nɔmndan bɛɛlen keo-va. Hau, tosa mì langbanɔɔ ho ce ya vana nɔm baalaa ɲia. Tuma kon yɛ, ya óò toosiaa mɔima masaa ni.»

Rɔmnda 1:10

o piɛile nilen nin. I co lambanndo ɲunaa le niaa kɔlan yilɔɔ, te Hala cɛl pɛ.

Condii lisai 90:17

Maalii Hala naa, màá kɛndɛi nɔmnde tol naa coo! Luei dɛnnda naa n co tosaa a laba lan yoomuan, a toɲa, luei lan yoomuan!

Condii lisai 37:5

Mal dɛnnda nɔmndan Mɛlɛka o ba, ma laalan ndu, o tosanin.

Ɛsdras 8:21

Nɛɛ naa n va o peo Ahava kɔngɔ-a, mí yɔngu yondaa le sumndo biyɔɔ le tuisinndo tootoo Hala naa o hɔl, haliko mi ndóò kanda naa pila, cuavaa naa a ɲɛm naan, mì náà n sɔla kɔlɲuloo o kɔlan.

Dɛnnda kiilaa 10:22

Má mulul ndu aa: «Kɔrnɛil co simlacinɔ vanaa cɔvaa kɛmɛa-o vem naa ni. Vana sandaa o co ni, o vo Hala-o, Yuifia kpow a co diola ndɔla kɛndɛlan dimio. Mɛlɛkanɔ diandaa Hala-o dimul ndu ni maa nɔm kɔ o ndu lo cɛinin, mò tuei ɲɛ n kɔ va ndu dimul-lo.»

O Kandɔɔ 39:3

Mí Potifar sina maa Mɛlɛka va Yosɛf ikɛi, ɲɛ-ɲɛ Yosɛf va tosaa, mí Mɛlɛka va ndu nɛŋio.

O Kandɔɔ 24:31

mó dimul ndu aa: «Hun o yiya o naa lo cɛinin, nɔm Mɛlɛka dɔw hoo duaa-o. Vɛ ma va isisi ciee-lekɔɔ nanu? I cii nɔm cɛi hinia toosial, mí bɛɛndiaa vɛlɛ fondaa le ɲɔɔmɛaa nɔmnda.»

O Kandɔɔ 24:11

Mɛɛ o tiiya ciee-lekɔɔ, o soon kólaa ikɛi, mó baŋ ɲɔɔmɛɛa vulan le pɛngio. Kon yɔŋnun a paale delaalen, telen vanlaandua kɔa mɛnndan kɔndɔɔ o peelo-o.

O Kandɔɔ 24:27

Mó dimi aa: «Biiloo co le Mɛlɛka, Hala Abraham vana ni bɛndoo. Kani o sanga le vana ni bɛndoo Abraham kɛndɛi tosallo a le lou o diomnde ndɔlen coo le. I sina nihau maa o sim ya laci o kela nuu ho nin, mó yaa ya o vanayɛi vana ni bɛndoo lo cɛinin.»

1Samiɛl 1:13

O va ndu cɔu cɔcɔn biiŋoo, kɛ o ve ndu diomndo tueyɔɔ le, kani o kɔl nin o va piɛilen ni. Mí Helii va yiyanndo maa mɔiyan maa bii Anɛɛ ni.

1Samiɛl 9:6

Mí buɛi kon mulul ndu aa: «Vana-tɛɛngaa-diom Hala-o pum co o kobio ho nin, o fula tɔ́ɔ́ taw. Ɲɛ-ɲɛ o dimi pɛ, mɛɛ mo tosan lekɛ́ndɛi. N kɔ vɔ hau o ndu lo, bɔɔle mo cɔm naa nɛi naa n bɛnda mì n kɔɛ coo-o.»